გერმანიაში ყივანახველით დაავადების შემთხვევათა რიცხვი გაიზარდა
ყივანახველით დაავადების შემთხვევათა რიცხვი გაიზარდა. ეს განსაკუთრებით აქტუალურია მცირეწლოვანი ბავშვიანი ოჯახებისთვის და მათთვის, ვინც ბავშვს ელოდება. ყივანახველა პირველ რიგში ბავშვებისთვისაა საშიში.
ბავარიის ჯანდაცვისა და სურსათის უვნებლობის სამინისტროს (BOHFS) 2018 წლის 13 იანვრის ინფორმაციით, გერმანიის ჩრდილო-დასავლეთის მიწებზე ყივანახველას დაავადების რიცხვის ზრდის გამო, 2017 წელს სამხრეთ მიწებზე, კერძოდ კი, ბავარიაში ფიქსირდება ამ ინფექციით, შემოდგომა-ზამთრის პერიოდში, ავადობის ზრდა. ამის მიზეზი დაავადების საწინააღმდეგო ვაქცინაციაზე ბავარიის მოსახლეობის მასობრივად უარის თქმაა. შედეგად ავადობის რიცხვი 29%-ით გაიზარდა.
ყივანახველა მწვავე ინფექციური დაავადებაა, რომელიც უფრო ხშირად, ბავშვთა ასაკში ვითარდება და ვლინდება ხანგრძლივი სპაზმური ხველით, სასუნთქი, გულ-სისხლძარღვთა და ნერვული სისტემის დაზიანებით. დაავადება გადაეცემა ჰაერ-წვეთოვანი გზით, ხოლო ინფექციის წყაროს წარმოადგენს დაავადებული ადამიანი.
ლალი ჩხიკვაძე