ყურების ჰიგიენური დამუშავება - მკურნალი.გე

რუბრიკები

ოჯახის მკურნალის ანონსი

იანვარი 2021

კითხვა-პასუხი

Notice: getimagesize(): Read error! in /var/www/mkurnali.ge/public_html/libraries/wslib/media/image.php on line 186 Warning: Division by zero in /var/www/mkurnali.ge/public_html/libraries/wslib/media/image.php on line 500 Warning: Division by zero in /var/www/mkurnali.ge/public_html/libraries/wslib/media/image.php on line 503 Warning: imagecreatetruecolor(): Invalid image dimensions in /var/www/mkurnali.ge/public_html/libraries/wslib/media/image.php on line 373
Notice: getimagesize(): Read error! in /var/www/mkurnali.ge/public_html/libraries/wslib/media/image.php on line 186 Warning: Division by zero in /var/www/mkurnali.ge/public_html/libraries/wslib/media/image.php on line 500 Warning: Division by zero in /var/www/mkurnali.ge/public_html/libraries/wslib/media/image.php on line 503 Warning: imagecreatetruecolor(): Invalid image dimensions in /var/www/mkurnali.ge/public_html/libraries/wslib/media/image.php on line 373

ყურების ჰიგიენური დამუშავება

ყურების ჰიგიენური დამუშავება

ჩვილს ყოველდღე სჭირდება ყურის, ცხვირის, პირის ღრუს, ფრჩხილების, თმის, კანის გასუფთავება. სწორად ატარებთ თუ არა ამ პროცედურებს? რა შეიძლება მოჰყვეს პროცედურების არასწორად ჩატარებას? გვესაუბრება ოტოლარინგოლოგი ლალი კიტოვანი.


- რა შეიძლება მოხდეს, თუ ყურის გაწმენდის პროცედურა არასწორად ჩავატარეთ?
- ჩვილს გარეთა სასმენი მილი ძალიან ფრთხილად უნდა გავუსუფთაოთ, რომ უნებლიეთ არ დავუზიანოთ. შუა ყურის ანთება, ოტიტი, ასიდან 60 შემთხვევაში ბავშვს პირველად წლამდე ასაკში ემართება. ის უმეტესად გადატანილ ვირუსულ ინფექციას უკავშირება, მაგრამ მისი პროვოცირება ასევე შეიძლება მოახდინოს ყურების გაწმენდის დროს მიღებულმა ტრავმამ.

ბავშვს სასმენი

ორგანოს აგებულება ისეთი აქვს, რომ ადვილად უზიანდება. ევსტაქის მილი, რომლითაც ერთმანეთს უკავშირდება ყური და ცხვირ-ხახა, უფრო მოკლე და განიერია, ვიდრე მოზრდილისა, ამიტომ ინფექცია (ჩირქი და ლორწო) ცხვირ-ხახიდან უფრო იოლად ხვდება ყურში. როდესაც ეს მილი ლორწოთია ავსებული, იცვლება ყურის წნევა და იწყება ყურის ტკივილი. ჩვილი, განსაკუთრებით
- სიცოცხლის პირველ 6 თვეს, უმეტესად წევს. ამდენად, ლორწოსთან ერთად ყურში შესაძლოა ჩაუვიდეს დედის რძე ან ნარევიც, ამიტომ სწორად შეურჩიეთ პოზა კვების დროს - თავი ყოველთვის წამოწეული უნდა ჰქონდეს, ხოლო ბოთლი დედას უნდა ეჭიროს ხელში. ნუ დატოვებთ ჩვილს მარტოს ბოთლით პირში!


