როდის დაიხევს უკან კორონავირუსის ეპიდემია
კორონავირუსი ორი დღის მანძილზე ადამიანის ფილტვებში თითქმის სამჯერ მეტ პათოგენურ ნაწილაკს წარმოქმნის, ვიდრე მისი წინამორბედი, 2002-2003 წლებში ატიპიური პნევმონიის აფეთქების გამომწვევი, Sars-CoV.
48 საათის განმავლობაში Sars-CoV-2 ვირუსმა მოახდინა 3,2-ჯერ მეტი ინფექციური ნაწილაკის გენერირება, ვიდრე SARS-CoV. ზოგჯერ ახალი შტამი ორი დღის განმავლობაში 100-ჯერ გამრავლდა. ატიპიური პნევმონიის ვირუსი კი 10-ჯერ ნაკლებად ახდენდა აღნიშნულ გენერაციას. აღსანიშნავია, რომ გაურკვეველი მიზეზების გამო, სხეულში მოხვედრისას სასიგნალო მოლეკულები (რომლებიც იმუნიტეტს ატყობინებენ შეჭრის შესახებ) არ იწარმოება 48 საათის განმავლობაში. სწორედ ამით აიხსნება დასაწყის სტადიაში დაავადების სიმპტომების არარსებობა.
მეცნიერების აზრით, მოსახლეობის 90% ვირუსის მიმართ იმუნიტეტი არ გააჩნია, ამიტომ SARS-CoV-2 გავრცელება შეიძლება გაგრძელდეს ზაფხულის შემდეგაც. ამ მოსაზრებას იზიარებენ ჰონკონგელი და ამერიკელი მეცნიერები. ისინი მოგვიწოდებენ არ შევადაროთ გრიპის ვირუსს ახალი კორონავირუსი. მით უმეტეს, რომ ეს უკანასკნელი მნიშვნელოვნად ჰგავს ახლო აღმოსავლეთის რესპირატორული სინდრომის ვირუსს, რომელიც ვრცელდებოდა 450 C ტემპერატურის პირობებშიც.
ასევე წაიკითხეთ: