მბგერავი ნაოჭების პათოლოგია - მკურნალი.გე
რუბრიკები
ოჯახის მკურნალის ანონსი
აგვისტო 2018
კითხვა-პასუხი
მბგერავი ნაოჭების პათოლოგია
მბგერავი ნაოჭების პათოლოგია
ხმის ფუნქციურ მოშლას ფონასთენია ეწოდება. ის შესაძლოა ხმის ჩახლეჩის (დისფონია) ან ხმის დაკარგვის (აფონია) სახით გამოვლინდეს. ფონასთენია პროფესიული დაავადებაა. ის ძირითადად მომღერლებს, პედაგოგებს, მსახიობებს და სხვა ისეთი პროფესიის ადამიანებს აღენიშნება, რომელთაც სამეტყველო აპარატის გადაძაბვა უწევთ. ხმის ფუნქცია, საზოგადოდ, სახმო აპარატის ჯანმრთელობაზეა დამოკიდებული.


სახმო აპარატს ქმნის ლორწოვანის მბგერავი ნაოჭები, რომლებიც ხორხის ღრუს ქვედა ნაწილის დასაწყის, შევიწროებულ ნაწილს მოსაზღვრავს. მბგერავი ნაოჭების სისქეში მბგერავი იოგი და კუნთია მოქცეული. მბგერავი ნაოჭები იმეორებს ხორხის კარიბჭის ნაოჭების მიმართულებას, თითქმის მათ პარალელურად განლაგდება (პასიური მდგომარეობის პირობებში) და
თავის მხრივ, მოსაზღვრავს ცვალებადი ფორმისა და ზომის ნაპრალს - ყიას. ამ უკანასკნელს წამყვანი მნიშვნელობა აქვს განსხვავებული ბგერების წარმოქმნაში და რეგულირდება კუნთების საშუალებით ციცხვისებრი ხრტილის საყრდენი ღერძის ირგვლივ გადაადგილებით. საჭიროების მიხედვით იცვლება მბგერავი ნაოჭების დაჭიმულობა და ყიის ზომა.


რა იწვევს მბგერავი ნაოჭების პათოლოგიას


მბგერავი ნაოჭების პათოლოგიას
(უხშირესად გამკვირებასა და კვანძების განვითარებას) ძირითადად მათი გადაძაბვა იწვევს. კვანძები, ჩვეულებრივ, კეთილთვისებიანი ქსოვილოვანი წარმონაქმნებია. მუდმივი გადაძაბვის ფონზე თავდაპირველად მბგერავ ნაოჭებზე ერთგვარი გამკვრივებები ვითარდება, დროთა განმავლობაში ისინი მყარდება და კოჟრებს ემსგავსება. თუ მბგერავ ნაოჭებზე დატვირთვა არ წყდება, კვანძები უფრო და უფრო დიდდება. მბგერავ ნაოჭებზე კვანძები შესაძლოა ფარისებრი ჯირკვლის ფუნქციის დაქვეითების ფონზეც განვითარდეს და უფრო მეტად 20-50 წლის ქალბატონებში გამოვლინდეს. პათოლოგიური ცვლილებები ხშირია მწეველებთანაც. ბავშვებთან კვანძოვანი პათოლოგიის მთავარი მიზეზი ზემო სასუნთქი გზების ხშირი ანთებითი პროცესები და განმეორებითი ლარინგიტია (ხორხის ანთება). კვანძების ფორმირებას ხელს უწყობს აგრეთვე სისხლისა და ლიმფის არასწორი მიმოქცევა, საზოგადოდ, ტროფიკის (კვების) დარღვევა.


როგორ ავლენს თავს მბგერავ ნაოჭებზე განვითარებული კვანძები


კვანძები აფერხებს მბგერავი ნაოჭების სრულფასოვან ვიბრაციას, რაც ხმის ფუნქციაზე მნიშვნელოვნად აისახება. ძირითადი სიმპტომი ამ დროს დისფონია ანუ ხმის ჩახლეჩაა. დასვენების შემდეგ ხმა ზოგჯერ აღდგება, ტკივილი ხშირ შემთხვევაში არ არის გამოხატული. ძლიერი დაძაბვა ნაოჭების შეშუპებას იწვევს. კვანძები, ჩვეულებრივ, ნაოჭებზე სიმეტრიულად განლაგდება, ანუ წყვილს წარმოქმნის. სწორედ ამით განსხვავდება ისინი პოლიპების, კისტებისა და სიმსივნური წარმონაქმნებისაგან. კვანძების დიაგნოსტიკა ლარინგოსკოპიით ხდება. თავდაპირველად კვანძები წითელი ფერისაა და მბგერავი ნაოჭებისაგან დიდად არ განსხვავდება, მოგვიანებით სულ უფრო მეტად გამკვრივების გამო თეთრი ხდება. შორსწასულ შემთხვევებში მბგერავი ნაოჭები სერიოზულ ანთებას განიცდის და პათოლოგია ქრონიკულ ხასიათს იძენს. დილაობით ხმის ფუნქციაზე ეს არ აისახება, შუადღისთვის კი უკვე შესამჩნევი ხდება ხმის ჩახლეჩის (დისფონიის) გამო.

