კვების პრინციპები კუჭის და თორმეტგოჯა ნაწლავის პათოლოგიების დროს - ვაშლი მოშუშული გაცილებით სასარგებლოა, ვიდრე უმი

29.12.2021

ცარიელ კუჭსა და თორმეტგოჯა ნაწლავში ჭარბად გამოიყოფა საჭმლის მომნელებელი წვენები,

ამ უკანასკნელთა დიდხანს დაყოვნების გამო კი იწყება ლორწოვანი გარსის მონელება და დასაბამი ეძლევა წყლულის განვითარებას. ამგვარად, კვების რეჟიმსა და თვით საკვებს დიდი მნიშვნელობა აქვს წყლულოვანი პათოლოგიის როგორც მკურნალობის, ასევე პროფილაქტიკისთვისაც. დაავადების გამწვავების პერიოდში იკრძალება შემწვარ-მოხრაკული, ლორი, შაშხი, ხორცის ბულიონი, გაზიანი სასმელები.

ნებადართულია: მოხარშული თევზი, საქონლისა და ქათმის ხორცი, ახალი უმარილო ყველი, ბოსტნეულის სუპი, ფაფა (მათ შორის - წიწიბურასი), გამომშრალი (წინა დღის) პური.

ეს დიეტა (შედარებით მკაცრი) ავადმყოფმა 1-1,5 თვის განმავლობაში უნდა დაიცვას, მერე კი, კლინიკური მდგომარეობის გაუმჯობესებისდა კვალად, რაციონის გაფართოება და გამრავალფეროვნებაც შეიძლება, თუმცა ეს არავითარ შემთხვევაში არ გულისხმობს შემწვარ-მოხრაკულ და ცხარე კერძებზე გადასვლას. ღორის ხორცს უმჯობესია წყლულის ჩაცხრობის შემდეგაც ერიდოთ.


/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });

ბოსტნეული (მაგალითად, კომბოსტო) მწვავე პერიოდში თუ მხოლოდ მოხარშულია ნებადართული, შემდეგ უმი ან მცენარეულ ზეთში მოშუშულიც შეიძლება მიირთვათ. კვება სასურველია დღეში ოთხჯერ, მცირე ულუფებით, თანაც ერთსა და იმავე დროს. წყლულოვანი დაავადების მკურნალობისას რეჟიმს განსაკუთრებული მნიშვნელობა აქვს.

ახალი უმარილო ყველი და ხაჭო წყლულოვანი პათოლოგიით დაავადებულთა საკვებ რაციონში შედის. რაც შეეხება თავად რძეს, ზოგიერთი ექიმი პაციენტებს ურჩევს, ერიდონ მას. მართალია, ის ანტაციდური თვისებებით გამოირჩევა და კუჭისა და თორმეტგოჯა ნაწლავის ლორწოვან გარსზე კეთილისმყოფელ გავლენას ახდენს, მაგრამ მუცლის შებერვასაც იწვევს. ზოგიერთის ორგანიზმი რძეში შემავალ ცხოველურ ცილებს ძნელად ითვისებს. ასე რომ, კუჭ-ნაწლავის ტრაქტის ფუნქციის დაბალანსების მიზნით რძეს ზოგჯერ საკვები რაციონიდან იღებენ, თუმცა დიეტაში მისი ჩართვა ორგანიზმისა და საჭმლის მომნელებელი ტარქტის მდგომარეობაზეა დამოკიდებული.

შეკითხვა ექიმს

<p>გამარჯობათ ვარ 25 წლის ბიჭი და გუშინ გავიკეთე სისხლის ანალიზი ჩემი გადაწყვეტილებით იმიტომ რომ მქონდა კუჭის შეკრულობა საშინელი ეხლა იმდენად აგარ რაც გასტრიტოლის წვეთების კეტილეპტის და მეზინფორტეს დალევა დავიწყე. მქონდა ასევე საშინელი ტკივილი მუცლის ზედა მარცხენა მხარეს ნეკნებ ქვეშ საშინელი ტკივილი. ეხლა იმდენად აღარ. ანრა არის მუცლის მაგნაწილშიდა როგორცვე ცოტა რაგაცას შევჭამ თითქოს და ტონა ჭამაო. რაც შეეეხებააა ჩემსს სისხლის ანალიზსსსს ერითროციტები მააქვსს მომატებული შედეგი 6.19 და ნორმა 5.9 წერია .ასევე ჰემოგლობინი 17.8 წერია შედეგიდა ნორმა 17.5 ..ასევე მაქ ეოზინოფილის პროცენტი 0.5 და ნორმაა 1-5 წერია და გვერძე წერია რომდაბალი მაჩვენებელია და და თვითონ ეოზინოფილი და არა ეოზინოფილის პროცენტი (ორიწერია ) ეგ მააქვს 0.03 და ნორმა 0.044 -0.5 წერიაა დააა ძან ავნერვიიულდი რატომ მაქვს ეს ეოზინოფილი დაბალიდა რისი მანიშნებელია? ან ერითროციტების და ჰემოგლობინის მატება რიიისი ნიშანიააა (ძალიან გთხოვთ მიპასუხეთ ).</p>

ამავე პრინციპით არ იკრძალება მაწონი (რა თქმა უნდა, არა მჟავე). ხილის, განსაკუთრებით - ყურძნის, ფორთოხლის, ბროწეულის და სხვა მჟავე სახეობების, ასევე - მათი წვენის მიღებისგან კი ავადმყოფებმა თავი უნდა შეიკავონ.

ვაშლი მოშუშული გაცილებით სასარგებლოა, ვიდრე უმი. გაზიანი (ქიმიურ კონცენტრატებზე დამზადებული) სასმელები წყლულოვანი პათოლოგიების დროს ორგანიზმის უბოროტესი მტრები არიან.