ესტროგენის 5 სარგებელი
ესტროგენების გამომუშავების შემცირების დროს, ორგანიზმი იწყებს მის წარმოქმნას ცხიმებისგან, მაგრამ თუ ეს რეგულარულად ხდება, ცხიმოვანი უჯრედები „სწავლობენ“ ორგანიზმის უზრუნველყოფას ესტროგენით, შესაბამისად, ორგანიზმი იწყებს ცხიმის მარაგის დაგროვებას იმისათვის, რომ არ განიცადოსესტროგენის ნაკლებობა.
ესტროგენების შემცირება, თავის მხრივ, ამცირებს ინსულინის ეფექტურობას გლუკოზის დონის დაწევაზე, რაც იწვევს ინსულინის მიმართ მგრძნობელობის დაქვეითებას და შედეგად ხდება ცხიმოვანი ქსოვილის გაზრდა. ამიტომ, წინა კლიმაქტურ ასაკში, როდესაც ხდება სასქესო ჰორმონების ფუნქციების ბუნებრივი გაქრობა,ქალებისთვის წონის დაკლება რთულია
ესტროგენი ხელს უწყობს ზრდის ჰორმონის გამომუშავებას ძილის დროს, სომატოტროპინის, რომელიც ასტიმულირებს კუნთოვანი მასის გადიდებას და მის აღდგენას. კლიმაქსის მოახლოების დროს ზრდის ჰორმონის დონე მცირდება, ესტროგენის შემცირების გამო. თუ ესტროგენის შემცველობა ორგანიზმში ნორმაზე დაბალია, ეს იმას ნიშნავს, რომ ვარჯიშს ნაკლებად მოაქვს შედეგი კუნთების გაძლიერებისთვის.
ესტროგენის ნორმალურ რაოდენობას ორგანიზმში მრავალი დადებითი ეფექტი აქვს.
ესტროგენი არა მარტო რეპროდუქციულ სისტემას ეხმარება, არამედ ხელს უწყობს სხვა ორგანოთა სისტემების ნორმალურ ფუნქციონირებას:
ესტროგენი კარგია გულ-სისხლძარღვთა ქსოვილის ჯანმრთელობის შენარჩუნებისთვის. ასევე დაგეხმარებათ არტერიული წნევის სტაბილურობის შენარჩუნებაში. როდესაც ესტროგენის დონე ნორმაშია, ეს ხელს უწყობს სისხლში ტრიგლიცერიდების (ცხიმის სახეობის) დაბალი მაჩვენებლის შენარჩუნებას, ზრდის კარგი ქოლესტერინის დონეს.
იცავს ტვინს - ესტროგენი თავის ტვინში სათანადო სისხლის ნაკადის შენარჩუნებას უწყობს ხელს და ამით იცავს მას. ის მეხსიერებისა და მოტორული უნარების გაუმჯობესებაშიც კი მონაწილეობს.თუ გიჭირთ კონცენტრაცია, ამაში ესტროგენის დაბალი დონე შეიძლება იყოს დამნაშავე.
აუმჯობესებს კუნთოვან მასას და ძვლის სიმკვრივეს.
ჰორმონი ასევე მნიშვნელოვან როლს ასრულებს ძვლების ზრდასა და კუნთების მასის გაუმჯობესებაში. ის იცავს ოსტეოპოროზისგან.
ამაღლებს განწყობას - განწყობის ცვალებადობა(განსაკუთრებით მენსტრუალური ციკლის პერიოდში) შესაძლოა გამოწვეული იყოს ესტროგენის დონის ცვლილებით. ცნობილია, რომ ჰორმონი ხელს უწყობს სეროტონინის ნორმალური დონის შენარჩუნებას, ეხმარება ენდორფინების ეფექტურობას. მას შეუძლია ხელი შეუწყოს ნერვების დაცვას.
სისხლის ანალიზს შეუძლია დაადასტუროს ესტროგენის დონე დაბალია თუ არა. ჰორმონის ჩანაცვლებითი თერაპიის დანიშვნაც უნდა მოხდეს ექიმის მიერ სიმპტომების შესაბამისად.