რომელ პრეპარატებს იკვლევენ მეცნიერები Covid-19-ის დროს განვითარებული იმუნური პასუხის დასარეგულირებლად?
ანთება შესაძლოა მთელს ორგანიზმში განვითარდეს. ერთია იმუნური სისტემის მობილიზება, რომელიც ასე მნიშვნელოვანია ინფექციასთან ბრძოლაში, და მეორეა იმუნური მექანიზმების გადამეტძაბვა, ამან შესაძლოა უარყოფითი შედეგები მოუტანოს ორგანიზმს, სიკვდილიც კი გამოიწვიოს.
ჯანმოს (ჯანდაცვის მსოფლიო ორგანიზაციის) მიერ ორგანიზებულ კვლევებში აქტიურად შეისწავლება ბეტა-ინტერფერონი, რომელიც გამოიყენება გაფანტული სკლეროზისა და ანთებითი პროცესების ჩასაცხრობად. ინტერფერონები ქიმიურ ნივთიერებათა ჯგუფია, რომლებსაც ორგანიზმი თავად გამოიმუშავებს ვირუსის შემოტევისას.
აღსანიშნავია ისიც, რომ კორონავირუსის წინააღმდეგ მიმართულ ბრიტანეთის კლინიკურ კვლევებში აქტიურად შეისწავლება დექსმეტაზონიც - ანთების საწინააღმდეგო თვისებებით გამორჩეული აქტიური ნივთიერება.