თვითიზოლაციის თემაზე ხუმრობა ფსიქიკისათვის სასარგებლოდ მიიჩნიეს
კომიქსები და ანეგდოტები ადამიანებს ფსიქოლოგიური წნეხის გადალახვაში ეხმარება. იუმორი თავდაცვის შესანიშნავი მექანიზმია, ხოლო რთული დროის გადავლა შესაძლებელია ფსიქიკის შენარჩუნების პირობებში.
პანდემიის დროს ძალიან მნიშვნელოვანი ხდება ფსიქოლოგების მუშაობა, რომლებიც უნდა დაეხმარონ ადამიანებს ყოველდღიური რუტინისა და თვითიზოლაციის შედეგად განვითარებული დარღვევების გადალახვაში. ეს შეიძლება იყოს ოჯახური ძალადობა, დეპრესია, პოსტრავმული მოშლილობა. ყველა ამ შემთხვევაში საჭიროა ფსიქოლოგის დახმარება, თუნდაც დინსტანციურად, რადგანაც ამგვარ საკითხებთან გამკლავება სპეციალისტის დახმარების გარეშე ძალიან ძნელია. ხუმრობა ყოველთვის ეფექტურია, პრობლემები რჩება, მაგრამ იუმორით შესაძლებელია მისი სხვა ადამიანებთან გაზიარება. იუმორი გვეხმარება იმის გაცნობიერებაში, რომ საყოველთაო კეთილდღეობისათვის ჩადენილ თითოეულ ჩვენს ქმედებას გააჩნია აზრი.
სხვათაშორის დეპრესიული მიმები განსაკუთრებულად მოქმედებენ დეპრესიულ ადამიანებზე. დადგინდა, რომ ინტერნეტ-მიმები ამცირებენ აღნიშნული დარღვევის გამოხატულებას. აღმოჩნდა, რომ დეპრესიულ ადამიანებს დეპრესიული მიმები უფრო სასაცილოდ და გასაგებად ეჩვენებოდათ, ვიდრე მათ ვისაც დეპრესია არ ჰქონდათ.
მეცნიერების აზრით, დეპრესიულ ადამიანებს იუმორის განსხვავებული გრძნობა აქვთ, კერძოდ, ისინი უკეთ აღიქვამენ შავ იუმორს.