რატომ ვითარდება სინუსიტები - მკურნალი.გე

რუბრიკები

ოჯახის მკურნალის ანონსი

მარტი 2019

კითხვა-პასუხი

რატომ ვითარდება სინუსიტები

რატომ ვითარდება სინუსიტები
სინუსიტი საზოგადოდ ცხვირის დანამატი წიაღის ლორწოვანის ანთებაა.
ის შესაძლოა სურდოს, გრიპის, ქუნთრუშასა თუ სხვა ინფექციური დაავადების შემდეგ გართულების სახით განვითარდეს. მწვავე სინუსიტი შეიძლება გამოიწვიოს როგორც ვირუსულმა, ისე ბაქტერიულმა ინფექციამ. არასათანადო და დაგვიანებული მკურნალობის შემთხვევაში სინუსიტი მძიმე შედეგებითაც შეიძლება გართულდეს, მაგალითად, მხედველობის ნერვის ანთებით, მენინგიტით, ოსტეომიელიტით (წიაღის არის ძვლის ჩირქოვანი ანთება) და სხვა.

რა განაპირობებს სინუსიტების განვითარებას, როგორ ვლინდება წიაღების ანთება და რა უნდა გავითვალისწინოთ მის საპროფილაქტიკოდ, ამ საინტერესო საკითხებზე კომენტარი ვთხოვეთ აკადემიკოს ნ. ყიფშიძის სახელობის ცენტრალური საუნივერსიტეტო კლინიკის (რესპუბლიკური საავადმყოფოს)
ოტორინოლარინგოლოგსა და პლასტიკურ ქირურგს, მედიცინის მეცნიერებათა დოქტორს – ქეთევან ჯაფარიძეს:

– ქალბატონო ქეთევან, რა იწვევს სინუსიტებს?

– სინუსიტებს, ანუ ცხვირის დანამატი წიაღების ანთებას, უმთავრესად იწვევს ცხვირიდან სუნთქვის შეფერხება, თუმცა არსებობს ოდონტოგენური ანუ კბილისმიერი სინუსიტიც, გამოწვეული კბილების პათოლოგიით. ასეთი ანთება ძირითადად ვითარდება ზედა ყბის, ანუ ჰაიმორის
წიაღში.

ცხვირიდან სუნთქვის დარღვევით გამოწვეული სინუსიტების დროს ანთების მიზეზი მუკოცილიარული ტრანსპორტის დარღვევაა. მკითხველისათვის გასაგები ენით რომ განვმარტოთ – მუკოცილიარული ტრანსპორტი არის ცხვირისა და მისი დანამატი წიაღების თვითგაწმენდის მექანიზმი. ადამიანი დღე-ღამის განმავლობაში საშუალოდ ჩაისუნთქავს 15-25 ათას ლიტრ ჰაერს, რომლის გაწმენდა და გათბობა ზედა სასუნთქ გზებში ხდება. ცხვირის ღრუ პირველი ხვდება გარემოდან შემოსულ პათოგენურ მიკრობებს, სწორედ აქ ვითარდება უხშირესად ანთებითი პროცესები – ადგილობრივი იმუნიტეტის ლოკალური "ბრძოლა" პათოგენურ ფლორასთან. ამ ტრანსპორტის უწყვეტად მოძრაობას განაპირობებს ჰაერის ნაკადი. როდესაც ნაკადი რაღაც მიზეზების გამო ფერხდება, ჩერდება ცხვირისა და სინუსების მუკოცილიარული ტრანსპორტი, ირღვევა წიაღების სავალების ნორმალური ფუნქციობა, ხოლო თუ ეს პროცესი გაგრძელდა, წიაღებში არსებული უარყოფითი წნევის გამო იწყება იმ პროცესების კასკადი, რომლებიც ღრუებში ანთებითი ცვლილებების ჩამოყალიბებას განაპირობებს. წიაღებში გამუდმებით გამოიყოფა სეკრეტი, რომელიც სავალების დახშობის გამო ვერ აღწევს გარეთ, გროვდება და ერთგვარ "ბულიონს" ქმნის მიკრობების გამრავლებისთვის.

