ალკოჰოლით ღვიძლის დაზიანების ხუთი ძირითადი სიმპტომი
რომელებიც ადრეულ სტადიაზე შეიძლება მიუთითებდეს ალკოჰოლის შედეგად წარმოქმნილ ღვიძლის პრობლემებზე.
მედიკოსები გვაფრთხილებენ, რომ ღვიძლის პრობლემებმა შეიძლება დაარღვიოს ორგანიზმის 500-მდე სასიცოცხლოდ მნიშვნელოვანი ფუნქცია. აღნიშნული ორგანო ძალიან მნიშვნელოვანია ადამიანისათვის და პასუხისმგებელია ტოქსინების ნეიტრალიზაციასა და გამოდევნაზე. ექსპერტები ხაზგასმით აღნიშნავენ, რომ ღვიძლის მიერ ალკოჰოლის ყოველი ახალი ფილტრაციისას, მისი უჯრედების ნაწილი „იღუპება“. ექსპერტები მოგვიწოდებენ გავაკეთოთ შესვენებები სპირტიანი სასმელების მოხმარებას შორის, რადგანაც ორგანოს გარკვეული დრო სჭირდება რეგენერაციისა და ახალი უჯრედების წარმოქმნისათვის. ალკოჰოლის სისტემატურად მომხმარებლებში ღვიძლი მნიშვნელოვნად ზიანდება.
სიმპტომებიდან აღსანიშნავია:
- ტკივილი მუცლის არეში,
- სისუსტე,
- ფაღარათი,
- გულისრევა,
- ადვილად დაღლილობა და მადის დაქვეითება.
ხანგრძლივი დროის განმავლობაში ალკოჰოლის გამოყენება აქვეითებს ღვიძლის რეგენერაციის უნარს, რაც ღვიძლის შეუქცევად დაზიანებას იწვევს.