ესპანეთი და იტალია კარანტინს ამსუბუქებენ
მაშინ როდესაც სხვები კარანტინის შემსუბუქებაზე ფიქრობენ.
ორშაბათიდან ესპანეთში მუშაობას განაახლებს ქარხნები, ხოლო იტალიაში სამშაბათიდან გაიხსნება ზოგიერთი მაღაზია. უფრო ადრე სკოლების გახსნასა და ადამიანების გადაადგილებაზე შეზღუდვების ნაწილობრივ მოხსნაზე გამოაცხადა დანიამ.
გერმანიაში მთავრობა განიხილავს ღონისძიებების შერბილებას, საფრანგეთსა და ბრიტანეთში კარანტინის გახანგრძლივებას ელოდებიან.
ორშაბათს ესპანეთის ხელისუფლებამ გამოაცხადა კარანტინის დროს დაწესებული შეზღუდვების ნაწილის გაუქმების შესახებ, მაგრამ კატალონიის ხელისუფლებამ უკვე უარი განაცხადა ამ გადაწყვეტილების შესრულებაზე იმ მოტივით, რომ ახალი აფეთქებისა და მეორე კარანტინის რისკი საკმაოდ მაღალია. ქვეყნის დანარჩენ რეგიონებში წარმოებაში დასაქმებული მუშები, მშენებლები და სხვა კატეგორიის მოქალაქეები სამსახურში დაბრუნებას შეძლებენ მკაცრი სანიტარული ნორმების დაცვის პირობებში. ესპანეთი შედის კორონავირუსით ყველაზე დაზარალებული ქვეყნების რიცხვში. ქვეყანაში ჩოვიდ-19-ით გარდაცვლილთა რიცხვი 17 ათასს შეადგენს. თუმცა უკანასკნელ დროს ახალი შემთხვევების რიცხვი ნელნელა ქვეითდება.
იტალიაში საყოველთაო იზოლაცია გაგრძელდა 3 მაისამდე, მაგრამ სამშაბათიდან შეიძლება გაიხსნას წიგნის, საკანცელარიო საგნების და საბავშვო ტანსაცმლის მაღაზიები. თუმცა ქარხნები ისევ დაკეტილი რჩება.
გერმანიის კანცლერი ანგელა მერკერი მეცნიერებათა აკადემიასთან შეზღუდვების შერბილების შესახებ კონსულტაციის შერმდეგ, ოთხშაბათს განიხილავს ამ პერსპექტივას რეგიონების მეთაურებთან ვიდეო თათბირზე.