კორონავირუსთან გერმანიის წარმატების საწინდარი ზედმეტი საწოლებია
რობერტ კოხის ინსტიტუტის ბოლო მონაცემებით, გერმანიაში ვირუსისაგან გარდაიცვალა 5,5 ათასი ადამიანი, რამდენჯერმე ნაკლები, ვიდრე ბრიტანეთში, საფრანგეთში, იტალიაში, ესპანეთსა და აშშ-ში.
გერმანიის საგარეო საქმეთა სამინისტროს წარმომადგენელმა კორონავირუსთან შექმნილი სიტუაცია "იღბალით" ახსნა. ასევე მისი განცხადებით, წარმატების ძირითადი მიზეზი საავადმყოფოების რეანიმაციულ განყოფილებებში ზედმეტი საწოლების არსებობაა, რასაც გერმანიის ჯანდაცვის სისტემის მემკვიდრეობა უწოდა.
ბევრი ექსპერტი აკრიტიკებდა გერმანიას ზედმეტი საწოლებისა და ზედმეტი ხარჯების გამო.
გერმანიაში რეანიმაციის განყოფილებებში 40 ათასი ადგილია, საიდანაც 30 ათასით შესაძლებელია ფილტვების ხელოვნური ვენტილაციის აპარატთან მუშაობა.