აშშ-ში პანდემიური კორონავირუსის საწინააღმდეგო ვაქცინის პირველი კლინიკური კვლევა მიმდინარეობს
ვაქცინა შეიცავს კორონავირუსისგან კოპირებულ უვნებელ გენეტიკურ კოდს. ექსპერტების თქმით, რამოდენიმე თვის შემდეგ გახდება ცნობილი რამდენად მუშაობს ვაქცინა. უახლოეს პეროდში შესაძლებელი იქნება მხოლოდ ვაქცინის უსაფრთხოების შეფასება.
აღსანიშნავია, რომ სტანდარტული ვაქცინები მზადდება მკვდარი ან დასუსტებული ვირუსისგან. ამგვარად ვაქცინას არ შეუძლია რეალური დაავადების პროვოცირება, მაგრამ გააჩნია ორგანიზმისთვის პათოგენის გაცნობისა და იმუნური პასუხის გამომწვევი აუცილებელი თვისებები.
ამგვარი ვაქცინებისგან განსხვავებით, ახალი გამოგონება (mRNA-1273) პირდაპირ კორონავირუსისგან არაა მიღებული. პირიქით, იგი შეიცავს კორონავირუსიდან კოპირებულ და ლაბორატორიულ პირობებში წარმოებულ გენეტიკური კოდის მოკლე ფრაგმენტს.
ცნობილია, რომ ექსპერიმენტის ფარგლებში მოხალისეებს შეუყვანეს ექსპერიმენტული ვაქცინის სხვადასხვა დოზა. სულ მოწოდებულია ორი ინექციის განხორცილება, 28 დღის შუალედით.