დაინფიცირებული დედების ახალშობილებს COVID-19-ის მიმართ ანტისხეულები აღმოაჩნდათ
G კლასის იმუნოგლობულინები გადიან პლაცენტას და ქმნიან მუცლადყოფნის პერიოდში, თანდაყოლილ იმუნიტეტს. არსებობს ასევე M კლასის იმუნოგლობულინები, რომლებიც უფრო დიდა და ვერ უნდა გადიოდნენ პლაცენტას, თუმცა არსებობს კვლევა, რომლის თანახმადაც ახალშობილებში ამ კლასის იმუნოგლობულინიც აღმოჩენილა.
სპეციალისტებს ჯერ ვერ აუხსნიათ რასთანაა ეს დაკავშირებული. ნაყოფის ორგანიზმმა თავად მოახდინა ანტისხეულების სინთეზი თუ COVID‑19-მა დედიდან პლაცენტაში შეაღწია? ნებისმიერ შემთხვევაში ჯერჯერობით არანაირი მტკიცებულება არ არსებობს, რომ ახალი კორონავირუსი ორსულებში იწვევს ნაყოფის განვითარების მანკებს.
ზოგადად, ამგვარი ანტისხეულები იმის ნიშანია, რომ ინფექციასთან თავის დროზე მომხდარი შეტაკება გამარჯვებით დასრულდა. აღნიშნული ანტისხეულები ორგანიზმში საკმაოდ დიდხანს ცირკულირებენ.