3 ცნობილი ადამიანი, რომელიც გესტაციურ დიაბეტს ებრძოდა
გესტაციური (ტრანზიტორული, ანუ გარდამავალი) დიაბეტი მხოლოდ ორსულობის დროს ვლინდება, შემდეგ კი ქრება.
მიუხედავად ამისა, მომდევნო 10-20 წლის განმავლობაში არის შანსი, რომ ქრონიკული (მეორე ტიპის) დიაბეტი განვითარდეს.
ამ მიზეზის გამო, ქალებმა, რომლებმაც გესტაციური დიაბეტი გადაიტანეს, წონის მატებას უნდა მოერიდონ, დაიცვან დიეტა, რეგულარულად ივარჯიშონ და წელიწადში ერთხელ სისხლში შაქრის დონე შეიმოწმონ.
გესტაციური დიაბეტის მკურნალობა ისეთივე აუცილებელია, როგორც ქრონიკული დიაბეტის.
ის შესაძლოა დედისა და ნაყოფისთვის გართულების მიზეზად იქცეს. რისკი, რომ შემდგომ განვითარდეს ტიპი 2 დიაბეტი, არის 90%.
გთავაზობთ იმ ცნობილი ადამიანების სიას, რომლებსაც გესტაციური დიაბეტი დაუდგინდათ ორსულობის დროს.
• სალმა ჰაიეკი
ცნობილი მექსიკელი მსახიობი, რომელიც ლეგენდარული ფრიდა კალოს როლის შესრულებით არის ცნობილი.
მას 41 წლის ასაკში, პირველ შვილზე ორსულობის დროს, განუვითარდა გესტაციური დიაბეტი.
დიაგნოზი ორსულობის დროს დაუდგინეს და მან შეძლო დაავადების კონტროლი.
ინტერვიუებში მსახიობი აღნიშნავდა, რომ ნანობდა კვებით ჩვევებზე, რომელიც ჰქონდა. აღნიშნავს, რომ დიდი რაოდენობით შაქრის შემცველი ხილი, რომელსაც ის მიირთმევდა ორსულობისას, რეკომენდებული არ არის დიაბეტის დროს.
• მერაია ქერი
ამერიკელი მომღერალი და კომპოზიტორი, რომელის სახელსაც არაერთი სინგლი უკავშირდება, ერთ-ერთი სიმღერის ტექსტში აღნიშნავს, რომ პრობლემური ორსულობა ჰქონდა. როგორც შემდგომ გაირკვა, მას გესტაციური დიაბეტი დაუდგინეს.• ანჯელინა ჯოლი
სილამაზით განთქმული ამერიკელი კინომსახიობი ანჯელინა ჯოლი ტყუპებზე ორსულობისას გესტაციურ დიაბეტს ებრძოდა.ორსულობა იმდენად მძიმე აღმოჩნდა, რომ მას ექიმება შემდგომი ორსულობისგან თავის შეკავება ურჩიეს.