რომელი ფაქტორები ზრდის ალკოჰოლიზმის დროს ღვიძლის დაავადების განვითარების რისკს - მკურნალი.გე

ლალი ჩხიკვაძე

სამხრეთ კალიფორნიის უნივერსიტეტის კეკის სამედიცინო ცენტრის მეცნიერებმა დაადგინეს, რომ გამხდარი ალკოჰოლ დამოკიდებულები, ჰიპერტენზიის ან შაქრიანი დიაბეტის გარეშე, ნაკლებად განიცდიან ღვიძლის დაავადებას. კვლევის შედეგები გამოქვეყნდა ჟურნალში Clinical Gastroenterology and Hepatology (CGH).

კვლევაში 40 ათასმა ადამიანმა მიიღო მონაწილეობა. მათ მიაწოდეს საკუთარი სამედიცინო ინფორმაცია და მოახსენეს, რამდენად ხშირად და რამდენს სვამდნენ ალკოჰოლს. მეცნიერებმა გამოიკვლიეს კორელაცია ალკოჰოლის ბოროტად გამოყენებას, გულ-სისხლძარღვთა დაავადების ცალკეულ რისკ ფაქტორებსა და ღვიძლის მნიშვნელოვანი ფიბროზის შემთხვევებს შორის. ღვიძლის ფიბროზი არის ორგანოში განვითარებული ნაწიბური, რამაც შეიძლება გამოიწვიოს ღვიძლის უკმარისობა.

ალკოჰოლის ბოროტად გამოყენება განისაზღვრა, როგორც დღეში 1,5 ერთეული ალკოჰოლის დალევა ქალებისთვის (20 გრამი) და ორი ერთეული მამაკაცებისთვის (30 გრამი).

მკვლევარებმა დაადგინეს, რომ შაქრიანი დიაბეტით ან წელის დიდი გარშემოწერილობით (დაახლოებით 89 სმ ქალებისთვის და 102 სმ მამაკაცებისთვის) მსმელებში ღვიძლის მძიმე ფიბროზის განვითარების ალბათობა 2,4-ჯერ უფრო მაღალი იყო, ხოლო მაღალი წნევის მქონე ადამიანებში 1,8-ჯერ მეტი.

მათ ასევე დაადგინეს, რომ გულ-სისხლძარღვთა დაავადების ორი სხვა რისკ-ფაქტორი - მაღალი ტრიგლიცერიდები (ცხიმების მომატებული დონე სისხლში) და დაბალი HDL (მაღალი სიმკვრივის ლიპოპროტეინი, ანუ "კარგი" ქოლესტერინი) - ნაკლებად ასოცირდება ღვიძლის დაავადებასთან.

ღვიძლის ფიბროზი არის მდგომარეობა, რომლის დროსაც ღვიძლის ჯანსაღი უჯრედები იცვლება შემაერთებელი (ნაწიბუროვანი) ქსოვილით. ჩვეულებრივ, ღვიძლში კოლაგენის წარმოქმნისა და დეგრადაციის პროცესი დაბალანსებულია. როდესაც პათოლოგია ხდება, ეს ბალანსი ირღვევა და ორგანოს კოლაგენური ბოჭკოები იზრდება.

შესაძლებელია თუ არა ღვიძლის ფიბროზის მკურნალობა?

არ არსებობს მკაფიო პასუხი კითხვაზე, თუ როგორ და რითი შეიძლება განიკურნოს ღვიძლის ფიბროზი (LF). ვინაიდან დაავადებას წინ უძღვის და ხელს უწყობს ინფექციური პროცესი, ექიმები ხშირად უნიშნავენ პაციენტებს სხვადასხვა სახის ანთების საწინააღმდეგო პრეპარატებს.

როგორ გავიგოთ, განვითარდა თუ არა ღვიძლის ფიბროზი?

საწყის ფაზაში ღვიძლის ფიბროზის ნიშნები ბუნდოვანი და გაურკვეველია: ხშირად იგრძნობა სისუსტე, ქვეითდება შრომის უნაარი და ვლინდება ზოგადი სისუსტე. დაავადების პროგრესირებასთან ერთად პაციენტს უქვეითდება მადა, ჩნდება ტკივილი მარჯვენაფერდქვეშა მიდამოში, აღინიშნება ხშირი გულისრევის შეგრძნება და ბოყინი.

რა არ უნდა გაკეთდეს ღვიძლის ფიბროზის დროს?

ღვიძლის ფიბროზის შემთხვევაში მნიშვნელოვანია დიეტის დაცვა. საკვები რაციონი არ უნდა შეიცავდეს ისეთ პროდუქტებს, როგორიცაა:

• ცხიმიანი ხორცი;
• ზედმეტად ცხიმიანი თევზი;
• ცომეული;
• მარინადები;
• ალკოჰოლი;
• ყავა;
• ცხიმიანი რძის პროდუქტები;
• ცხარე სანელებლები.