ცხვირიდან სუნთქვის შეფერხების დროს ხშირად ვითარდება პანსინუსიტი, ანუ რამდენიმე წიაღში ერთდროულად მიმდინარეობს ანთება. ყველაზე ხშირად გვხვდება ეთმოიდიტი (ცხავის ძვლის ლაბირინთის ანთება), შემდეგ ჰაიმორიტი (ზედა ყბის წიაღის ანთება), ფრონტიტი (შუბლის წიაღის ანთება) და ყველაზე იშვიათია სფენოიდიტი (სოლისებრი ძვლის წიაღის ანთება).

– რომელი სიმპტომებისას უნდა ვიეჭვოთ წიაღების ანთება? უხშირესად რას უჩივიან პაციენტები?

– ყველაზე მეტად აწუხებთ ცხვირიდან უხვი გამონადენი და ტკივილი წიაღების პროექციაზე. ხშირად სინუსიტი თავის ტკივილით გამოიხატება და სავალების დახშობის გამო გამონადენიც არ აღენიშნებათ ხოლმე, ასეთ დროს სინუსიტის დასადგენი ყველაზე მარტივი ხერხია თავის სწრაფად დახრა, ამ დროს ტკივილი წიაღების არეში მკვეთრად იმატებს.

– როგორ დგინდება სინუსიტები?

– ზოგადი ანამნეზით, შემდგომ რენტგენოლოგიური და კომპიუტერულ-ტომოგრაფიული კვლევით.

– პაციენტები ხშირად თვითმკურნალობას მიმართავენ, იტარებენ სხვადასხვა პროცედურას, იღებენ ამა თუ იმ მედიკამენტს. რა არის მიუღებელი, თუნდაც დაუშვებელი ასეთ დროს და რატომ?

– საზოგადოდ, პაციენტებს ახასიათებთ მეგობრის რჩევების გათვალისწინება, მათი რეკომენდაციით ამა თუ იმ წამლის მიღება, ან კიდევ ადრე ჩატარებული მკურნალობის განმეორება. ზოგ შემთხვევაში ასეთი სახის თვითმკურნალობა ამართლებს, მაგრამ თუ რთული ანთებაა, არასწორმა მკურნალობამ შეიძლება ისეთი გართულებები გამოიწვიოს, რომელთა მკურნალობაც შემდგომ უფრო ძნელდება. შესაძლოა პაციენტი ბოლომდე ვერ განიკურნოს და სამუდამოდ დაავადდეს ქრონიკული სინუსიტით.

დაუშვებელია ანტიბიოტიკების თვითნებური მიღება, თვითნებური გამორეცხვა, რომლის დროსაც, განკურნების ნაცვლად, შესაძლოა ინფიცირება სხვა წიაღებსა და ყურშიც შევიტანოთ. ნებისმიერ შემთხვევაში უმჯობესია სპეციალისტის დახმარება.

– მედიკამენტური მკურნალობის გარდა, როგორ მკურნალობენ სინუსიტებს, რას გვეტყვით ინჰალაციებზე, ფიზიოთერაპიულ პროცედურებზე, სხვა არამედიკამენტურ საშუალებებსა თუ მეთოდებზე? რომელია ეფექტური და მიზანშეწონილი?

– გააჩნია ანთების სიმძიმეს, რთულ შემთხვევაში აუცილებელია ანტიბიოტიკოთერაპია. თუ წიაღში ჩირქია და მისი ევაკუაცია ვერ ხერხდება, ინიშნება ცხვირის ლორწოვანის შეშუპების საწინააღმდეგო და ასევე სამკურნალო წვეთები. სავალებს კარგად ხსნის ინჰალაციებიც. ეს პროცედურა ათხიერებს გამონადენს და აადვილებს მის ევაკუაციას. ადრე ხშირად მიმართავდნენ ჰაიმორის წიაღის პუნქციას, ანუ ცხვირის ღრუდან მექანიკურად ხვრეტდნენ წიაღის კედელს, გამოჰქონდათ მისი შიგთავსი და გამორეცხავდნენ. ბოლო დროს ისე დაიხვეწა მედიკამენტები, რომ პუნქციას ძალზე იშვიათად აკეთებენ.

