ჩინეთში გასული დღე-ღამის განმავლობაში COVID-19-ის არც ერთი ახალი შემთხვევა არ დაფიქსირებულა
საერთო ჯამში ჩინეთში გამოვლენილი იქნა კორონავირუსის 1676 იმპორტირებული შემთხვევა. ჯერ კიდევ დასნებოვნებულია 325 ადამიანი, 5 მძიმე მდგომარეობაშია, 1351 პაციენტი გამოჯანმრთელდა.
1 აპრილიდან ქვეყნის ხელისუფლებამ დაიწყო დაავადების უსიმპტომო მიმდინარეობის შემთხვევებზე მონაცემების გამოქვეყნება. ბოლო დღეღამის განმავლობაში კარანტინიდან გამოშვებულია 30 ადამიანი, რომელთაც კორონავირუსზე ტესტის პასუხი დადებითი ჰქონდათ, მაგრამ დაავადებისათვის დამხასიათებელი სიმპტომები არ აღენიშნებოდათ. დაკვირვების ქვეშ რჩება 947 უსიმპტომო მატარებელი.
ეპიდემიის კერაში, ჰუბეის პროვინციაში, არ დაფიქსირებულა გასული დღეღამის განმავლობაში არც ერთი ახალი დასნებოვნების ან სიკვდილის შემთხვევა. საავადმყოფოში აღარც ერთი პაციენტი აღარაა კორონავირუსული ინფექციით.
ჰონკონგში გამოვლენილია კორონავირუსით დაინფიცირების1040, მაკაოში 45, ტაივანში 438 შემთხვევა.
ჩინეთის სახალხო რესპუბლიკის ჯანდაცვის საკითხების სახელმწიფო კომიტეტმა 29 მარტს განაცხადა, რომ ქვეყანაში ეპიდემიის გავრცელება შეჩერებულია.