- როგორ უნდა გავუწმინდოთ ჩვილს ყურები?
- ჩვილს ყოველდღე სჭირდება ყურების გაწმენდა, რათა ინფექცია არ შეეყაროს და,. საზოგადოდ, თავი უფრო კომფორტულად იგრძნოს. მას გოგირდისგან უნდა გავუსუფთაოთ მხოლოდ ყურის ნიჟარები და გარეთა სასმენი მილი. ბამბის ტამპონს უფრო ღრმად ნუ შეიტანთ - შესაძლოა, დაგროვილი გოგირდი მილში ღრმად შევიდეს ან დაფის აპკი დაზიანდეს. პროცედურა ჩაატარეთ ძალიან ფრთხილად, სპეციალური საბავშვო ყურის ტამპონებით, რომლებსაც დაასველებთ ფიზიოლოგიურ ხსნარში. ყურის ნიჟარა დასწიეთ ქვემოთ და უკან, წრიული მოძრაობებით ფრთხილად გაასუფთავეთ გარეთა სასმენი მილი გოგირდისაგან. გარეთა სასმენ მილში შესაძლოა ჩარჩეს ბამბა. მის გამოსაღებად სპეციალისტის ჩარევა იქნება საჭირო, თქვენ თვითონ ამის გაკეთებას ნუ ეცდებით - შესაძლოა, ბამბა უფრო ღრმად შეიტანოთ. ყოველდღიური ჰიგიენური დამუშავება სჭირდება ასევე კანს ყურის ნიჟარის უკან. ნიჟარა ფრთხილად გადმოკეცეთ წინ და თბილ წყალში დასველებული ბამბის ტამპონით გაასუფთავეთ ნაოჭები. ჩვილებს ყურის უკან ხშირად აქვთ კანზე ფუფხი. ამ ადგილას შეგიძლიათ შეაზილოთ საბავშვო კრემი ან ზეთი. შესაძლოა, ყურის ნიჟარის უკან, კანზე, შეამჩნიოთ წვრილი თეთრთავა გამონაყარი. ეს ადგილები დაამუშავეთ ბრილიანტის მწვანის ხსნარით. თუ პროცესი გახანგრძლივდა, უჩვენეთ ექიმს. ყურების გასუფთავება ჯობს საღამოს, დაბანის შემდეგ - კანი დარბილებულია, ბავშვისთვის პროცედურა სასიამოვნოა და ნაკლებად შემაწუხებელი. ყველაზე მთავარი კი ის არის, რომ პროცედურის დროს ესაუბროთ ჩვილს, გაუღიმოთ. იგი ამ პროცედურას თამაშად აღიქვამს და მისდამი სასიამოვნოდ განეწყობა.


- როგორ უნდა მიხვდეს დედა, რომ ჩვილის ჭირვეულობისა და ტირილის მიზეზი ყურებია?
- ჩვილის ტირილსა და ჭირვეულობას უამრავი მიზეზი შეიძლება ჰქონდეს. ამ დროს მთავარია დედის დაკვირვება და ინტუიცია. ტირილის მიზეზი ყურების ტკივილია, თუ მშიერი ჩვილი ჭამის დროს მოულოდნელად იწყებს ტირილს, ამოძრავებს თავს, ჭირვეულობს, უარს ამბობს კვებაზე. ეს ყოველივე იმაზე მიუთითებს, რომ წოვითი მოძრაობები ყურების ტკივილს, ამწვავებს. ღამით კი შესაძლოა ტემპერატურამ 38-40 გრადუსამდე მოიმატოს; ბავშვი იღვიძებს ტირილით, ვეღარ ჩერდება, შეწუხებული ატრიალებს თავს.  დიაგნოზის დასმაში დაგეხმარებათ მარტივი პროცედურა: ყურის გარეთა შესასვლელს მსუბუქად დააჭირეთ თითი. ჩვილი იგრძნობს ძლიერ ტივილს, იწყებს ტირილს - ე.ი. მას ყური სტკივა. ამ შემთხვევაში ის სასწრაფოდ აჩვენეთ ექიმ სპეციალისტს (ოტოლარინგოლოგს).


