ევროპა (დიდი ბრიტანეთის გარდა) კარანტინის შერბილებას აპირებს
გერმანიაში დაუშვებენ არა უმეტეს 800 მ2 ფართის მქონე კომერციული საწარმოების, ასევე ავტოსალონების, ველოსიპედისა და წიგნების მაღაზიების გახსნას.
ჩეხეთში კარანტინის ეტაპობრივ შესუსტებას გეგმავენ. მუშაობას განაახლებს ღია ბაზრები, ქვეყნის მოქალაქეებს საქმიანი ვიზიტით საზღვარგარეთ მოგზაურობისა და ახლობლების მონახულების ნება მიეცემათ. მაგრამ დაბრუნებისას მათ 14 დღიან კარანტინში მოუწევთ ყოფნა.
საფრანგეთში ისევ იქნება მოხუცებულთა სახლების მონახულება შესაძლებელი, მაგრამ ფიზიკური კონტაქტი ისევ აკრძალული იქნება და მხოლოდ ორ ნათესავს ექნება ერთჯერადად მისვლის შესაძლებლობა. საფრანგეთში მოხუცებულთა სახლების 45% აღინიშნა კორონავირუსით დასნებოვნების შემთხვევები.
ნორვეგიაში გაიხსნება საბავშვო ბაღები და ზოგიერთი სპეციალიზირებული კლინიკა. ხოლო ერთ კვირაში იგეგმება უნივერსიტეტების, საპარიკმახეროებისა და სილამაზის სალონების გახსნა.
ინფიცირებულების რაოდენობის მკვეთრი ზრდის (ერთ დღეში 545 ახალი შემთხვევა) მიუხედავად, პოლონეთში ნებადართულია ტყეებსა და პარკებში გასვლა და მაღაზიებში ერთდროულად გარკვეული რაოდენებოს ადამიანის ყოფნა.