როგორ და რა ქსოვილისგან უნდა შევკეროთ ნიღაბი სახლის პირობებში - ამერიკის დაავადებათა კონტროლის ცენტრი გვირჩევს
თუ რომელი ქსოვილი უნდა გამოვიყენოთ ნიღბის შესაკერად. მათი თქმით, იდეალური კომბინაციაა ბამბა და ნატურალური აბრეშუმი ან ხელოვნური შიფონი. ეს მოსაზრება გამყარებულია ჩიკაგოს უნივერსიტეტის მიერ ჩატარებული ექსპერიმენტებით. ექსპერტებმა შეისწავლეს დასნებოვნებული ადამიანის მიერ სუნთქვისას გამოყოფილი წვეთების ზომასთან მიახლოებული აეროზოლის ფილტრაციის დონე ცალკეულ ქსოვილებზე და მათი კომბინაციისას.
მკვლევარებმა შექმნეს 10 ნანომეტრიდან 6 მიკრომეტრამდე ზომის აეროზოლის ნაწილაკები. ვენტილატორი უბერავდა აეროზოლს სხვადასხვა ფაქტურის ქსოვილზე მოსვენებულ მდგომარეობაში ადამიანის სუნთქვის შესაბამისად. მეცნიერები კი აფიქსირებდნენ ჰაერში ნაწილაკების რაოდენობასა და ზომას ქსოვილში გავლამდე და გავლის შემდეგ.
აღმოჩნდა, რომ ბამბის ქსოვილის ერთი ფენა ორ ფენა ხელოვნურ შიფონთან ერთად უფრო მეტ აეროზოლის ნაწილაკებს ფილტრავს და ახლოსაა N 95 ტიპის ნიღბის ეფექტურობასთან.
შიფონის ნატურალური აბრეშუმით ან ფლანელით შეცვლამ იგივე შედეგი აჩვენა. გამოდის, რომ ბამბის მკვრივი ქსოვილი შეიძლება წარმოადგენდეს ნაწილაკების მექანიკურ ბარიერს, რომელიც იკავებს სატატიკურ მუხტს. ისეთი ქსოვილები, როგორიცაა შიფონი და ნატურალური აბრეშუმი, მოქმედებს, როგორც ელექტროსტატიკური ბარიერი.