რა არის ვირუსების ძირითადი წყარო
დაავადებულებთან ახლო კონტაქტს, საზოგადოებრივი ტრანსპორტით მგზავრობას, გირჩევნიათ თუნდაც რამდენიმე გაჩერების ფეხით გავლა-გასეირნება.
ინფექციის წყაროა როგორც დაავადებულის ცხვირი და პირი, ასევე ხელები. ავადმყოფი ადამიანი ცხვირცემინებისა და ხველის დროს ხშირად ხელს იფარებს პირ-სახეზე, ამის შემდეგ დაბინძურებული (ვირუსებით დაფარული) ხელებით ეხება სხვადასხვა საგანს და აინფიცირებს მას. ამგვარად, გრიპით დაავადებული ადამიანის ხელებით ძალიან მარტივად გადაეცემა დაავადების გამომწვევები, ისინი ხვდება ცალკეულ საგნებზე, რომლებსაც შემდგომ ჯანმრთელი პირები ეხებიან, ინფექცია გადადის ხელის ჩამორთმევისასაც.
აქედან გამომდინარე, დაავადების პრევენციისთვის უმნიშვნელოვანესია ხელების ხშირად და ხარისხიანად დაბანა. ინფექციის წყაროა ასევე ფული, მობილური მოწყობილობები და სხვა ხშირად მოხმარებადი საგნები. ყველა ჩამოთვლილ საგანთან შეხებისა და დაბინძურებული ხელებით ცხვირსა თუ თვალებზე, საზოგადოდ, სახეზე ხელების მოსმის შემდეგ სუსტი იმუნური სისტემის მქონე პირებს გრიპით დაავადების რისკი მნიშვნელოვნად ეზრდებათ.
შეგახსენებთ, რომ არარაციონალური კვება, გადაღლა, ძილის დეფიციტი, სტრესი ასუსტებს იმუნიტეტს და ჰიგიენის წესების დაუცველობის შემთხვევაში სეზონზე გრიპით დასნებოვნება მარტივია.
თინათინ გოცაძე