ღვიძლის კიბოს ადრეული სიმპტომები - მკურნალი.გე

ლალი ჩხიკვაძე

• შებერილობა (შეიძლება იყოს სახიფათო სიმპტომი, თუმცა ბევრად უფრო ხშირია ცხოველური ცხიმებითა და ადვილად ასათვისებელი ნახშირწყლებით მდიდარი საკვების მიღებისას):

• დისკომფორტი, ტკივილი მარჯვენა მხარეს;

• მადის დაკარგვა და საჭმლის მონელების დარღვევა;

• შრომისუნარიანობის შემცირება;

• დაღლილობის, სისუსტის შეგრძნება;

• წონის აუხსნელი კლება;

• ზოგ შემთხვევაში ჩამოთვლილ სიმპტომებს ემატება ობსტრუქციული სიყვითლე (მზარდი სიმსივნე არღვევს სანაღვლე გზების გამავლობას);
• სხეულზე შესაძლოა გამოჩნდეს „ვარსკვლავები“;
• საჭმლის მონელების შესაძლო პრობლემები: ეს გამოწვეულია ნაწლავებში ნაღვლის ნაკადის დარღვევით, რასაც შეიძლება ახლდეს საკვების არასრული მონელება, კუჭ-ნაწლავის ტრაქტის მოტორიკის დარღვევა, განავლის ფერის შეცვლა (გაუფერულება).

ყველა გამოვლენილ ონკოლოგიურ დაავადებას შორის ღვიძლის კიბო გავრცელების მხრივ მე-6 ადგილზეა.

არსებობს ღვიძლის კიბოს პირველადი და მეორადი ფორმები. ღვიძლის პირველადი კიბო არის ავთვისებიანი ნეოპლაზმა, რომელიც იზრდება ჰეპატოციტებიდან (უჯრედები, რომლებიც შეადგენენ ღვიძლის მთლიანი მასის 80%-ს).

ღვიძლის პირველადი კიბოს ყველაზე გავრცელებული ფორმა არის ჰეპატოცელულარული კარცინომა.

ღვიძლის მეორადი კიბოს განვითარების მიზეზი არის სხვა ორგანოების ავთვისებიანი სიმსივნეების (ნაწლავის, პროსტატის, ფილტვის, სარძევე ჯირკვლის და სხვა) მეტასტაზირება. ღვიძლის კიბოს ეს ფორმა დაახლოებით 20-ჯერ უფრო ხშირად გვხვდება, ვიდრე პირველადი.