როგორ დავიცვათ თავი ქლამიდიოზისგან - მკურნალი.გე

რუბრიკები

ოჯახის მკურნალის ანონსი

მაისი 2019

კითხვა-პასუხი

როგორ დავიცვათ თავი ქლამიდიოზისგან

როგორ დავიცვათ თავი ქლამიდიოზისგან
ქლამიდიოზი საკმაოდ გავრცელებული დაავადებაა. ქლამიდიოზით დასნებოვნების გზებზე, კლინიკურ ნიშნებსა და პროფილაქტიკის საშუალებებზე გვესაუბრება კლინიკა „ენმედიცის“ ექიმი დერმატოვენეროლოგი, მედიცინის დოქტორი, ასოცირებული პროფესორი ელგუჯა ბერაია.

- ბატონო ელგუჯა, რა დაავადებაა ქლამიდიოზი, რამდენადაა გავრცელებული და როგორია დასნებოვნების გზები?

- უროგენიტალური ქლამიდიოზი ერთ-ერთი ყველაზე გავრცელებული სქესობრივი გზით გადამდები დაავადებაა (სგგდ). სტატისტიკის თანახმად, ყოველწლიურად ევროპაში რეგისტრირდება დაახლოებით 10 მილიონამდე ახალი შემთხვევა.

ინფექციის წყაროს წარმოადგენს ადამიანი, რომელსაც დაავადების მწვავე ან ქრონიკული, უსიმპტომო ან მანიფესტირებული ფორმა აქვს.

დასნებოვნება ხდება კონტაქტით (გენიტალურ-გენიტალური, გენიტალურ-ორალური, გენიტალურ-ანალური) და საყოფაცხოვრებო პირობებში. შესაძლებელია ვერტიკალური
გზით: პლაცენტით (ანტენატალური პერიოდი), მშობიარობის დროს (ინტრანატალური პერიოდი) - დედის სამშობიარო გზებთან კონტაქტით.

- რა იწვევს ამ დაავადებას და რამდენ დღეს შეადგენს ინკუბაციური პერიოდი?

- გამომწვევია ჩლ.თრაცჰომატის. ინკუბაციური პერიოდი 7-დან 21 დღემდე გრძელდება (საშუალოდ - 10-15 დღე).

- როგორია ქლამიდიოზის სიმპტომები?

- ავადმყოფების ზოგადი მდგომარეობა
ნორმალურია, თუმცა აღინიშნება დისკომფორტი: წვის, ქავილის შეგრძნება ურეთრაში (განსაკუთრებით - მოშარდვისას), ჰიპერემია ურეთრის ირგვლივ, ლორწოვანი გამონადენი ურეთრიდან. ხშირად უჩივიან ყრუ ტკივილს მუცლის ქვედა მესამედში.

მამაკაცთა 30%-ში დაავადება უსიმპტომოდ მიმდინარეობს. ქალებში ვლინდება გახშირებული შარდვით. ვითარდება ლორწოვან-ჩირქოვანი ცერვიციტი გამონადენით. საშვილოსნოს ყელი ჰიპერემიულია, შეშუპებული, ვითარდება ეროზიები.

თუმცა ზოგჯერ შესაძლებელია ზოგადი მდგომარეობის გაუარესება: საერთო სისუსტე, ტემპერატურის მატება, სახსრების ტკივილი.

- რა გართულებები შეიძლება გამოიწვიოს ქლამიდიოზმა?

- რეიტერის სინდომი: ურეთრიტი (ქალებში - ცერვიციტი), კონიუნქტივიტი, ართრიტი (პერიფერიული სახსრების ანთება);

  • ბლენორეული კერატოდერმია;
  • ოფთალმოქლამიდიოზი - თვალის დაზიანება: ტრაიმა, პარატრაქიმა, კონიუნქტივიტი, უვეიტი;
  • უშვილობა.

მამაკაცებში:

  • ვეზიკულიტი (სპერმატოცისტიტი) - სათესლე ბუშტუკების ანთება;
  • ეპიდიდიმიტი - სათესლის დანამატის ანთება;
  • ორქიტი - სათესლეების ანთება;
  • პროსტატიტი - წინამდებარე ჯირკვლის ანთება.

