გრძელი დიაპაზონის ულტრაიისფერი გამოსხივება კორონავირუსს კლავს
შესაძლებელია კორონავირუსის COVID-19 განადგურება. მეცნიერები ულტრაიისფერი სინათლის გამოყენებას გვთავაზობენ. ბაქტერიოციდულ ულტრაიისფერ გამოსხივებას შენობისა და აპარატურის გასასუფთავებლად იყენებენ საავადმყოფოებსა და სამედიცინო ცენტრებში. თუმცა, მისი პირდაპირი ზემოქმედება ადამიანის ჯანმრთელობისთვის მავნებელია და შესაძლებელია გამოიწვიოს კანის კიბო და თვალის დაავადებები.
არსებობს ულტრაიისფერი სინათლის განსაკუთრებული ტიპი, ე.წ. გრძელი დიაპაზონის ულტრაიისფერი გამოსხივება, რომელიც კლავს პათოგენებს, მაგრამ ადამიანისათვის საშიში არ არის, რადგანაც არ აზიანებს კანის უჯრედებს. ექსპერტები ფიქრობენ ამ ტიპის დასხივების გამოყენებას კორონავირუსისაგან დასაცავად.
ვირუსი თხელი მემბრანითაა დაფარული, რომელიც ადვილად იშლება ულტრაიისფერი სხივების ზემოქმედებით. ამით მიიღწევა ანტივირუსული ეფექტი (განადგურდა ვირუსების 99%). მეცნიერებმა წარმატებით გამოსცადეს დასხივება სეზონური კორონავირუსის ორ შტამზე და ახლა მიმდინარეობს COVID-19-ის შტამზე ტესტირება.
სხვათაშორის ჩინეთსა და სამხრეთ კორეაში საზოგადოებრივი ტრანსპორტის გასასტერილებლად იყენებენ რობოტებს ულტრაიისფერი გამოსხივებით.