2 თვეში ინფექციური წარმოშობის დიარეის 2 463 შემთხვევა დაფიქსირდა - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

2 თვეში ინფექციური წარმოშობის დიარეის 2 463 შემთხვევა დაფიქსირდა

2 თვეში ინფექციური წარმოშობის დიარეის 2 463 შემთხვევა დაფიქსირდა
დაავადებათა კონტროლის ეროვნული ცენტრის ინფორმაციით, მიმდინარე წლის მაისისა და ივნისის თვეებში სავარაუდო ინფექციური წარმოშობის დიარეის 2 463 შემთხვევა დაფიქსირდა. როგორც დაავადებათა კონტროლის ეროვნული ცენტრის სამმართველოს უფროსი, ლევან ბაიდოშვილი განმარტავს, ზაფხულის სეზონზე ინფექციური წარმოშობის დიარეის რიცხვი იზრდება. მისი ინფორმაციით, მიმდინარე წლის მაისისა და ივნისის თვეებში გასული წლის ამავე პერიოდთან შედარებით დიარეის რიცხვი შემცირდა, თუმცა არა მკვეთრად. კერძოდ, 2018 წლის მაისში დიარეის 1005 შემთხვევა დაფიქსირდა, როცა გასული წლის ამავე პერიოდში 1083 შემთხვევის აღრიცხვა მოხდა. რაც შეეხება ივნისის თვეს, წელს 1179 შემთხვევა აღირიცხა, ხოლო
გასული წლის ამავე პერიოდში 1284.

როგორც ლევან ბაიდოშვილი აღნიშნავს, ივლისსა და აგვისტოში მოსალოდნელია დიარეის შემთხვევების ზრდა, ოქტომბრიდან კი შემცირება.

„ზაფხულის პერიოდში შვებულებებისა და არდაგეგების, დასასვენებლად გასვლისა და მგზავრობების გამო, როგორც წესი, დიარეის შემთხვევების რაოდენობა იზრდება. როგორც ისტორიული მონაცემები გვიჩვენებს, ყოველწლიურად სავარაუდო საკვებისმიერი ინფექციური წარმოშობის დიარეის
დაახლოებით 18 000-მდე შემთხვევა გვაქვს და დაახლოებით 8000 ან 9000 გაზაფხულ-ზაფხულის 4 თვის განმავლობაში აღინიშნება. ამ 8 000 შემთხვევაში დაახლოებით 60-65% 14 წლამდე ასაკის ბავშვები არიან, რაც ნორმალურია, გამომდინარე იქიდან, რომ ბავშვები ამ პერიოდში ეზოში ძალიან ბევრს თამაშობენ და შესაბამისად, დაუბანელი ხელებითაც ხშირად მიირთმევენ გაურეცხავ ხილსა და ბოსტნეულს. წელსაც იგივე ვითარებაა, იქნება, რაც შარშან იყო, რადგან საქართველოს კლიმატური გარემო და გეოგრაფიული მდებარეობა ამ დაავადებების სწორედ ზაფხულის განმავლობაში გავრცელებას განაპირობებს. განსაკუთრებით იზრდება დიარეის შემთხვევები საკურორტო ზონებში და ეს ძირითადად არის შავიზღვისპირა საკურორტო ზონა,“ - აღნიშნა ლევან ბადოშვილმა.

რაც შეეხება მწერების მიერ გადატანილი ინფექციების საკითხს, ლევან ბაიდოშვილის ინფორმაციით, მიმდინარე სეზონზე ასეთი დაავადება არ დაფიქსირებულა, თუმცა როგორც წესი, საქართველოში ფლებოტომუსის მწერის მიერ ლეიშმანიოზის გადატანის საფრთხე არსებობს.

„ზაფხულის პერიოდში აღინიშნება ისეთი მწერების გააქტიურება, რომელთაც ლეიშმანიოზი გადააქვთ, თუმცა დაავადებისთვის დამახასიათებელი საკმაოდ ხანგრძლივი პერიოდიდან გამომდინარე, ზაფხულში დაინფიცირებული და დაინვაზირებული პაციენტების გამოვლენას დაახლოებით სექტემბრის ბოლოდან - ოქტომბრის თვიდან ველოდებით. კოღოებისგან გადატანილი მალარია ან ფლებოტომუსებიდან გატანილი ლეიშმანიოზი ამ ეტაპზე, ზაფხულის პერიოდში ჯერჯერობით არ გვაქვს, მაგრამ ყველა შემთხვევაში რამდენიმე, დაახლოებით 10-მდე პაციენტი გვიან შემოდგომით ნებისმიერ შემთხვევაში გამოვლინდება, იმიტომ რომ წლების დინამიკა დაახლოებით ასე გვიჩვენებს“, - აღნიშნა მან.

ლევან ბაიდოშვილმა ასევე განმარტა, რომ 2013 წლიდან დღემდე საქართველოში მალარიის შემთხვევა არ დაფიქსირებულა.

გააკეთეთ კომენტარი
კომენტარი არ გაკეთებულა
მსგავსი სიახლეები
დიფტერია მწვავე ინფექციური დაავადებაა და ხშირად სიცოცხლესაც საფრთხეს უქმნის.
05-11-2018
წითელა მწვავე ვირუსული დაავადებაა, რომელიც მაღალი კონტაგიოზურობით (გადამდებლობით) გამოირჩევა.
18-01-2019
გრიპი მწვავე ინფექციური დაავადებაა, ხასიათდება სასუნთქი გზების ანთებით.
11-01-2019
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
მსოფლიო ჯანდაცვის ორგანიზაციის რეკომენდაციით, ადამიანმა თევზი კვირაში ორჯერ უნდა მიიღოს.
კატეგორიის სხვა სტატიები
გთავაზობთ ბოლო 24 საათის მონაცემებს. შეგახსენებთ, რომ ლოქდაუნი მოიხსნა მას შემდეგ,
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
პენტაგონის მეცნიერებმა შექმნეს მიკროჩიპი, რომელსაც შეუძლია COVID-19–ის გამომწვევი კორონავირუსის
ექიმი ავშალომ კარმელი ლანიადოს კლინიკიდან (ნეთანია) მკაცრად აკრიტიკებს ისრაელის ჯანდაცვის
გუშინ ცნობილი გახდა, რომ აშშ-ს დაავადებათა კონტროლის ცენტრმა (CDC) და აშშ-ის სურსათისა და წამლის ადმინისტრაციამ (FDA) Johnson&Johnson-ის ვაქცინის შეჩერების რეკომენდაცია გასცა.
ონკოლოგებისათვის კარგად არის ცნობილი, რომ იმუნოთერაპიაზე შვეიცარიაში დიდ იმედებს ამყარებენ.
თუ მეხსიერების პრობლემები გაწუხებთ, გამოიყენეთ გინგკო ბილობა თქვენს სასარგებლოდ.
ძილი და მასთან დაკავშირებული პრობლემები მსოფლიო მოსახლეობის ძალიან დიდ ნაწილს აწუხებს.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად