ცხვირის წვეთები და მათი გამოყენების წესები - მკურნალი.გე

რუბრიკები

ოჯახის მკურნალის ანონსი

მარტი 2019

კითხვა-პასუხი

ცხვირის წვეთები და მათი გამოყენების წესები

ცხვირის წვეთები და მათი გამოყენების წესები
სურდო ბევრს არასერიოზული დაავადება ჰგონია, თუმცა ის მრავალი უსიამოვნების მომტანია.
აღსანიშნავია, რომ დღევანდელ ფარმაცევტიკაში არსებული სხვადასხვაგვარი სპრეები თუ წვეთები დიდწილად ამსუბუქებესურდოთი გამოწვეულ უსიამოვნებებს. ამ თემაზე გვესაუბრება "ყელ-ყურ-ცხვირის დაავადებათა ეროვნული ცენტრი, ჯაფარიძე-ქევანიშვილის კლინიკის" ექიმი, მედიცინის დოქტორი მარინა ცაბაძე.

– ქალბატონო მარინა, როგორია ამ პრეპარატების მოქმედების პრინციპი?

– უნდა აღინიშნოს, რომ თავისთავად სურდო, რინორეა – ორგანიზმის დაცვითი რეაქციაა ვირუსული აბაქტერიული ინფექციის მიმართ. ცხვირის ღრუში გამოყოფილი ლორწო იცავს სასუნთქ გზებს მიკრობებისა და ვირუსების ზემოქმედებისაგან.

მოქმედების მიხედვით სურდოსა და ცხვირის გაჭედილობის სამკურნალო საშუალებები იყოფა
შემდეგ კატეგორიებად:

  • სისხლძარღვების შემავიწროებელი;
  • ცხვირის ლორწოვანი გარსის დამატენიანებელი;
  • ანტიალერგიული, ანტიჰისტამინური;
  • ანტიბაქტერიული;
  • ვირუსის საწინააღმდეგო;
  • ლორწოს გამათხელებელი;
  • ჰორმონული;
  • მცენარეული.

ისინი ძირითადად სპრეისა და წვეთების სახითაა წარმოდგენილი.

– რომელი ფორმა უფრო მოსახერხებელია?

– ერთმნიშვნელოვანი პასუხი ამაზე არ არსებობს. ეს დამოკიდებულია პაციენტსა და მის დაავადებაზე. რიგი პარამეტრებით, სპრეი უფრო ეფექტიანია,
რადგაპრეპარატი თანაბრად ნაწილდება ლორწოვანი გარსის მთელ ზედაპირზე. მეორე მხრივ, ის უკუნაჩვენებია 6 წლამდე ასაკის ბავშვებისთვის.

– რატომ?

– ცხვირში სპრეის შესხურებისას შეიძლება ის არა მარტო ბავშვის ცხვირის ღრუში მოხვდეს, არამედ, მაგალითად, ევსტაქის მილში, რომელიც ბავშვებს მოზრდილებისაზე უფრო მოკლე აქვთ. სპრეისთაერთად შეიძლება იქ ბაქტერიებიც შევიდეს, რამაც ოტიტი აევსტაქიიტი გამოიწვიოს. სპრეი შეიძლება მოხვდეს ბრონქებშიც და ასფიქსია ასხვა მძიმე შედეგები განვითარდეს.

– როგორ მოვიხმაროთ პრეპარატები?

– წვეთისა და სპრეის ეფექტიანობა დამოკიდებულია მათ სწორ მოხმარებაზე. ცხვირში მწოლიარემ უნდა ჩაიწვეთოთ, სპრეის შესხურება კი ვერტიკალურ მდგომარეობაში ყოფნისას სჯობს.

– როგორ მოქმედებს სისხლძარღვთა შემავიწროებელი საშუალებები?

– სურდოს ერთ-ერთი თვისება ცხვირისა და ცხვირ-ხახის ლორწოვნი გარსის სისხლძარღვების გაფართოებაა. ეს იწვევს შეშუპებასა და ცხვირის გაჭედილობას. სისხლძარღვთა შემავიწროებელი საშუალებები მოქმედებს პერიფერიული სისხლძარღვების ადრენალინის რეცეპტორებზე, ავიწროებს მათ, ამის გამო შეშუპება მცირდება და ცხვირიც სუფთავდება.

როგორც წესი, მათში მოქმედი ნივთიერებაა: ქსილომეტაზოლინი, ოქსიმეტაზოლინი, ნაფაზოლინი, ტეტრაზოლინი, ტრამაზოლინი, ფენილეფრინი.

ნაფაზოლინის წვეთებს ხანმოკლე მოქმედება აქვს, დაახლოებით 4 საათი. ქსილომეტაზოლინის, ოქსიმეტაზოლინის, ტეტრამეტაზოლინის წვეთებს – უფრო ხანგრძლივი, 8-12-საათიანი, ამიტომ უმჯობესია მათი ღამით ჩაწვეთება.

აღნიშნული კლასის პრეპარატები ძალიაეფექტიანია და სწრაფი მოქმედება აქვს, თუმცა გვერდითი ეფექტებიც აღენიშნება. არ შეიძლება მათი მუდმივი ხმარება – მაქსიმალური ვადა ერთი კვირაა, უმეტეს შემთხვევაში სამი დღე.

სისხლძარღვთა შემავიწროებელი პრეპარატები ძლიერ დამოკიდებულებას იწვევს. დროთა განმავლობაში სისხლძარღვები ეჩვევა‑ ამ საშუალებებს და აღარ რეაგირებს მათზე. სისხლძარღვების განლეული კედლები ადვილად ტრავმატული და სისხლმდენი ხდება. პრეპარატის მოქმედების გარეშე სისხლძარღვები კარგავეშევიწროების უნარს, ლორწოვანი შრება და სურდო გადადის ძნელად განსაკურნებელ ქრონიკულ ფორმაში.

ამდენად, სისხლძარღვთა შემავიწროებელი საშუალებები სიფრთხილით მხოლოდ აუცილებლობის დროს უნდა გამოვიყენოთ, მაშინ, როდესაც სურდო არ გვაძლევს ძილისა და ლაპარაკის საშუალებას.

ეს პრეპარატები უკუნაჩვენებია ორსულობისას, რადგაშეიძლება უარყოფითად იმოქმედოს ნაყოფის განვითარებაზე. სიფრთხილით ინიშნება ბავშვთა ასაკშიც, უკუნაჩვენებია გულ-სისხლძარღვთა სისტემით, ჰიპერტონიით დაავადებულთათვის.

– დამატენიანებელ საშუალებებზე რას გვეტყოდით?

– სურდოს დროს ლორწოვანი გარსი მნიშვნელოვნად შრება, რომლის შემსუბუქებაში გვეხმარება დამატენიანებელი საშუალებები. ჩვეულებრივ, მათ მარილების საფუძველზე ამზადებენ. გარდა დატენიანებისა, მარილიანი ხსნარები იწოვეშეშუპებულ ქსოვილებში არსებულ ბაქტერიებსა და სითხეს. მარილიანი ხსნარები უსაფრთხოა და შეიძლება როგორც ორსულებისთვის, ისე ახალშობილებისთვის.

– ალერგიული რინიტის სამკურნალო წვეთებზე რას იტყოდით?

– ამ პრეპარატებს მხოლოდ ალერგიული, არაინფექციური სურდოს დროს ნიშნავენ.

– როდის და რა ინტენსივობით გამოიყენება ანტიბაქტერიული საშუალებები?

– სურდოს ხშირად სხვადასხვა ბაქტერია იწვევს. თუ სხვა საშუალებები მხოლოდ დაავადების სიმპტომებს ხსნის, ანტიბაქტერიული წვეთები და სპრეი დაავადების მიზეზებზე ზემოქმედებს. ანტიბაქტერიული საშუალებების კომპონენტები შეიძლება იყოს ანტისეპტიკები აანტიბიოტიკები. ანტისეპტიკების გამოყენებისას მნიშვნელოვანია, არ გაღიზიანდეს ცხვირის გასავალის ლორწოვანი გარსი.

ანტიბიოტიკები უნდა შეირჩეს ბაქტერიების გარკვეულ ტიპზე მოქმედი აუნივერსალური და არ უნდა ჰქონდეს გვერდითი მოვლენები.

ცხვირის ანტივირუსული წვეთები გამოიყენება იმ შემთხვევაში, როდესაც ანთება ვირუსული ინფექციითაა გამოწვეული. როგორც წესი, ისინი შეიცავს ინტერფერონს.

ლორწოს გამათხელებელი პრეპარატები იხმარება ცხვირის გასავალში დიდი რაოდენობით სქელი ლორწოს დროს. ამ ტიპის პრეპარატებში გამოიყენება მუკოლიზური ნივთიერებები.

– ჰორმონული პრეპარატები ახსენეთ, როდის გამოიყენება ისინი?

– ეს საშუალებები შეიცავს ძლიერმოქმედ ანთების საწინააღმდეგო პრეპარატებს და უმთავრესად ალერგიული მიზეზებით გამოწვეული სურდოსა და სხვა წამლების უეფექტობის დროს იხმარება. მათი მოქმედება 3-4 საათში იწყება და გრძელდება ხანგრძლივად. თუმცა აქვს გვერდითი ეფექტებიც – ადგილობრივი იმუნიტეტის დაქვეითება და თვალშიდა წნევის მომატება.

– ამ მრავალფეროვანი პრეპარატებიდარომელი ავირჩიოთ?

– სურდო სერიოზული მდგომარეობაა, რომელმაც შეიძლება გამოიწვიოს გართულებები – ოტიტი ასინუსიტი. ამიტომ სურდოს მკურნალობას სერიოზულად უნდა მოვეკიდოთ. პრეპარატი უნდა შეირჩეს დაავადების გამომწვევის მიხედვით. ბევრი ადამიანი ძვირად ღირებული საშუალებების რეკლამით ხელმძღვანელობს, ამის გამო დაავადების მკურნალობა ჭიანურდება და ვითარდება გართულებები. ამიტომ მნიშვნელოვანია ყველა ნიუანსის გათვალისწინება და დაუშვებელია თვითმკურნალობა.

– ბავშვებისთვის როგორ შევარჩიოთ ცხვირის წვეთები?

– უმთავრესია, რომ დამატენიანებელი წვეთები ზღვის მარილებს შეიცავდეს. არსებობს ასევე ბავშვებისთვის დასაშვები სისხლძარღვების შემავიწროებელი, სურდოს სამკურნალო საშუალებები, ისინი ყოველ კონკრეტულ შემთხვევაში ექიმმა ინდივიდუალურად უნდა შეურჩიოს პაციენტს.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
მხედველობის ჯანმრთელობისთვის -60 აბი
ფასი: 39.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
მსგავსი სიახლეები
როცა სურდო შეგაწუხებთ

გაციება, როგორც წესი, სურდოთი იწყება: ცხვირიდან გამონადენი, ცრემლდენა, განუწყვეტელი ცემინება და დისკომფორტი.
05-01-2018
დიეტოლოგია
დიდი ბრიტანეთის დიეტოლოგებმა, კვლევების საფუძველზე, განაცხადეს, რომ არსებობს პროდუქტების ნაკრები, რომელიც
ზოგჯერ ისე ხდება, რომ არაერთი დიეტის დაცვის მიუხედავად ადამიანები წონის დაკლებას ვერ ახერხებენ. ამას
ადამიანები, რომლებიც სწრაფად ჭამენ, უფრო მეტს იწონიან მათთან შედარებით, ვინც უპირატესობას ნელა მირთმევას
კატეგორიის სხვა სტატიები
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
ზამთრის მოახლოება და ყელის ტკივილი ერთმანეთთან მჭიდროდ დაკავშირებული ცნებებია.
ზოგადად ადამიანს 20-დან 20 000 ჰერცამდე სიხშირის ბგერის აღქმა შეუძლია, თუმცა სმენის უნარი ასაკთან ერთად თანდათანობით ქვეითდება.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
მწეველებს რომ სმენის პრობლემები აწუხებთ, დიდი ხანია დადგენილია, თუმცა, ამჯერად სპეციალისტებს
საულიუს ვაიტკუსი "ლიტვის სამედიცინო მეცნიერებათა უნივერსიტეტის" (Lithuanian University of Health Sciences) პროფესორი და ამავე უნივერსიტეტის ოტო-რინო-ლარინგოლოგიის დეპარტამენტის სარეზიდენტო პროგრამების ხელმძღვანელია. პროფესიული გამოცდილება გერმანიაში, აშშ-სა და ლიტვაში აქვს მიღებული. 22 წლის წინ, ლიტვაში სწორედ მისი ხელმძღვანელობით დაინერგა ენდონაზალური ქირურგია, რამაც საგრძნობლად გააუმჯობესა ყელ-ყურ-ცხვირის ქირურგიის შედეგები.

პროფესორი ვაიტკუსი თანამედროვე მეთოდებითა და უახლესი ტექნოლოგიების გამოყენებით (ლაზერით, შეივერით) მუშაობს. ქირურგიულ ჩარევებს ყველაზე ნაკლებინვაზიური მეთოდებით - ენდონაზალური და ენდოსკოპიური მიდგომით ახორციელებს, რაც გულისხმობს ყელ-ყურ-ცხვირის ქირურგიას კანის გარეგანი კვეთის გარეშე. ენდონაზალური მიდგომის დროს ხდება სპეციალური ოპტიკური ხელსაწყოების გამოყენებით კონკრეტული უბნის ვიზუალიზაცია, რაც ტრადიციულ მეთოდებთან შედარებით უფრო ეფექტური და ნაკლებტრავმულია. შედეგად, პაციენტისთვის რეაბილიტაციის პერიოდი საგრძნობლად მარტივდება.

საულიუს ვაიტკუსი უკვე რამდენიმე თვეა "ნიუ ჰოსპიტალსში" უწევს პაციენტებს კონსულტაციას და ატარებს ყელ-ყურ-ცხვირის ქირურგიულ ოპერაციებს ბავშვებსა და მოზრდილებში. "ნიუ ჰოსპიტალსში" არსებული ულტრათანამედროვე აპარატურის დახმარებით, საულიუს ვაიტკუსი მკურნალობს ყელ-ყურ-ცხვირის სხვადასხვა სიმძიმის დაავადებებს და მუშაობს ნებისმიერი სირთულის პაციენტთან, მათ შორის ონკოლოგიური და ქრონიკული დაავადებების მქონე პაციენტებთან.

დაუსვი კითხვა პროფესორ საულიუს ვაიტკუსს



კითხვები, რომლებსაც საულიუს ვიატკუსმა უკვე უპასუხა:


- გამარჯობათ. ვარ 30 წლის. ტონზილეტქომიიდან 3თვეში, დამეწყო პერიოდულად ყურების დაგუბება და შუილი ყურებში, შეიძლება დილით დამიგუბდეს და მერე თავისით მეხსნება (წნევა ნორმაში მაქვს). რას მირჩევთ? (მაქვს ავტოიმუნური თირეოდიტი კვანძოვანი ჩანართით) მადლობთ.

ჩემი 4 წლის ბავშვი ხშირად იტკიებს ყურს. ექიმთან მყავდა და გასინჯვით არაფერი აქვს. რისი ბრალი შეიძლება იყოს და რა გამოკვლევა უნდა ჩავუტარო?

წლების მანძილზე სხვადასხვა ცხვირის წვეთებს ვიყენებ ძილის წინ რადგან დაწოლის დროს მეფარება ნესტო და მგონია დავიგუდები, არადა ყველა მეუბნება რომ საკმარისი ჰაერი შედის, ამის გამო სიმშრალე მაქვს ცხვირის, პოლიპები ყველანაირი ამოჭრილი მაქვს. გთხოვთ მომცეთ რეკომენდაცია პრობლემის მოგვარების.მადლობა


გამარჯობა, ვარ ალერგიული სეზონურად, ძირითადად გაზაფხულში:აპრილი-მაისი, თუმცა მთელი წლის განმავლობაში მაწუხებს გაჭედილობა ცხვირში, მეგონა რომ ძგიდე მქონდა გაღუნული ან საოპერაციო , თუმცა ექიმებმა ეგ პრობლემები გამორიცხეს... რაიმე ცხვირის წამალს(წვეთებს, სპრეის) ხომ ვერ მეტყოდით ან ზღვის წყლით წვეთებს, რომელიც ჰორმონალური არაა, დამოკიდებულებას არ იწვევს და მიშველის ამ პრობლემაზე?

გამარჯობა. 29 წლის ვარ და გლანდები მაქვს საოპერაციო. ამ ასაკში რამე გართულებებთან ხომ არ არის ოპერაცია დაკავშირებული და რა პერიოდში ჯობია ოპერაციის გაკეთება?









 



1
გინდათ, თქვენს სამზარეულოში ჭურჭელი ახალივით გამოიყურებოდეს?
არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს
გვესაუბრება ექიმ-რეანიმატოლოგი ნინო გრიშაშვილი. - ქალბატონო ნინო, რა არის მოწამვლა, რა ნიშნებით შეიძლება