– რას ურჩევთ მკითხველს სინუსიტების საპროფილაქტიკოდ?

– უპირველესად, აუცილებელია ჯანსაღი ცხოვრების წესის დაცვა. ზედა სასუნთქი გზებისა და მთელი ორგანიზმისათვის პირველი მტერი თამბაქოა. ის აზიანებს ლორწოვანს, რომელიც უმნიშვნელოვანესია პათოგენური მიკრობებისგან ორგანიზმის დასაცავად. ლორწოვანზე დამაზიანებლად მოქმედებს ქალაქის დაბინძურებული ჰაერი, ასევე გათბობისა თუ კონდიცირების გამო გამომშრალი ჰაერი. ამიტომ თუ მტვრიან ან "დავირუსებულ" გარემოში მოხვდით, კარგი იქნება ძილის წინ ფიზიოლოგიური ხსნარით ცხვირის ღრუს გამორეცხვა (ჯანმრთელთათვის ასეთი პროცედურის სახლში ჩატარება უსაფრთხოა, უკვე არსებული გამონადენის დროს კი სასურველია ექიმთან კონსულტაცია). ბინაში აუცილებელია ჰაერის დატენიანება. ამისთვის გამათბობელთან ან კონდიციონერის ოთახში საკმარისია წყლით სავსე ქილის მოთავსება. შეიძლება ჰაერის სპეციალური დამატენიანებლის შეძენაც.

ცხვირიდან ჩირქოვანი გამონადენის დროს დროულად მიმართეთ ექიმს!
გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ჯანმრთელობისთვის -60 აბი
ფასი: 39.9
ღვიძლის დაცვა -60 აბი
ფასი: 42.9
გლუკოზის მეტაბოლიზმის ხელშეწყისთვის-60 აბი
ფასი: 25.2
ზოგადი ჯანმრთელობის შენარჩუნებისთვის-30აბი
ფასი: 39.9
დიეტოლოგია
დიდი ბრიტანეთის დიეტოლოგებმა, კვლევების საფუძველზე, განაცხადეს, რომ არსებობს პროდუქტების ნაკრები, რომელიც
ზოგჯერ ისე ხდება, რომ არაერთი დიეტის დაცვის მიუხედავად ადამიანები წონის დაკლებას ვერ ახერხებენ. ამას
ადამიანები, რომლებიც სწრაფად ჭამენ, უფრო მეტს იწონიან მათთან შედარებით, ვინც უპირატესობას ნელა მირთმევას
კატეგორიის სხვა სტატიები
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
ზამთრის მოახლოება და ყელის ტკივილი ერთმანეთთან მჭიდროდ დაკავშირებული ცნებებია.
ზოგადად ადამიანს 20-დან 20 000 ჰერცამდე სიხშირის ბგერის აღქმა შეუძლია, თუმცა სმენის უნარი ასაკთან ერთად თანდათანობით ქვეითდება.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
მწეველებს რომ სმენის პრობლემები აწუხებთ, დიდი ხანია დადგენილია, თუმცა, ამჯერად სპეციალისტებს
საულიუს ვაიტკუსი "ლიტვის სამედიცინო მეცნიერებათა უნივერსიტეტის" (Lithuanian University of Health Sciences) პროფესორი და ამავე უნივერსიტეტის ოტო-რინო-ლარინგოლოგიის დეპარტამენტის სარეზიდენტო პროგრამების ხელმძღვანელია. პროფესიული გამოცდილება გერმანიაში, აშშ-სა და ლიტვაში აქვს მიღებული. 22 წლის წინ, ლიტვაში სწორედ მისი ხელმძღვანელობით დაინერგა ენდონაზალური ქირურგია, რამაც საგრძნობლად გააუმჯობესა ყელ-ყურ-ცხვირის ქირურგიის შედეგები.