ასეთ დროს დიდი ყურადღება ექცევა ხმის რეჟიმს. განსაკუთრებით სასარგებლოა ხანგრძლივად დუმილი მბგერავ ნაოჭებზე ყოველგვარი დატვირთვის მოსახსნელად, აუცილებელია ხმადაბლა (ჩურჩულით) საუბრისა და ურთიერთობათა შეზღუდვა სახმო აპარატის დაძაბვის ასარიდებლად.


პოლიპი მბგერავ ნაოჭებზე

პოლიპი მკვეთრად შემოსაზღვრული მცირე ზომის წარმონაქმნია, რომელიც უმთავრესად მბგერავი ნაოჭის ცენტრალურ ნაწილში ლოკალიზდება (მას ტიპური განლაგება აქვს). ზოგიერთ მკვლევარს მიაჩნია, რომ პოლიპის განვითარების მიზეზი მბგერავი ნაოჭის გასკდომისას (რასაც გადაძაბვა იწვევს) მასში მცირე ზომის შემოფარგლული სისხლჩაქცევაა. ორგანიზმის სხვა უბნებში განვითარებული პოლიპებისაგან განსხვავებით, მბგერავი ნაოჭების პოლიპები ავთვისებიანად პრაქტიკულად არ გადაგვარდება. პოლიპს ხშირად წვრილი ფეხი აქვს, რომლითაც მბგერავ ნაოჭს ემაგრება და მისი ვიბრაციისას მოძრაობს. ეს, თავის მხრივ, საუბრისას ხმის წყვეტილობას განაპირობებს. ხმის ფუნქციის შეცვლას - ფონასთენიას ხშირად თან ახლავს ხახაში უცხო სხეულის შეგრძნებაც. ეს უკანასკნელი დიდ დისკომფორტს უქმნის ადამიანს.

როგორც უკვე აღვნიშნეთ, პოლიპი მიმდებარე ქსოვილებისაგან მკვეთრად შემოფარგლული, მკვეთრი კიდეების მქონე პათოლოგიური წარმონაქმნია. მას წითელი ან მოწითალო ფერი აქვს. ის შესაძლოა წვრილ ფეხზე ან მსხვილ საფუძველზე იყოს განთავსებული. პოლიპებს ხშირად გლუვი და სადა ზედაპირი აქვთ, ზოგჯერ კი წილოვანი შენება. ზომებით განსხვავებულია. გვხვდება როგორც ერთეული სახით, ასევე წყვილად განთავსებული ორივე მბგერავ ნაოჭზე. მბგერავ ნაოჭებზე პოლიპების განვითარება, ჩვეულებრივ, ნელ-ნელა, ხანგრძლივი დროის განმავლობაში ხდება. კვანძების მსგავსად მათი დიაგნოსტიკაც ლარინგოსკოპიით წარმოებს.


მკურნალობა

მბგერავი ნაოჭების პათოლოგიების (კვანძები, პოლიპები) დროს თანმხლები ანთებისა და შეშუპების ჩასაცხრობად ინიშნება ანთების საწინააღმდეგო სხვადასხვა საშუალება, მათ შორის სტეროიდული პრეპარატები (ხშირად ინჰალაციის სახით), დიდი ყურადღება ექცევა ხმის თერაპიას, ხმის ჰიგიენისა და რეჟიმის დაცვას.

წარმონაქმნებს აცილებენ ენდოლარინგეალური მიკროქირურგიით. კერძოდ, გამოიყენება ლაზერი ან კრიოქირურგიული (მოყინვის) მეთოდი.
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
ამ კატეგორიის სხვა სტატიები
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
მწეველებს რომ სმენის პრობლემები აწუხებთ, დიდი ხანია დადგენილია, თუმცა, ამჯერად სპეციალისტებს
საულიუს ვაიტკუსი "ლიტვის სამედიცინო მეცნიერებათა უნივერსიტეტის" (Lithuanian University of Health Sciences) პროფესორი და ამავე უნივერსიტეტის ოტო-რინო-ლარინგოლოგიის დეპარტამენტის სარეზიდენტო პროგრამების ხელმძღვანელია. პროფესიული გამოცდილება გერმანიაში, აშშ-სა და ლიტვაში აქვს მიღებული. 22 წლის წინ, ლიტვაში სწორედ მისი ხელმძღვანელობით დაინერგა ენდონაზალური ქირურგია, რამაც საგრძნობლად გააუმჯობესა ყელ-ყურ-ცხვირის ქირურგიის შედეგები.

პროფესორი ვაიტკუსი თანამედროვე მეთოდებითა და უახლესი ტექნოლოგიების გამოყენებით (ლაზერით, შეივერით) მუშაობს. ქირურგიულ ჩარევებს ყველაზე ნაკლებინვაზიური მეთოდებით - ენდონაზალური და ენდოსკოპიური მიდგომით ახორციელებს, რაც გულისხმობს ყელ-ყურ-ცხვირის ქირურგიას კანის გარეგანი კვეთის გარეშე. ენდონაზალური მიდგომის დროს ხდება სპეციალური ოპტიკური ხელსაწყოების გამოყენებით კონკრეტული უბნის ვიზუალიზაცია, რაც ტრადიციულ მეთოდებთან შედარებით უფრო ეფექტური და ნაკლებტრავმულია. შედეგად, პაციენტისთვის რეაბილიტაციის პერიოდი საგრძნობლად მარტივდება.

