ტრამპი კორონავირუსის გამო აშშ-ში იმიგრაციის შეჩერებას გეგმავს
საკუთარ twitter-ზე ტრამპმა დაწერა, რომ ეს გადაწყვეტილება მან მიიღო "უხილავი მტრის თავდასხმასთან დაკავშირებით" და ასევე "ჩვენი შესანიშნავი ამერიკის მოქალაქეების სამუშაო ადგილების დაცვის აუცილებლობის გამო".
რამპს არ დაუზუსტებია, როდეს მოაწერს ამგვარ ბრძანებას ხელს და რა ვადებში იმოქმედებს შეზღუდვა. თავისი გადაწყვეტილების არც სხვა დეტალები დაუკონკრეტებია.
კორონავირუსის პანდემიის გამო აშშ საკუთარ ტერიტორიაზე მექსიკიდან და კანადიდან შესვლის ნებას აძლევს მხოლოდ უკიდურესი აუცილებლობის შემთხვევაში. ასეთი შეზღუდვები იმოქმედებს მაისის შუა რიცხვებამდე.
აშშ-ში შესვლა ეზღუდება ასევე მოქალაქეებს ევროპული ქვეყნებიდან და ჩინეთიდან, მაგრამ ქვეყანაში ისევ შეუძლიათ შესვლა დროებითი სამუშაო ვიზების მფლობელებს, სტუდენტებსა და ბიზნესმენებს.