თამბაქოს გიგანტი კორონავირუსის საწინააღმდეგო ვაქცინის შექმნის პროცესში ჩაერთო
კომპანიამ British American Tobacco (BAT) განაცხადა, რომ დიდი ბრიტანეთის მთავრობის მხარდაჭერის შემთხვევაში, კვირაში ვაქცინის სამ მილიონამდე დოზის წარმოებას შეძლებს. BAთ მეცნიერებს კვლევის დაჩქარებისა და ადამიანების ტესტირების ფაზაზე გადასვლისკენ მოუწოდებს.
როგორც ცნობილია, თამბაქოს კომპანიებს, ჯანმრთელობის დაცვის მსოფლიო ორგანიზაციის დადგენილების თანახმად, სახელმწიფო სტრუქტურებთან კონტრაქტის დადება ეკრძალებათ. მაგრამ БАТ საკითხის დარეგულრებასთან დაკავშირებით გეგმავს ჯანდაცვის მსოფლიო ორგანიზაციასთან დაკავშირებას. კომპანიას ვაქცინის წარმოების საკითხთან დაკავშირებით არ მიუმართავს ა.შ.შ-ს საკვები პროდუქტებისა და სამკურნალო საშუალებების ხარისხის კონტროლის სამმართველოსა და დიდი ბრიტანეთის ჯანდაცვისა და სოციალური უზრუნველყოფის სამინისტროსათვის. კომპანიის წარმომადგენლები იმედოვნებენ, რომ სახელმწიფო სტრუქტურებთან პარტნიორობა დაეხმარებათ უკვე ამ თვიდან კლინიკური კვლევების დაწყებაში.
აღსანიშნავია, რომ ვაქცინაზე მუშაობს ა.შ.შ-ში
BAT-ს შვილობილი კომპანია Kentucky BioProcessing (KBP). KBP -ს უკვე გააჩნია ინფექციური დაავადებების აფეთქებებთან ბრძოლის გამოცდილება. მაგალითად, კომპანიის ტექნოლოგიების დახმარებით, 2014 წელს შეიმუშავეს ებოლას ცხელების საწინააღმდეგო ეფექტური პრეპარატი ძMაპპ.
ცნობილია, რომ KBP მკვლევრებმა შეძლეს კორონავირუსის გენეტიკური თანმიმდევრობის კლონირება და შეიმუშავეს მის მიმართ პოტენციური ანტიგენი. აღნიშნული ანტიგენი ჩანერგეს თამბაქოში, სადაც მცენარეს ცოცხალი სტრუქტურები შეასრულებენ ლაბორატორიის ფუნქციას და დაეხმარებიან ანტიგენის კოპირებაში. მცენარეული ვაქცინის მისაღებად მხოლოდ რამოდენიმე კვირაა საჭირო. მნიშვნელოვანია ისიც, რომ ვაქცინის შენახვა შესაძლებელი იქნება ოთახის ტემპერატურაზე.
ასევე წაიკითხეთ: