როგორ შევინარჩუნოთ ოჯახი თვითიზოლაციისას
ამიტომ წყვილისთვის ძალიან მნიშვნელოვანია ურთიერთობების გარკვევის ნებისმიერ ფორმაზე მორატორიუმის დაწესება. მთელი თვე ერთად გატარების პირობებში კარის გაჯახუნების დრო ნამდვილად არ არის, ამასთან სტრესისა და გაურკვევლობის დროს ეს ნაკლებად გამოგივათ. ამდენად, მაქსიმალურად უნდა მოვუფრთხილდეთ ერთმანეთს.
საკუთარი კუთხე
ახლა ყველაზე დიდი შეცდომა დროის ერთად გატარებაა. ნორმალური ცხოვრების პირობები, შეხვედრებისა და დაშორებების ერთმანეთის მონაცვლე რითმია, რომლის შენარჩუნებაც აუცილებელია. ერთ ოთახიან ბინაშიც კი საჭიროა საკუთარი კუთხის მოძებნა. ეს იქნება ადგილი, სადაც თითოეული რაღაც თავისით იქნება დაკავებული, რაც დაძაბულობას მოხსნის და კონფლიქტებსაც აგვაცილებს თავიდან.
ვარჯიში
თვითიზოლაციისას უნდა შევინარჩუნოთ ფიზიკური ფორმა, არა მხოლოდ ჯანმრთელობისთვის. ჰიპოდინამია დამანგრეველად მოქმედებს თითოეული ჩვენგანის განწყობაზე და მაშასადამე, ურთიერთობებზეც. დღეში ერთ საათიანი ვარჯიში რამდენადმე აქვეითებს სტრესის დონეს.
ყურადღება მოვაქციოთ გარეგნულ მხარეს
მამაკაცებმა წვერი უნდა გაიპარსონ ისევე, როგორც ამას ჩვეულებრივ აკეთებდნენ, მანდილოსნებმა კი არ უნდა დაივიწყონ დეკორატიული კოსმეტიკა, რადგანაც ჩვენი საკუთარი გარეგნობაც კი ხშირად ხდება გაღიზიანების ფაქტორი.
ყურადღება დაუთმეთ ემოციურ ჰიგიენას
არასტანდარტულ სიტუაციაში მძიმე მუსიკამ და ფილმებმა შეიძლება დამთრგუნველად იმოქმედოს, მაშინაც კი თუ ადრე უპრობლემოდ ატარებდით საღამოებს საშინელებათა ფილმების ყურებისას.
დაიცავით დღის რეჟიმი
სახლში 24/7 ყოფნისას დროის სტრუქტურის შეგრძნებას ვართ მოწყვეტილები. საუბარია ერთსადაიმავე დროს ადგომაზე, სამსახურში/სასწავლებელში წასვლაზე და ა.შ. ახლა ახალი რეჟიმია განსახორცილებელი, ამასთან ისეთი, რომ პარტნიორის რეჟიმთან იყოს თანხვედრილი. შეეცადეთ ერთიდაიგივე დროს ადგეთ, ერთად ისადილოთ და ივახშმოთ. ეს დროის ეფექტურად დახარჯვასა და დისტანციურ მუშაობაში/სწავლაში დაგეხმარებათ. რაც მეტად კმაყოფილი იქნებით საკუთარი სამუშაოთი, მით მეტი დადებითი რესურსი გექნებათ ურთიერთობისათვის.
ასევე წაიკითხეთ: