ახალი ვაქცინა ტუბერკულოზს აქტიურ ფორმაში გადასვლის საშუალებას არ მისცემს
ეფექტურობა აჩვენა. ვაქცინა გამოსცადეს (შეამოწმეს) აფრიკაში ტუბერკულოზის ლატენტური ფორმის მქონე (სიმპტომების გარეშე) 3600 მოხალისეზე. მან 50 % შემთხვევაში ხელი შეუშალა დაავადების ლატენტური ფორმის აქტიურ ფორმაში გადასვლას. ვაქცინის ეფექტი უმნიშვნელოდ იწყებდა შესუსტებას (გაქრობას) ორი წლის შემდეგ.
სადღეისოდ არსებობს ტუბერკულოზის საწინააღმდეგო ვაქცინა, თუმცა, ის ძალიან ეფექტური არ არის და მხოლოდ პატარა ბავშვებისთვისაა მოწოდებული. მეცნიერები წლებია მუშაობენ ვაქცინაზე, რომელიც მოზრდილებისთვის იქნება განკუთვნილი. ახალი ვაქცინა შედგება ბაქტერიებიდან აღებული (გამოყოფილი) ცილებისგან. სწორედ ეს ცილები იწვევს იმუნური პასუხის განვითარებას.
ცნობილია, რომ ექსპერიმენტის ფარგლებში მოხალისეებს ვაქცინის ორი დოზა შეუყვანეს ერთთვიანი ინტერვალით, დანარჩენებს კი - პლაცებო. დაკვირვება სამი წლის განმავლობაში მიმდინარეობდა. ექსპერიმენტის ბოლოს 13 ადამიანმა ძირითადი ჯგუფიდან და 26 პირმა საკონტროლო ჯგუფიდან მიიღო ტუბერკულოზის სრულყოფილი ფორმა. მიუხედავად ვაქცინის 50 %-იანი ეფექტურობისა, სპეციალისტები მაინც დიდ იმედებს ამყარებენ მასზე.
თინათინ გოცაძე