4 რამ, რაც აუცილებლად უნდა გააკეთოთ ფარისებრი ჯირკვლის ჯანმრთელობის შენარჩუნებისთვის
იგი მონაწილეობს ჰორმონების წარმოქმნაში, ხელს უწყობს მეტაბოლიზმის რეგულირებას. ფარისებრი ჯირკვალი ასევე ჩართულია სხვა ორგანოთა სისტემების ფუნქციონირებაში. ეს სისტემები შედგება გული-სისხლძარღვთა, კუჭ-ნაწლავის, ცენტრალური ნერვული სისტემა და ავტონომიური ნერვული სისტემისგან.
ერთ-ერთი ყველაზე მნიშვნელოვანი რამ, რისი გაკეთებაც შეგიძლიათ ჯანმრთელი ფარისებრი ჯირკვლის შესანარჩუნებლად, არის დაბალანსებული კვება. დაბალანსებული დიეტა მოიცავს: ხილს, ბოსტნეულს, პარკოსნებს, მთლიან მარცვლეულს, თევზს და ზღვის პროდუქტებს, თხილეულს, ჯანსაღ ცხიმებს (როგორებიცაა, ზეითუნის, მზეუმზირის ზეთი. ასევე სასარგებლოა თხილეულში და ავოკადოში შემავალი ცხიმები).
მოერიდეთ ტრანს ცხიმებს, რაფინირებულ შაქარს, ვინაიდან ისინი ანთებითი პროცესების პროვოცირებას ახდენენ, რაც თავის მხრივ, უარყოფითად მოქმედებს ფარისებრ ჯირკვალზე.
მიიღეთ გარკვეული დანამატები(მხოლოდ ექიმის რეკომენდაციით) - ფარისებრი ჯირკვლის ჯანმრთელობაზე დადებით გავლენას ახდენს სელენი, D ვიტამინი და იოდი(არ უნდა მოხდეს იოდის დოზის გადაჭარბება, ვინაიდან ამან შესაძლოა ჰიპერთირეოზი გამოიწვიოს).
ეცადეთ მოერიდოთ გარემოში არსებულ ტოქსინებს. მაგალითად, ქიმიურმა ნივთიერება ბისფენოლ-A-მ (აღმოჩენილია ზოგიერთ მყარ პლასტმასსა და დაკონსერვებული საკვების ქილებში) შეიძლება გამოიწვიოს ფარისებრი ჯირკვლის ჰორმონის დონის დარღვევა.