უხანში კორონავირუსით დაინფიცირებულებისთვის განკუთვნილი ერთ-ერთი საავადმყოფოს მშენებლობა დასრულდა
ჩინეთის ხელისუფლების განცხადებით, საავადმყოფოს პაციენტების მიღება უკვე შეუძლია. იქამდე კი ჩინეთის ფარგლებს გარეთ კორონავირუსით პაციენტის გარდაცვალების პირველი შემთხვევა ფილიპინებში დაფიქსირდა. გარდაცვლილი 44 წლის მამაკაცი ჩინეთის ქალაქ უხანიდან იყო.
ბოლო მონაცემებით, ჩინეთში კორონავირუსით გარდაცვლილთა რაოდენობა 304-მდე, ხოლო დაინფიცირებულთა 14 570-მდე გაიზარდა. ეპიდემიის გამო, დღემდე ჩინეთის მიმართულებით სხვადასხვა ქვეყნიდან 10,000-მდე ავიარეისი გაუქმდა.