ნაწლავის ანთებითი დაავადება: დიდი რაოდენობით შაქრის შემცველი პროდუქტების მიღება აუარესებს სიმპტომებს
ასევე სიმპტომების შემსუბუქებაში.
პიტსბურგის უნივერსიტეტის მკვლევარებმა დაადგინეს, რომ დიდი რაოდენობით შაქრის შემცველი დიეტა აუარესებს ნაწლავის ანთებითი დაავადების სიმპტომებს. ეს კვლევა გამოქვეყნდა ჟურნალში: ,,უჯრედული და მოლეკულური გასტროენტეროლოგია და ჰეპატოლოგია".
შაქრის შემცველი დიეტა მთელ სხეულში ანთების ცნობილი მიზეზია. გაზრდილი შაქრის მიღება ასევე დაკავშირებულია სხვა დაავადებებთან, მათ შორის თირკმელების ქრონიკულ დაავადებასთან და გულ-სისხლძარღვთა დაავადებებთან.
ნაწლავის ანთებითი დაავადება ვითარდება მაშინ, როდესაც სხეულის იმუნური სისტემა უტევს ნაწლავებს, იწვევს ანთებას, ტკივილს და შეშუპებას ნაწლავებში.
მიუხედავად იმისა, რომ მკვლევარებმა ჯერ კიდევ არ იციან ზუსტად რა იწვევს დაავადებას, არსებობს რამდენიმე ცნობილი რისკ-ფაქტორი, მათ შორის:
- გენეტიკა;
- გარკვეული მედიკამენტების მიღება;
- კვება
სიმპტომები მოიცავს:
- დაღლილობას;
- ცხელებას, ღამის ოფლიანობას ან ორივეს ერთად;
- ღებინებას, გულისრევასა და დიარეას;
- მადის დაკარგვას;
- კუჭის ტკივილსა და კრუნჩხვებს;
- აუხსნელ წონის კარგვას;
- სახსრების ტკივილს
ამჟამად მკურნალობა მიზნად ისახავს სიმპტომების შემსუბუქებასა და ყოველგვარი გართულების თავიდან აცილებას.
შაქრის ეფექტი ნაწლავის ანთებით დაავადებაზე
კვლევისთვის გამოიყენეს თაგვის მოდელი, რათა შეემოწმებინათ სტანდარტული ან შაქრის მაღალი შემცველობის საკვების ეფექტი დაავადებაზე. მეცნიერებმა განაცხადეს, რომ კვლევის დროს ყველა თაგვი, რომლებსაც აძლევდნენ სტანდარტულ დიეტას, გადარჩა, ხოლო იმ თაგვებში, რომლებსაც მისცეს შაქრის დიდი რაოდენობა, მდგომარეობა გაუარესდა.
ამას გარდა, შაქრის მაღალი შემცველობა აფერხებს მსხვილი ნაწლავის შეხორცებას. ექსპერიმენტის დასასრულს, მკვლევარებმა გამოიკვლიეს თაგვების მსხვილი ნაწლავი, და დაადგინეს, რომ შაქარი აფერხებს ნაწლავის შეხორცების ან რეგენერაციის პროცესს. ნაწლავი დაფარულია ეპითელური შრით, კანის მსგავსად, მაგრამ მის ზედაპირზე ლორწოს ფენაა. ამ ნაწლავურ ბარიერს სამიდან ხუთ დღეში ერთხელ სჭირდება საკუთარი თავის რეგენერაცია, რაც ღეროვანი უჯრედების“ მოქმედებით ხორციელდება.
კვლევის შედეგები ვარაუდობს, რომ ნაწლავის ანთებითი დაავადების მქონე ადამიანები შეძლებისდაგვარად უნდა მოერიდონ რაფინირებული შაქრის, შაქრიანი გამაგრილებელი სასმელებისა და ტკბილეულის მიღებას, რის შედეგადაც ძალიან სწრაფად მიიღება შაქრის დიდი დოზა.