ჯანდაცვის მსოფლიო ორგანიზაციამ კორონავირუსის ანგარიშებში ჩინეთი სპეციალური გრაფიდან ამოიღო
აქამდე ამ ქვეყნისთვის, საიდანაც დაიწყო დაავადების გავრცელება, ჯანდაცვის მსოფლიო ორგანიზაციის ანგარიშებში სპეციალური, ცალკე გრაფა იყო გამოყოფილი.
ორგანიზაციაში აღნიშნული გადაწყვეტილება იმით ახსნეს, რომ კორონავირუსით დაავადებისა და გარდაცვალების რაოდენობამ, ჩინეთს გარეთ, გადააჭარბა ამ მაჩვენებელს თავად ჩინეთში.
ჯანდაცვის მსოფლიო ორგანიზაციის მიერ გამოქვეყნებული ანგარიშის მიხედვით, უკანასკნელი დღეღამის განმავლობაში, ჩინეთს გარეთ კორონავირუსით დასნებონების რაოდენობამ შეადგინა 13 874, თავად ჩინეთში 29. ჩინეთის სახალხო რესპუბლიკაში ჩOVID-19 -ით გარდაცვლილთა რაოდენობა იყო 14 ადამიანი, ხოლო დანარჩენ ქვეყნებში— 848.
როგორც ცნობილია 11 მარტს ჯანდაცვის მსოფლიო ორგანიზაციამ დაავადების აფეთქება აღიარა პანდემიად. მთელ მსოფლიოში დაავადებულთა რაოდენობაა167 511 ადამიანი, ხოლო გარდაიცვალა 6 606. დაავადების გავრცელება დაიწყო გასული წლის დეკემბერში, ჩინეთის ქალაქ უჰანიდან.