რა ხდება გერმანიაში კორონავირუსთან დაკავშირებით
მას შემდეგ, რაც საერთაშორისო ტურიზმზე აკრძალვა 14 ივნისამდე გამოცხადდა.
ამას გარდა, ჯერჯერობით მოქმედებს ქვეყნის შიგნით გადაადგილებებზეც შეზღუდვა. ხელსუფლება აფრთხილებს საკუთარ მოსახლეობას, რომ ამ წელს შესაძლეელია გერმანელებმა ვერ გაატარონ შვებულება ისე, როგორც მათ სჩვევიათ. გერმანიის ტუროპერატორების ასოციაცია აცხადებს, რომ დარგის ზარალმა წლის დასაწყისიდან აპრილის ბოლომდე 4,8 მილიარდი ევრო შეადგინა.
გერმანიაში შეზღუდვების შერბილება გასული კვირიდან დაიწყეს. Covid-19-თან დაკავშირებული სიკვდილიანობა გერმანიაში დასავლეთ ევროპის ქვეყნებს შორის, ყველაზე დაბალია. პანდემიის დაწყებიდან გერმანიაში გარდაიცვალა 6228 ადამიანი. გერმანიის ჯანდაცვის სამსახური, ისევე როგორც სხვა მრავალი ქვეყნების შესაბამისი სამსახურები, მიისწრაფის დასნებოვნებულთა რიცხვის მაქსიმალურად შემცირებისაკენ. ამ კვირის მანძილზე, გერმანიაში დღეში, საშუალოდ 1000-1500 კორონავირუსის ახალი დადასტურებული შემთხვევა დაფიქსირდა.