რომელ ქვეყნებში შეწყდა საგანმანათლებლო პროცესი კორონავირუსის გამო
იტალიაში, ჩინეთში, ირანში, სამხრეთ კორეაში, იაპონიაში, უკრაინაში, პოლონეთში, სლოვაკეთში, აშშ-ში, ლიტვაში, ესტონეთში, ნორვეგიაში, ისრაელსა და საქართველოში - თითოეულ ქვეყანაში სხვადასხვა ვადით.
აღსანიშნავია ისიც, რომ დასახელებულ და სხვა ქვეყნებში თანდათანობით ექვემდებარებიან გადავადებას მასობრივი ღონისძიებები, იხურება კულტურული ობიექტები.
ჰარვარდში ყველა სტუდენტს მიმართეს თხოვნით - გამოსახლდნენ საერთო საცხოვრებლიდან 15 მარტამდე (სწავლა დისტანციურ რეჟიმში გაგრძელდება).
აშშ-ში დისტანციური სწავლის რეჟიმზე გადადიან ნიუ-იორკის, ფლორიდის, ოჰაიოს, კოლუმბიის, პრინსტონის უნივერსიტეტები. რუსეთში სამუშაო რეჟიმის შეზღუდვის შესახებ განცხადება გააკეთა სანქტ-პეტერბურგის სახელმწიფო არქიტექტურულ-სამშენებლო უნივერსიტეტმა.
ლიტვაში ყველა საგანმანათლებლო დაწესებულება 14 აპრილამდე დაიხურა, საქართველოში კი, როგორც მოგეხსენებათ, პირველ აპრილამდე.