გერმანიაში კორონავირუსის სამი ახალი შემთხვევა გამოვლინდა
ბავარიაში კორონავირუსით დაინფიცირების სამი ახალი შემთხვევა დადასტურდა, - ამის შესახებ ინფორმაციას გამოცემა "დოიჩე ველე" გერმანიის ჯანდაცვის სამინისტროზე დაყრდნობით ავრცელებს.
მათივე ინფორმაციით, სამივე დაინფიცირებულ პაციენტს შეხება ჰქონდა იმ პირთან, რომელსაც ვირუსი ჩინელი თანამშრომელი ქალისგან გადაედო.
"კომპანიაში კიდევ 40 ისეთი თანამშრომელია, რომელსაც ჩინელ ქალბატონთან კავშირი ჰქონდათ, უსაფრთხოების მიზნით, ყველა მათგანს შემოწმება ჩაუტარდება,"- აცხადებენ გერმანიის ჯანდაცვის სამინისტროში.
შეგახსენებთ, ჩინეთის ხელისუფლების ინფორმაციით, კორონავირუსით გარდაცვლილთა რაოდენობა 132 ადამიანამდე, დაინფიცირებულთა კი - 5,974-მდე გაიზარდა.