უჰანის ვირუსი და SARS - მსგავსება და განსხვავება, რა იყო მაშინ და რა ხდება დღეს
მაშინ მძიმე რესპირატორული სინდრომით 8000-ზე მეტი ადამიანი დაავადდა და 774 გარდაიცვალა.
უჰანის კორონავირუსით გამოწვეული ატიპური პნევმონიაც მსგვასი სახის ვირუსს უკავშირდება, მაგრამ როგორც ჩანს, მთლად მსგავსი არ არის ეს ორი ვირუსი.
SARS-ის და უჰანის აფეთქებები ჩინეთიდან დაიწყო და მიიჩნევა, რომ წყარო ორივე შემთხვევაში გარეული ცხოველების ბაზრობა იყო.
უჰანის ვირუსით 2019 წლის დეკემბრიდან მოყოლებული 7700 ადამიანია ინფიცირებული. შედარებისთვის SARS-ის ვირუსით 2002 წლის ნოემბრიდან 2003 წლის ივლისამდე 8098 შემთხვევა დადასტურდა.
ჩინეთში SARS-ის ეპიდემიის დროს პირველი 2 თვის განმავლობაში დაავადდა მთლიანად - 9 თვის განმავლობაში - ინფიცირებულთა 75%. დღეისათვის უჰანით ინფიცირებულთა რიცხვი ჩინეთში უკვე აღემატება 2002-2003 წლებში SARS-ით ინფიცირებულთა რაოდენობას.
SARS-ის ეპიდემიის დროს 774 ადამიანი გარდაიცვალა ატიპური პნევმონიით და გარდაცვალებათა შემთხვევები ძირითადად ჩინეთსა და ჰოჰკონგში აღინიშნა. რაც შეეხება უჰანით გარდაცვალებულებს, 170 შემთხვევაა და ყველა ჩინეთში მოხდა.
უჰანის ვირუსის შესახებ ჩინეთის ხელისუფლებამ დროულად აცნობა მსოფლიო ჯანდაცვის ორგანიზაციას და სულ რამდენიმე კვირაში მოხდა ვირუსის იდენტიფიცირებაც და მისი გენომის განსაზღვრაც. მაგრამ არსებობს საშიშროება რომ მიმდინარე ინფექციის მასშტაბები და შედეგები გაცილებით უფრო ცუდია, ვიდრე ოფიციალური წყაროები იტყობინებიან.
წყარო cnn.ge