როგორ იწყებს ჩეხეთი კარანტინიდან გამოსვლას
ნორვეგიამ და ჩეხეთმა უკვე შეარბილეს აკრძალვები.
ჩეხეთი ერთერთი პირველი ევროპული ქვეყანა იყო, რომელმაც შემოიღო საგანგებო მდგომარეობის რეჟიმი. თუმცა, იმ მომენტისათვის, ქვეყანაში 100-ზე ნაკლები დასნებოვნებული იყო და არც ერთი გარდაცვლილი. დღეისათვის ჩეხეთში კორონავირუსისაგან დასნებოვნებულ ადამიანთა რაოდენობა 7600 შეადგენს, ხოლო გარდაიცვალა 237. მიუხედავად იმისა, რომ საგანგებო მდგომარეობა 17 მაისამდეა გამოცხადებული, ქვეყანამ დაიწყო შეზღუდვების შერბილება.
ჩეხეთი მთავრობის მიერ, თავის დროზე გატარებულმა მკაცრმა ღონისძიებებმა, შედეგი გამოიღო და ახლა ჩეხეთის ხელისუფლებას ქვეყანა ნელნელა გამოჰყავს კარანტინიდან დაგეგმილზე ორი კვირით ადრე.
ადამიანებს უკვე მიეცათ ქვეყნის ტერიტორიაზე თავისუფლად გადაადგილების საშუალება და გაიხსნა საზღვრებიც. თუმცა ჩეხები ვერსად მიდიან რადგანაც ქვეყნების უმეტესობას ისევ ჩაკეტილი აქვს საზღვრები.
ნიღბების ტარება სახლიდან გამოსვლის ძირითადი პირობაა. გამონაკლისი დაიშვება მხოლოდ ვარჯიშისას. ქუჩაში ნიღბის გარეშე გასვლისთვის ჯარიმა 20 ათასი კრონია (740 ევრო). როგორც ჩეხეთის ეპიდემიოლოგიურ სამსახურში აცხადებენ, ყველაზე ბოლოს ნიღბების ტარებაზე მოიხსნება შეზღუდვა და როდის იქნება ეს ჩეხი ეპიდემიოლოგები ჯერჯერობით ვერ აკონკრეტებენ.