როგორ უნდა მოიქცნენ ხანდაზმული ადამიანები კორონავირუსის პანდემიის დროს
სიცოცხლისათვის საშიში გართულებების განვითარების რისკი უფრო მაღალია, ვიდრე უფრო ახალგაზრდების შემთხვევაში. აღნიშნული გართულებები შესაძლებელია მაშინაც კი განვითარდეს, თუ ხანდაზმული ადამიანის ჯანმრთელობის ზოგადი მდგომარეობა შედარებით კარგია. განსაკუთრებით მგრძნობიარეები ინფექციის მიმართ არიან ხანდაზმული ადამიანები, რომელთაც აღენიშნებათ ქრონიკული დაავადებები და ისედაც შერყეული ჯანმრთელობის მდგომარეობა.
ამასთან დაკავშირებით, ამერიკელი გერიატრები და ინფექციონისტები დაბეჯითებით ურჩევენ ხანდაზმულ ადამიანებს, მკაცრად დაიცვან ჯანდაცვის მსოფლიო ორგანიზაციის მიმდინარე რეკომენდაციები:
- ხშირად დაიბანონ ხელები თბილი წყლითა და საპნით არანაკლებ 20 წამისა ან გაიწმინდონ ალკოჰოლის შემცველი სადეზინფექციო ხსნარით.
- მოერიდონ ხელის ჩამორთმევას და ჩაკეტილი სივრცეებში, ხალხის თავშეყრის ადგილებში ყოფნას, პირველ ყოვლისა საზოგადოებრივ ტრანსპორტს, სუპერმარკეტებსა და სავაჭრო ცენტრებს.
- შეხებამდე გაწმინდონ სადეზინფექციო საშუალებით ის ობიექტები, რასაც სხვები ეხებიან, მაგალითად ლიფტის ღილაკები.
- მოიმარაგონ არამალფუჭებადი პოდუქტები, მუდმუვად მისაღები წამლები და პირველი მოხმარების სხვა საგნები, რათა ზედმეტად არ მოუწიოთ მაღაზიაში წასვლა.
- დროებით, თუ ამის აუცილებლობა არ არის, ექიმთან ვიზიტსაც მოერიდონ.
მაგრამ ამასთან ერთად, სოციალური იზოლაცია, რაც დასნებოვნებას გვაცილებს თავიდან, თავისთავად შეიძლება გახდეს ხანდაზმული ასაკის მქონე ადამიანის ჯანმრთელობისთვის საშიში. ამიტომ გარემოსგან მოწყვეტილად რომ არ იგრძნონ თავი, ხშირადაა საჭირო მათთან კონტაქტი ტელეფონით ან ინტერნეტით.
კიდევ ერთი მნიშვნელოვანი მომენტი ეპიდემიის პერიოდში ჯანსაღი ცხოვრების წესის დაცვაა. უნდა მოწესრიგდეს ძილის რეჟიმი, საჭიროა ჯანსაღი კვება და ზომიერი ფიზიკური დატვირთვა. ყოვლედღიური ვარჯიში აწესრიგებს იმუნური სისტემის მუშაობას, აქვეითებს სტრესის დონეს, აუმჯობესებს ფსიქიკურ და ემოციურ მდგომარეობას.