როგორ დავიცვათ ვენები - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ დავიცვათ ვენები

უმჯობესია, წამოწვეთ

ჯანმრთელი ვენების მთავარი წესი ასეთია: დგომას ჯდომა სჯობს, ხოლო ჯდომას - წოლა. თუ ისეთი სამუშაო გაქვთ, რომელიც ფეხზე დგომას მოითხოვს, ეცადეთ, დროდადრო მაინც ჩამოჯდეთ, თუნდაც რამდენიმე წუთით, ხოლო დასვენებისთვის განკუთვნილი წუთები არა სავარძელში მჯდარმა, არამედ დივანზე წამოწოლილმა გაატარეთ. ყოველ დილა-საღამოს მიიღეთ კონტრასტული შხაპი - ის აკაჟებს და ამაგრებს ვენებს. რაც შეეხება პლაჟს, სოლარიუმს, აბანოსა და საუნას - ისინი თქვენთვის საშიშია. სიფრთხილე გამოიჩინეთ ეპილაციის დროსაც. თუ ვარიკოზისკენ გაქვთ მიდრეკილება, უმჯობესია, ერიდოთ ორალურ კონტრაცეპტივებს.

ბუნების ნობათი

სისხლძარღვებზე ძალიან კარგად მოქმედებს ვაშლის ძმარი - 2 ჩაის კოვზი უნდა გახსნათ 1 ჭიქა ადუღებულ წყალში და დილაობით თბილ-თბილი მიიღოთ. ვენებისთვის ძალიან სასარგებლოა ლეღვი. შესანიშნავია ანანასი. ის შეიცავს ფერმენტ ბრომელაინს, რომელსაც უნარი შესწევს, დააცხროს ანთებითი პროცესი, რაც ვენებში სისხლის შესქელებას თავიდან აგაცილებთ. თუ დღეში ორჯერ მიიღებთ თითო ჭიქა ანანასის წვენს, ვენები სრულ წესრიგში გექნებათ. სამწუხაროდ, სამკურნალო თვისებები აქვს ახალგამოწურულ წვენს და არა დაკონსერვებულ ნექტარს ან კომპოტს. თუ ვენები გაწუხებთ, ყოველგვარი ფიზიკური დატვირთვა მიზანშეწონილი არ არის, თუმცა ეს იმას როდი ნიშნავს, რომ ვარჯიშზე უარი თქვათ, ფეხები დივანზე აიკეცოთ და ტელევიზორთან ათენოთ და აღამოთ. უბრალოდ, ფიზიკური აქტივობის ოპტიმალური სახეობა უნდა აირჩიოთ. ვარჯიში, რომელიც სირბილს, ხტუნვასა და ინტენსიურ მოძრაობას მოითხოვს (სირბილი, ძალისმიერ ტრენაჟორებზე ვარჯიში, აერობიკა), გეკრძალებათ. სამაგიეროდ, ცურვა, აკვააერობიკა, ვარჯიში ველოტრენაჟორებზე, იოგა, მუცლის ცეკვა, სპორტული ცეკვები მისასალმებელია.

ატრიალეთ პედლები

ვენებისთვის ძალიან სასარგებლოა სამკურნალო ფიზკულტურა. აი რამდენიმე ვარჯიში:

1. დაწექით ზურგზე, ქუსლებქვეშ მცირე ზომის ბალიში ამოიდეთ. თვალგახელილმა ისუნთქეთ ღრმად და თანაბრად.

2. ზურგზე დაწოლილმა ატრიალეთ წარმოსახვითი ველოსიპედის პედლები.

3. დადექით, ფეხები ერთმანეთს მიატყუპეთ, ხელები - ტანზე მიიკარით. ჩაისუნთქეთ ღრმად, ნელ-ნელა აიწიეთ ფეხის წვერებზე. ამოსუნთქვისას დაუბრუნდით საწყის მდგომარეობას.

4. იარეთ ადგილზე ისე, რომ ფეხის წვერები იატაკს არ მოაშოროთ.

5. დაწექით ზურგზე, ხელები სხეულის გასწვრივ დაიწყვეთ. ასწიეთ ფეხები. თავდაპირველად ტერფები გარედან შიგნით ატრიალეთ, შემდეგ - შიგნიდან გარეთ, ბოლოს მორიგეობით ამოძრავეთ წინ და უკან წვივ-ტერფის შემაერთებელ სახსარში, შემდეგ კი მოკეცეთ და გაშალეთ ფეხის თითები.

6. დაჯექით სკამზე და ჯერ ერთი, შემდეგ კი მეორე ფეხის წვერით `დაწერეთ~ ჰაერში საყვარელი ადამიანის სახელი ან რაიმე სასიამოვნოს აღმნიშვნელი სიტყვა.

იყავით ფრთხილად!

განსაკუთრებული სიფრთხილე გმართებთ, თუ ვარიკოზული დაავადების რისკის ჯგუფს ეკუთვნით (მაგალითად, დედას ან ბებიას ჰქონდათ ვენების გაგანიერება ან ვარიკოზული დაავადება). ასეთ შემთხვევაში მაღალქუსლიანი ფეხსაცმელი რაც შეიძლება იშვიათად უნდა ჩაიცვათ, ხოლო სპორტული - მხოლოდ დანიშნულებისამებრ. ერიდეთ ვიწრო, მოტმასნილ ტანსაცმელს, ძლიერ ფიზიკურ დატვირთვას, დიდხანს ნუ გაჩერდებით ვერტიკალურ მდგომარეობაში. მუშაობისას დროდადრო ჩამოჯექით, საქმეს ტკივილამდე ნუ მიიყვანთ, დაისვენეთ, ვიდრე ფეხები დაგეღლებათ, ხოლო ორსულობისას ატარეთ სპეციალური კომპრესიული წინდები.