რა არის მეტაბოლური მოქნილობა და რაში გვეხმარება ის
ჩვენი ორგანიზმი კი ენერგიის წყაროდ ცხიმებსა და ნახშირწყლებს იყენებს.
დაბალი მეტაბოლური მოქნილობის დროს, ყოველ ჯერზე, როდესაც სისხლში შაქრის დონე ეცემა, ჩნდება დაღლილობის შეგრძნებაა, ტვინის აქტიურობა იკლებს და ორგანიზმი ნახშირწყლების მიღების მოთხოვნილება იზრდება(ტკბილეული, ცომეული). ეს კი ხელს უწყობს წონაში მატებას.
მეტაბოლური მოქნილობა კი, საშუალებას აძლევს სხეულს ნახშირწყლების ნაცვლად ადვილად გადაერთოს ცხიმების წვაზე.
მეტაბოლური მოქნილობა დამოკიდებულია ინსულინის დონეზე სისხლში. სხვადასხვა საკვები ინსულინის სხვადასხვა რაოდენობით გამოყოფას განაპირობებს. როდესაც ინსულინის დონე დაბალია, ორგანიზმი იწყებს ცხიმის წვას, ხოლო ინსულინის მაღალი დონის შემთხვევაში, ორგანიზმი ცხიმის შენახვისა და მომარაგების რეჟიმზეა გადართული. დღის განმავლობაშიი ნახშირწყლების ხშირი მოხმარების შედეგად იზრდება ინსულინის დონე, არ ხდება მისი აქტიური წვა, რაც თავისთავად ხელს უშლის ცხიმების დაწვის პროცესის გააქტიურებას.
მაღალი მეტაბოლური მოქნილობა ხელს უწყობს წონის კლების პროცესს, ამცირებს შიმშილის გრძნობას, აუმჯობესებს ძილის ხარისხს, ზრდის ენერგიის დონეს.
მეტაბოლური მოქნილობის გასაუმჯობესებლად:
ცილები და ცხიმები რაციონის ძირითადი კომპონენტები უნდა იყოს (ასეთი საკვებია: კვერცხი, თევზი, ხორცი, თხილი, იოგურტი, ყველი).
შეზღუდეთ ნახშირწყლების მიღება.
ნახშირწყლების ძირითადი წყარო ბოსტნეული და ხილი უნდა იყოს.
მოერიდეთ დამუშავებული საკვების მიღებას - ნახევარფაბრიკატები, კონსერვები, ძეხვეული, საკონდიტრო ნაწარმი.
ეცადეთ გაზარდოთ ინტერვალი კვებიდან კვებამდე.
მეტი დრო დაუთმეთ ფიზიკურ აქტივობას.