- რა უნდა გააკეთოს დედამ, სანამ ბავშვს ექიმთან მიიყვანს?
- ყურების ტკივილი პატარას უმეტესად საღამოს ეწყება. თუ ექიმთან მისი მიყვანა ვერ მოხერხდა, მშობელმა უნდა იცოდეს, როგორ შეუმსუბუქოს პაწიას ტკივილი სახლის პირობებში. ჩვილებში ვხვდებით ოტიტის ორ ფორმას: კატარულ ანთებას, როდესაც ყურიდან გამონადენი არ შეინიშნება და ჩირქოვანს, როდესაც გამონადენი არის. ამის კვალობაზე, დახმარებაც სხვადასხვანაირია. კატარული ოტიტის დროს პატარას ყურის ტკივილს დაუამებს ნებისმიერი ყურის წვეთები, წინასწარ გამთბარი, დღეში 4-ჯერ; ერთ წლამდე ასაკის ბავშვს წვეთები უმჯობესია ექიმმა დაუნიშნოს. მდგომარეობას შეუმსუბუქებს პაწიას მშრალი თბილი კომპრესი: დააფარეთ ყურზე ბამბა და დაახურეთ თბილი, მჭიდრო ქუდი. თუ სხეულის ტემპერატურა 37,5 გრადუსზე მეტი არ არის, შეგიძლიათ გამოიყენოთ სპირტწყალნარევი კომპრესი. მართკუთხედი დოლბანდის ტამპონი გაჭერით ორად, დაასველეთ სითხეში და ჩამოაცვით ყურზე, შემდეგ დააფარეთ კომპრესის ქაღალდი, ბამბა და დაახურეთ ქუდი.


- როგორ ჩავაწვეთოთ წვეთები?
- თუ ტკივილს გამონადენი ახლავს თან და ექიმმა ყურის წვეთები დაგინიშნათ, ბავშვს ყური ჯერ ბამბის მშრალი ტამპონით გამოუსუფთავეთ და ამის შემდეგ ჩააწვეთეთ სხეულის ტემპერატურამდე გამთბარი წვეთები. გასათბობად წვეთების ბოთლი ჩაუშვით თბილ წყალში. შემდეგ პატარა დააწვინეთ გვერდზე, მტკივანი ყურით ზემოთ, ცალი ხელით ყურის ნიჟარა აუწიეთ ზევით და უკან, რათა სასმენი მილი გასწორდეს და გამთბარი წვეთები ჩააწვეთეთ. შემდეგ ჩაუდეთ მშრალი ბამბა, რამდენიმე წუთი ასე გააჩერეთ და მეორე გვერდზე გადააბრუნეთ, რათა წამალი მეორე ყურშიც ჩააწვეთოთ. განურჩევლად იმისა, აქვს თუ არა ბავშვს ცხვირიდან გამონადენი, აუცილებელია, ცხვირშიც ჩავაწვეთოთ სისხლძარღვთა შემავიწროებელი საბავშვო წვეთები - ორივე ნესტოში დღეში 3-4-ჯერ. თუ ექიმმა ცხვირის აეროზოლი დაგინიშნათ, ჯერ ერთხელ უნდა შეასხუროთ, კარგად გამოუსუფთაოთ ცხვირი და შემდეგ პროცედურა გაიმეოროთ.



გააკეთეთ კომენტარი
კომენტარი არ გაკეთებულა
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
თუ თქვენ ხმა ჩაგეხლიჩათ და ეს ორ კვირას ან მეტი ხანს გრძელდება, აუცილებელია ექიმს მიმართოთ. ერთი შეხედვით უბრალო პრობლემა შესაძლოა საკმაოდ სერიოზული
ცხვირის პოლიპი, რომელსაც ხშირად ადამიანები „ხორცმეტს“ ეძახიან, ლორწოვანი გარსის კეთილთვისებიანი ჰიპერპლაზიური წარმონაქმნია.
ვიდეოში ნაჩვენებია 10 ვარჯიში, რომელიც შეიძლება შესრულდეს სახლში შიდა ყურის წონასწორობის სისტემის
ატროფიული რინიტი – ქრონიკული რინიტი, რომელიც ხასიათდება ცხვირის ლორწოვანი გარსის
ყბა-სახის მიდამოებში კისტოზური და კეთილთვისებიანი წარმონაქმნები იშვიათი პრობლემა
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად