უკვე შესაძლებელია არა მხოლოდ კორონავირუსის დიაგნოსტირება, არამედ იმის დადგენაც, თუ რომელი ქვეყნის გენოტიპთან გვაქვს საქმე - ქართველებმა 6 შტამი გაშიფრეს
უკვე შესაძლებელია არა მხოლოდ ვირუსის დიაგნოსტირება, არამედ, გენომის გაშიფვრის საფუძველზე, იმის დადგენა, თუ რომელი ქვეყნის გენოტიპით არის ინფიცირებული პაციენტი:
"მინდა, ძალიან სიამაყით განვაცხადო, რომ ჩვენ უკვე 6 შტამი (მუტაციის შედეგად მიღებული ამა თუ იმ მიკროორგანიზმის სუფთა კულტურა), ანუ 6 ქართველი ავადმყოფის ვირუსი გაშიფრულია, ატვირთულია ვირუსთა გენომების მსოფლიო ბაზაში.
ძალიან ზუსტად ჩაჯდა ეს ჩვენი ირანული წარმოშობის პაციენტის ვირუსი - ირანულ ჯგუფში, იტალიური წარმოშობის - იტალიურ ჯგუფში. ეს ვირუსები უკვე ერთმანეთისგან განსხვავდებიან, სხვადასხვა ქვეყანაში სხვადასხვა გენოტიპია. მუტაციები სულ ხდება, როცა ვირუსი ვრცელდება.
ჩვენ ახლა აქტიურად მივადევნებთ თვალს არამარტო იმას თუ საიდან ჩამოვიდნენ ჩვენი ავადმყოფები, არამედ ვირუსს რომ გამოვყოფთ, ვიცით უკვე, ის ვირუსი რომელი ვირუსის ნათესავია, რომელი ქვეყნის.
გვქონდა ერთი ასეთი შემთხვევა: მოქალაქე ამბობდა, რომ მას ჰქონდა შეხვედრა რამდენიმე უცხოელთან, ჩვენ დავადგინეთ, რომელი უცხოელისგან იყო ეს ვირუსი. იმიტომ რომ იმ ქვეყანაში გავრცელებული შტამის იდენტურია მისი ვირუსი.
ამას აკეთებს ლუგარის ცენტრი, ისევე, როგორც წამყვანი ლაბორატორიები აკეთებენ მსოფლიოში"-ამბობს პაატა იმნაძე.
ასევე წაიკითხეთ: