პროგესტერონი - შფოთვის საწინააღმდეგო ჰორმონი
ეს ჰორმონი საშვილოსნოს ამზადებს შესაძლო ორსულობისთვის, ამავდროულად ქალის ფსიქიკასაც შესაბამისად ცვლის. გამოდის, რომ მენსტრუალური ციკლის მეორე ნახევარსა და ორსულობისას, ქალი სერიოზული ტრანკვილიზატორის ზემოქმედების ქვეშ არის.
თუმცა, არსებობს პოსტმენსტრუალური სინდრომი და მშობიარობისშემდგომი დეპრესია. თუ ქალი არ დაორსულდა, პროგესტერონის დონე მკვეთრად ეცემა, იწყება მენსტრუაცია. ამ მომენტისთვის დამახასიათებელი შეგრძნებებია: გაღიზიანებადობა, ხასიათის მკვეთრი ცვლილება.
დაახლოებით ისეთივეა ახალნამშობიარევი ქალის გუნება-განწყობაც. პროგესტერონი დიდი ხნის განმავლობაში არსებული მაღალი მაჩვენებლიდან ქვეითდება, რის გამოც ქალი განიცდის ძლიერ შფოთვას, რომელსაც თან ახლავს ახალშობილის მოვლასთან დაკავშირებული სტრესი. ეს კი მშობიარობის შემდგომი დეპრესიის განვითარების მიზეზი შეიძლება გახდეს.
მამაკაცის ორგანიზმში პროგესტერონი მცირე რაოდენობით შეიძლება გამომუშავდეს თირკმელზედა ჯირკვლებში. მამაკაცებშიც იგი შფოთვის საწინააღმდეგო ეფექტით ხასიათდება.
ლალი ჩხიკვაძე