პროფესორი ვაიტკუსი თანამედროვე მეთოდებითა და უახლესი ტექნოლოგიების გამოყენებით (ლაზერით, შეივერით) მუშაობს. ქირურგიულ ჩარევებს ყველაზე ნაკლებინვაზიური მეთოდებით - ენდონაზალური და ენდოსკოპიური მიდგომით ახორციელებს, რაც გულისხმობს ყელ-ყურ-ცხვირის ქირურგიას კანის გარეგანი კვეთის გარეშე. ენდონაზალური მიდგომის დროს ხდება სპეციალური ოპტიკური ხელსაწყოების გამოყენებით კონკრეტული უბნის ვიზუალიზაცია, რაც ტრადიციულ მეთოდებთან შედარებით უფრო ეფექტური და ნაკლებტრავმულია. შედეგად, პაციენტისთვის რეაბილიტაციის პერიოდი საგრძნობლად მარტივდება.

საულიუს ვაიტკუსი უკვე რამდენიმე თვეა "ნიუ ჰოსპიტალსში" უწევს პაციენტებს კონსულტაციას და ატარებს ყელ-ყურ-ცხვირის ქირურგიულ ოპერაციებს ბავშვებსა და მოზრდილებში. "ნიუ ჰოსპიტალსში" არსებული ულტრათანამედროვე აპარატურის დახმარებით, საულიუს ვაიტკუსი მკურნალობს ყელ-ყურ-ცხვირის სხვადასხვა სიმძიმის დაავადებებს და მუშაობს ნებისმიერი სირთულის პაციენტთან, მათ შორის ონკოლოგიური და ქრონიკული დაავადებების მქონე პაციენტებთან.

დაუსვი კითხვა პროფესორ საულიუს ვაიტკუსს



კითხვები, რომლებსაც საულიუს ვიატკუსმა უკვე უპასუხა:


- გამარჯობათ. ვარ 30 წლის. ტონზილეტქომიიდან 3თვეში, დამეწყო პერიოდულად ყურების დაგუბება და შუილი ყურებში, შეიძლება დილით დამიგუბდეს და მერე თავისით მეხსნება (წნევა ნორმაში მაქვს). რას მირჩევთ? (მაქვს ავტოიმუნური თირეოდიტი კვანძოვანი ჩანართით) მადლობთ.

ჩემი 4 წლის ბავშვი ხშირად იტკიებს ყურს. ექიმთან მყავდა და გასინჯვით არაფერი აქვს. რისი ბრალი შეიძლება იყოს და რა გამოკვლევა უნდა ჩავუტარო?

წლების მანძილზე სხვადასხვა ცხვირის წვეთებს ვიყენებ ძილის წინ რადგან დაწოლის დროს მეფარება ნესტო და მგონია დავიგუდები, არადა ყველა მეუბნება რომ საკმარისი ჰაერი შედის, ამის გამო სიმშრალე მაქვს ცხვირის, პოლიპები ყველანაირი ამოჭრილი მაქვს. გთხოვთ მომცეთ რეკომენდაცია პრობლემის მოგვარების.მადლობა


გამარჯობა, ვარ ალერგიული სეზონურად, ძირითადად გაზაფხულში:აპრილი-მაისი, თუმცა მთელი წლის განმავლობაში მაწუხებს გაჭედილობა ცხვირში, მეგონა რომ ძგიდე მქონდა გაღუნული ან საოპერაციო , თუმცა ექიმებმა ეგ პრობლემები გამორიცხეს... რაიმე ცხვირის წამალს(წვეთებს, სპრეის) ხომ ვერ მეტყოდით ან ზღვის წყლით წვეთებს, რომელიც ჰორმონალური არაა, დამოკიდებულებას არ იწვევს და მიშველის ამ პრობლემაზე?

გამარჯობა. 29 წლის ვარ და გლანდები მაქვს საოპერაციო. ამ ასაკში რამე გართულებებთან ხომ არ არის ოპერაცია დაკავშირებული და რა პერიოდში ჯობია ოპერაციის გაკეთება?









 



1
გინდათ, თქვენს სამზარეულოში ჭურჭელი ახალივით გამოიყურებოდეს?
არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს
გვესაუბრება ექიმ-რეანიმატოლოგი ნინო გრიშაშვილი. - ქალბატონო ნინო, რა არის მოწამვლა, რა ნიშნებით შეიძლება