რა არის ცნობილი კორონავირუსზე, რომელიც ჩინეთიდან გავრცელდა - მკურნალი.გე

რუბრიკები

ოჯახის მკურნალის ანონსი

თებერვალი 2020

კითხვა-პასუხი

რა არის ცნობილი კორონავირუსზე, რომელიც ჩინეთიდან გავრცელდა

რა არის ცნობილი კორონავირუსზე, რომელიც ჩინეთიდან გავრცელდა
კორონავირუსების ოჯახი 40-მდე სხვადასხვა სახეობას აერთიანებს, რომლებიც ასნებოვნებენ ადამიანს,
კატებს, ძაღლებს, ფრინველებს, ღორებს და მსხვილფეხა რქოსან პირუტყვს.

კორონავირუსი აზიანებს სასუნთქ სისტემას, საჭმლის მომნელებელ ტრაქტს და ნერვულ სისტემას, შეიძლება გამოიწვიოს ბრონქიტი და პნევმონია.

ჩინეთში აღმოჩენილ უცნობ ინფექციას მიანიჭეს სახელწოდება 2019-nCoV. მეცნიერთა განცხადებით - მისი ძირითადი გადამტანები არიან ცხოველები, თუმცა, უკვე დაფიქსირდა ადამიანიდან ადამიანზე გადაცემის რამდენიმე შემთხვევაც.

ექსპერტთა ნაწილი ახალ ვირუსს ადარებს SARS -კორონავირუსს, რომელმაც 2002 წელს ჩინეთში უმძიმესი ეპიდაფეთქება გამოიწვია. SARS — severe acute respiratory syndrome, იგივე მძიმე მწვავე რესპირატორული სინდრომი, რომელსაც
ხშირად უწოდებენ "ატიპიურ პნევმონიას" (ამ ინფექციის დროს ფილტვის ალვეოლების უჯრედები ზიანდება), 2002 წლის ნოემრიდან 2003 წლის ივლისის ჩათვლით 37 ქვეყანაში გავრცელდა და 774 ადამიანის სიცოცხლე შეიწირა.

ახალი 2019-nCoV კორონავირუსი ისეთივე სიმპტომებს იწვევს, როგორითაც ხასიათდებოდა SARS -ინფექცია: ცხელებას, თავის ტკივილს, ხველას, თავბრუხვევას და "ჩვეულებრივი გრიპისათვის" დამახასიათებელ
სხვა სიმპტომებს.

მეცნიერებმა უკვე შეისწავლეს ახალი ვირუსის გენომი და შეადარეს ის SARS -ინფექციის გამომწვევს. აღმოჩნდა, რომ ამ ვირუსების გენეტიკური სტრუქტურა 70 %-ით მსგავსია. კერძოდ, 2019-nCoV კორონავირუსმა სრულად შეინარჩუნა SARS -ვირუსის 5 საკვანძო უბნიდან ერთი, დანარჩენი 4 კი სახეშეცვლილია. მეცნიერებმა ისიც გაარკვიეს, რომ ახალ კორონავირუსს შენარჩუნებული აქვს იგივე რეცეპტორი (ACE2), რის გამოც ანალოგიურ სიმპტომებს იწვევს და ანალოგიურად საშიშია.

თუმცა, ექსპერტთა დასკვნით, 2019-nCoV კორონავირუსი კლინიკურად უფრო "რბილად გამოიყურება", აქედან გამომდინარე, დაინფიცირების კუთხით უფრო ნაკლებუნარიანი შეიძლება გამოდგეს, ისევე როგორც დამახასიათებელი კლინიკის სიმძიმისა და სიკვდილობის მაჩვენებლით "რამდენადმე სუსტი".

აღნიშნული ორი ვირუსის მსგავსება მეცნიერებს აფიქრებინებს, რომ ახალი ვირუსის წყარო შესაძლოა ღამურები იყვნენ. ეს უკანასკნელნი მთლიანობაში ბევრი კორონავირუსის გადამტანი არიან, სავარაუდოდ ერთ-ერთმა ვირუსმა მუტაცია განიცადა და ადამიანს გადაეცა. ისიც ხაზგასმულია, რომ ამ ჯაჭვში შუალედური მასპინძელი რამდენიმე შეიძლება იყოს.

ამ დროისათვის მიიჩნევენ, რომ დაავადების გამომწვევი არა მხოლოდ ბაზრობაზე არსებობდა, არამედ საზოგადოდ ქალაქში. ამ დასკვნას ისიც ამყარებს, რომ უხანის ბაზრობა 1 იანვარს დაიკეტა, ადამიანები კი დასნებოვნებას შემდგომშიც განაგრძობდნენ.

გააკეთეთ კომენტარი
კომენტარი არ გაკეთებულა
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
ჩინეთში აცხადებენ, რომ ახალი კორონავირუსით 1716 ექიმი დაინფიცირდა, ხოლო ექვსი მათგანი დაიღუპა.
ჰუბეის ჯანდაცვის ორგანომ განაცხადა, რომ ორშაბათს ჰუბეის პროვინციაში კორონავირუსისგან 103
კორონავირუსით ინფიცირებულტა რიცხვმა მსოფლიოში 31000-ს გადააჭარბა.
მსოფლიო მედიის ინფორმაციით, ბრიტანელმა მეცნიერებმა ახალი კორონავირუსის ვაქცინა შეიმუშავეს,
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად