როგორ უნდა გადაიტანოთ კარანტინი ან თვითიზოლაცია, რომ არ გახდეთ დეპრესიისა და "ინფოდემიის" მსხვერპლი
ორკვირიანი თვითიზოლაციისა თუ სავალდებულო კარანტინის გამო ბევრს დამატებითი სტრესი და შფოთვა ეწყება, შედეგად ქვეითდება იმუნიტეტი.
ასეთ ვითარებაში, ბუნებრივია, ეპიდემიასთან ერთად "ინფოდემიაც" გვირტყამს! "ინფოდემიის" შედეგია ის, რომ ადამიანების ფსოქოლოგიური მდგომარეობა უარესდება, მძიმდება, ამის ფონზე კი პრობლემები ეწყება სომატიკასაც!
გახსოვდეთ, დანგრეული ფსიქიკა თავად ანგრევს იმუნურ სისტემას, ეს კი პათოლოგიათა გაღრმავების და გართულებათა განვითარების საფუძველი ხდება.
შესაბამისად, ნუ მიეცემით დეპრესიას და პანიკას, შეეცადეთ მარტივად შეხედოთ ორკვირიან იზოლაციას, განეწყვეთ დადებითად და საკუთარი ანალიზითა შეფასებით დაარწმუნეთ საკუთარი თავი იმაში, რომ ეს დასვენება სწორედაც რომ ახლა გჭირდებოდათ, რომ ეს იზოლაცია ერთგვარი განტვირთვაა!
ეს ასეც იქნება, თუ მეტ დროს დაუთმობთ ბავშვებს, მათთან ურთიერთობას, მათთან ერთად გართობას, ასევე დაკავდებით საყვარელი საქმით, წიგნების კითხვით, სასურველი ფილმების ყურებით, იმით, რაც ასე გენატრებოდათ და რასაც სხვა დროს ვერ ახერხებდით!
გახსოვდეთ, ჯანმრთელი ფსიქიკა უდრის ჯანმრთელ იმუნიტეტს!
კორონავირუსი ყველას ვერ ერევა!