ქალებში:

  • ვაგინიტი - საშოს ლორწოვანის ანთება;
  • პროქტიტი - სწორი ნაწლავის ლორწოვანის ანთება;
  • ფარინგიტი - ხორხის ლორწოვანის ანთება;
  • ბართოლინიტი;
  • ენდომეტრიტი - საშვილოსნოს ლორწოვანი გარსის ანთება;
  • სალპინგიტი - საშვილოსნოს მილების ანთება;
  • პელვიოპერიტონიტი.

- როგორ სვამენ დიაგნოზს?

- კლინიკური მონაცემების, ლაბორატორიული კვლევების საფუძველზე:

  • მორფოლოგიური;
  • კულტურალური;
  • იმუნოლოგიური;
  • იმუნოფლუორესცენციული მეთოდებით.

- მკურნალობის რა მეთოდები არსებობს?

ეტიოტროპული მკურნალობა:

  • ანტიბიოტიკები: მაკროლიდები, ფთორქინოლონების ჯგუფი;

პათოგენეზური მკურნალობა:

  • იმუნომაკორექტირებელი პრეპარატები;
  • ადგილობრივი მკურნალობა.

შესაძლოა საჭირო გახდეს ოფთალმოლოგის, რევმატოლოგის კონსულტაცია.

- როგორია პროფილაქტიკური ღონისძიებები?

- დაავადების (დაავადებულის) დროული გამოვლენა და მკურნალობა;

  • კონტაქტში მყოფი პირების გამოკვლევა - თუ დაავადება აღმოაჩნდათ, მკურნალობის კურსი უნდა ჩაუტარდეთ; სხვა შემთხვევაში პროფილაქტიკური მკურნალობაა საჭირო;
  • უსაფრთხო სქესობრივი კონტაქტი (პრეზერვატივის გამოყენება საეჭვო პარტნიორებთან);
  • საყოფაცხოვრებო, სანიტარულ-ჰიგიენური პროცედურების დაცვა.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
კარგი მხედველობის შენარჩუნებლად-30 აბი
ფასი: 40.5
მხედველობის ჯანმრთელობისთვის-30აბი
ფასი: 44.9
მშრალი თვალისთვის-13მლ
ფასი: 14.9
დიეტოლოგია
მაღალცხიმიანი და დაბალნახშირწყლოვანი დიეტა - LCHF: გახდომა სიამოვნებით - ეს დიეტა წვავს ცხიმებს.
ადამიანების დიდი ნაწილი ყოველდღიურად დიდი რაოდენობით ტკბილ, გაზიან, გამაგრილებელ სასმელს იღებს.
სპეციალისტებმა შეისწავლეს ეფექტი, რომელსაც ორგანიზმზე „დროში შეზღუდული“ კვება ახდენს, რაც იმას
კატეგორიის სხვა სტატიები
მთელი მსოფლიოს სპეციალისტები საუბრობენ ადამიანისთვის პოტენციურად სასიკვდილო ობის სოკოს რეზისტენტული
იაპონელმა მეცნიერებმა კუმამოტოს უნივერსიტეტიდან შექმნეს ახალი ნივთიერება, რომელიც ადამიანის იმუნოდეფიციტის
1932 წელს ალაბამას შტატის ქალაქ ტასკიგში ექიმები სიფილისს 600 ღარიბ აფროამერიკელზე სწავლობდნენ.
სამედიცინო ტექნოლოგიების ეფექტურობის შემსწავლელი კომპანია Cochrane-ის ექსპერტებმა განაცხადეს, რომ გრიპით
აცრის საწინააღმდეგო მოძრაობა მთელს მსოფლიოში იკრებს ძალებს. ვაქცინაციის მოწინააღმდეგეები აცრის საშიშროებაზე
წითელას შესახებ უამრავ კითხვას ვუპასუხეთ, თუმცა კიდევ დიდია ინტერესი ამ საკითხისადმი.
"ჩვენს სანათესაოში თითქმის ყველას ჰქონდა კენჭები, ზოგს - თირკმელში, ზოგს - ნაღვლის ბუშტში.
პაპილომა კანის უჯრედების კეთილთვისებიანი სიმსივნური წანაზარდია.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
ალბათ ბევრს აინტერესებს, რატომ იღებენ სისხლს ანალიზისთვის მაინცდამაინც უსახელო (მეოთხე) თითიდან?
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად