გრიპისგან 100-პროცენტიანი დაცვის საშუალება მეცნიერებისთვის უცნობია
დასნებოვნების რისკის შემცირება შესაძლებელია მხოლოდ დროული ვაქცინაციით, მაგრამ ჯერჯერობით არ არსებობს ისეთი საშუალება, რომელიც სრულად გამორიცხავდა დასნებოვნების შესაძლებლობას. ვაქცინაციით ავადობის პროცენტი მცირდება.
100%-ით ვერ იცავს არატრადიციული მედიცინის საშუალებებიც, როგორიცაა ლიმონი, ნიორი ან ვიტამინები დანამატების სახით. თუმცა, ნიორი აღიარებულია საუკეთესო პროფილაქტიკურ საშუალებად. ასევე, უნდა აღინიშნოს, რომ ანტიბიოტიკების მიღება გრიპის დროს უსარგებლოა. „გაციებითი დაავადებები“ გამოწვეულია ვირუსებით და არ იკურნება ანტიბიოტიკებით. აღნიშნული მედიკამენტები უბრალოდ არ მოქმედებს. თავის მხრივ, С ვიტამინის რეგულარული მიღებაც ვერ აქვეითებს ზოგადად დაავადების განვითარების სიხშირეს, თუმცა მთელ რიგ შემთხვევებში ამსუბუქებს სიმპტომებსა და დაავადების ხანგრძლივობას.
სხვათა შორის ამერიკასა და ევროპაში გაციების დროს ფართოდ გამოყენებულ ექინაცეასაც არ მიიჩნევენ ექსპერტები გრიპის სამკურნალო ეფექტურ საშუალებად. ის შეიძლება მაქსიმუმ პროფილაქტიკურ საშუალებად განვიხილოთ.
ორთქლის ინჰალაციებით მკურნალობაც არაეფექტურია. აღნიშნული მეთოდის არაეფექტურობა 2017 წლის კვლევებმა დაამტკიცა.
ლალი ჩხიკვაძე