საულიუს ვაიტკუსი უკვე რამდენიმე თვეა "ნიუ ჰოსპიტალსში" უწევს პაციენტებს კონსულტაციას და ატარებს ყელ-ყურ-ცხვირის ქირურგიულ ოპერაციებს ბავშვებსა და მოზრდილებში. "ნიუ ჰოსპიტალსში" არსებული ულტრათანამედროვე აპარატურის დახმარებით, საულიუს ვაიტკუსი მკურნალობს ყელ-ყურ-ცხვირის სხვადასხვა სიმძიმის დაავადებებს და მუშაობს ნებისმიერი სირთულის პაციენტთან, მათ შორის ონკოლოგიური და ქრონიკული დაავადებების მქონე პაციენტებთან.

დაუსვი კითხვა პროფესორ საულიუს ვაიტკუსს



კითხვები, რომლებსაც საულიუს ვიატკუსმა უკვე უპასუხა:


- გამარჯობათ. ვარ 30 წლის. ტონზილეტქომიიდან 3თვეში, დამეწყო პერიოდულად ყურების დაგუბება და შუილი ყურებში, შეიძლება დილით დამიგუბდეს და მერე თავისით მეხსნება (წნევა ნორმაში მაქვს). რას მირჩევთ? (მაქვს ავტოიმუნური თირეოდიტი კვანძოვანი ჩანართით) მადლობთ.

ჩემი 4 წლის ბავშვი ხშირად იტკიებს ყურს. ექიმთან მყავდა და გასინჯვით არაფერი აქვს. რისი ბრალი შეიძლება იყოს და რა გამოკვლევა უნდა ჩავუტარო?

წლების მანძილზე სხვადასხვა ცხვირის წვეთებს ვიყენებ ძილის წინ რადგან დაწოლის დროს მეფარება ნესტო და მგონია დავიგუდები, არადა ყველა მეუბნება რომ საკმარისი ჰაერი შედის, ამის გამო სიმშრალე მაქვს ცხვირის, პოლიპები ყველანაირი ამოჭრილი მაქვს. გთხოვთ მომცეთ რეკომენდაცია პრობლემის მოგვარების.მადლობა


გამარჯობა, ვარ ალერგიული სეზონურად, ძირითადად გაზაფხულში:აპრილი-მაისი, თუმცა მთელი წლის განმავლობაში მაწუხებს გაჭედილობა ცხვირში, მეგონა რომ ძგიდე მქონდა გაღუნული ან საოპერაციო , თუმცა ექიმებმა ეგ პრობლემები გამორიცხეს... რაიმე ცხვირის წამალს(წვეთებს, სპრეის) ხომ ვერ მეტყოდით ან ზღვის წყლით წვეთებს, რომელიც ჰორმონალური არაა, დამოკიდებულებას არ იწვევს და მიშველის ამ პრობლემაზე?

გამარჯობა. 29 წლის ვარ და გლანდები მაქვს საოპერაციო. ამ ასაკში რამე გართულებებთან ხომ არ არის ოპერაცია დაკავშირებული და რა პერიოდში ჯობია ოპერაციის გაკეთება?









 



1
გერმანიაში გამგზავრების მსურველი ქართველები ყურადღებით უნდა იყვნენ, რადგანაც გერმანიის ჩრდილო-დასავლეთ და სამხრეთ მიწებზე
ყველამ კარგად იცის, რომ ორგანიზმისათვის ფიზიოლოგიური ცხვირით სუნთქვაა და არა პირით.
ადენოიდები ცხვირ-ხახაში არსებული ლიმფოიდური ქსოვილია, რომელიც ასაკთაერთად მოცულობით მცირდება და თანდათანობით შემაერთებელი ქსოვილით ნაცვლდება.

20 აგვისტო 2018
ბავშვის იმუნიტეტის გასაძლიერებლად და დედის გინეკოლოგიური, ენდოკრინოლოგიური დაავადებების, სარძევე
20 აგვისტო 2018
ცნობილია, რომ ხილ-კენკროვნები ორგანიზმისთვის სასარგებლოა, თუმცა ეს ყოველთვის ასე არ არის. ზოგიერთი
ჯერ კიდევ ძველი ჩინელები ამბობდნენ: “ცხოველი ადამიანის მეგობარი და ნათესავია, ის განიცდის ადამიანისთვის დამახასიათებელ გრძნობებს:
მოტეხილობის, განსაკუთრებით ხერხემლის, შეხორცება ზოგჯერ ძალიან რთული ხდება. ამგვარი ტრავმისას
2018 წლის 1-ლი იანვრიდან 1-ელ აგვისტომდე პერიოდში, საქართველოს ფარმაცევტული ბაზრიდან 380 868