კორონავირუსი საუბრისა და სუნთქვის დროსაც შეიძლება გავრცელდეს
ამდენად, სულაც არ არის აუცილებელი ადამიანმა დააცემინოს ან დაახველოს.
კვლევამ აჩვენა, რომ 1მმ დიამეტრის, პოტენციურად ვირუსის შემცველი წვეთები გარემოში ხვდება დაახველების ან ცემინების დროს და სწრაფად ეცემა მიწაზე 1 მეტრის რადიუსში. მაგრამ სირთულე მაშინ დგება, როდესაც გარემოში ხვდება ვირუსის შემცველი ულტრადისპერსიული აეროზოლი. ვირუსი იქ შეიძლება აღმოჩნდეს, თუ ინფიცირებული არ ატარებს ნიღაბს და უბრალოდ საუბრობს ან სუნთქავს. ამის შემდეგ SARS-CoV-2 ვირუსი აეროზოლის სახით შეიძლება დარჩეს ჰაერში სამ საათამდე.
უჰანის საავადმყოფოში შეკრებილი მონაცემების ანალიზმა აჩვენა, რომ ძირითადი ლოკაციები, სადაც ვირუსი აეროზოლის ფორმით აღმოჩნდა იყო პაციენტების აბაზანები და სამედიცინო პერსონალის ტანსაცმლის გამოსაცვლელი ოთახები, სადაც მედიკოსები იხდიდნენ ინდივიდუალური დაცვის საშუალებებს.
ვირუსის შემცველი ნაწილაკები შეიძლება დაილექოს ადამიანის ხელებსა და ტანსაცმელზეც.
ასევე წაიკითხეთ: