ცხვირ-ხახის დაავადებები - მკურნალი.გე

რუბრიკები

ოჯახის მკურნალის ანონსი

მაისი 2019

კითხვა-პასუხი

ცხვირ-ხახის დაავადებები

ცხვირ-ხახის დაავადებები
სადღეისოდ საკმაოდ იმატა ცხვირ-ხახის პრობლემებმა. ფიქრობენ, რომ მთავარი ფაქტორი გაუარესებული ეკოლოგიური გარემო და უკონტროლო თვითმკურნალობაა. არსებობს სეზონურ ცვლილებათა მიზეზიც – შემოდგომა-ზამთრის პერიოდში იზრდება რესპირატორული დაავადებების რიცხვი. ასეთივე პიკი შეიმჩნევა ზაფხულში – ბანაობის სეზონზე, როდესაც ცურვისას ცხვირში მოხვედრილი წყალი იწვევს ანთებით პროცესებს.

ზაფხულში კონდიციონერიდან წამოსულმა ჰაერის ცივმა ნაკადმა ასევე შეიძლება ცხვირ-ხახის ლორწოვანი გარსის შეშუპება გამოიწვიოს, გაცილებით სერიოზულადაა საქმე, როდესაც ანთება ვირუსული ან სოკოვანი ინფექციითაა პროვოცირებული.

უნდა აღვნიშნოთ ისიც, რომ სურდო მსოფლიოში ყველაზე გავრცელებული დაავადებაა და სტატისტიკით, მოსახლეობის 90%-ს ცხოვრებაში ერთხელ მაინც შეხვედრია.


დაავადებათა გალერეა


ცხვირ-ხახის დაავადებებს მრავლობითი გამომწვევი მიზეზი გააჩნია, გასათვალისწინებელია ორგანოს ინდივიდუალური აგებულება, ტრავმები, ფუნქციური მოშლილობანი, ინფექციური დაავადებები, ახალწარმონაქმნები, თანდაყოლილი პათოლოგიები.


ცხვირის ძგიდის გამრუდება

ადამიანთა ერთ ნაწილს აღენიშნება ცხვირის ძგიდის გამრუდება, რომელიც ხშირად ნორმის ერთგვარი ვარიანტია, ზოგ შემთხვევაში კი - სერიოზული დეფორმაცია, რომელიც ხელს უშლის ნორმალურ
სუნთქვას ცხვირით, ავიწროებს ცხვირიდან სინუსებში გასავლებს და იწვევს ქრონიკულ დაავადებებს. ამ შემთხვევაში აუცილებელია ქირურგიული ჩარევა.


ცხვირის ტრავმები


ტრავმული ხასიათის დაავადებებიც არცთუ იშვიათია, ისინი შესაძლოა იყოს ღია, დახურული და კომბინირებული, შერეული ძვლის ნაწილებთან ან მათ გარეშე, ცხვირის გარეთა ნაწილების დეფორმაციით ან მათ გარეშე. მაშინაც კი, თუ ძვლები დაზიანებული არ არის, ცხვირის ტრავმა ყოველთვის იწვევს შეშუპებას, რაც ზოგჯერ ცხვირის ძგიდის ჰემატომით - სისხლჩაქცევით სრულდება.


ვირუსულ-ინფექციური დაავადებები

ცხვირ-ხახაში შესაძლოა განვითარდეს ინფექციური დაავადებები, როგორც ვირუსული, ბაქტერიული, ისე სოკოვანი. დაავადებების ეს ჯგუფი ყველაზე გავრცელებულია. მათ შორისაა რინიტები, სინუსიტები (ჰაიმორიტი, ფრონტიტი, ეთმოიდიტი, სფენოიდიტი, პოლიპოზი და სხვა).


რინიტი

რინიტს ხალხში სურდოს უწოდებენ, ეს მდგომარეობაა, რომლის დროსაც ცხვირის ღრუში ანთებითი პროცესი მიმდინარეობს, რაც იწვევს ლორწოვანი გარსის შეშუპებას. მისი თანმდევი მოვლენებია ცხვირის ღრუს სისხლძარღვთა ტონუსის ცვლილება და ცხვირით ნორმალური სუნთქვის გაძნელება. მკურნალობის გარეშე დარჩენილი რინიტი გადადის ქრონიკულ ფორმაში და მისგან თავის დახსნა მეტად რთულია.

რინიტის ყველაზე დამახასიათებელი ნიშნებია: ცემინება, ცრემლდენა, ცხვირიდან ლორწოვანი გამონადენი.

ქრონიკულ ფორმაში გადასულ რინიტს ახასიათებს ყნოსვის დაქვეითება და ცხვირის ლორწოვანი გარსის ძლიერი შეშუპება. პროფილაქტიკური ღონისძიებაა სხვადასხვა ტიპის მარილხსნარებით ცხვირის ღრუს გამორეცხვა, რომელიც ხელს უწყობს ლორწოს გადინებას და ცხვირის წვეთებით სიმპტომური მკურნალობა.


სინუსიტები

სინუსიტები ცხვირის დანამატი ღრუების ანთებაა, გამოწვეული ინფექციით ან ალერგიური რეაქციით. ამ მდგომარეობას ახასიათებს ცხვირის გაჭედვა, თავის ტკივილი, სხეულის ტემპერატურის მატება, თვალზე სიმძიმე, ყნოსვის გაკარგვა.

ჰაიმორიტი, ფრონტიტი, ეთმოიდიტი და სფენოიდიტი - ეს სინუსიტების ფორმებია.

ჰაიმორიტი ჰაიმორის, ღრუს ლორწოვანი გარსის და ძვლების კედლის ანთებაა, ფრონტიტისას ანთება ლოკალიზდება შუბლის წილში, ორივეს ახასიათებს ცხვრის გაჭედვის გარდა თავის ტკივილი, სისუსტე და ციება. ეთმოიდიტისას პათოლოგიური პროცესი ლოკალიზებულია ცხავის ძვლის ლაბირინთში, სფენოიდიტისას კი სოლისებრ ძვლის წიაღში, მოიცავს ლაბირინთის უკანა კედელს.

ზოგჯერ პაციენტები აღნიშნავენ კბილის ტკივილს დაზიანებულ მხარეს და იმავე მხარეს სახის შეშუპებას. სინუსიტი შეიძლება გამოიწვიოს როგორც ინფექციურმა პროცესმა, ისე დაავადებამ და ტრავმამ, ჭუჭყიან წყალში ბანაობამ, კბილთან დაკავშირებულმა პროცესმა, ადენოიდებმა. სინუსიტებს ჯანმრთელობისთვის სერიოზული ზიანის მოტანა შეუძლია, აუცილებელია მათი დაუყოვნებელი მკუნალობა - რომ ანთების შედეგად წიაღებში დაგროვილი ჩირქი არ გავრცელდეს ახლომდებარე ქსოვილებზე, მათ შორის, ტვინზეც, რაც საკმაოდ სერიოზული შედეგით სრულდება.

სინუსიტების მკურნალობა ითვალისწინებს ცხვირის დანამატი ღრუების დრენირებას, სისხლძარღვთა შემავიწროებელი წვეთების გამოყენებას, იმუნიტეტის გამაძლიერებლებს და ანტიბიოტიკოთერაპიას.


ადენოიდები


მოსახლეობა მათ პოლიპებს უწოდებს, ისინი იზრდება ცხვირის ღრუს ლორწოვანში. მიზეზები სხვადასხვაა, თუმცა ყველაზე ხშირად ეს ქრონიკული ანთებაა. საინტერესოა, მამაკაცებს პოლიპოზი 4-ჯერ უფრო მეტად აღენიშნებათ, ვიდრე ქალბატონებს.

გადიდებული ადენოიდები ცხვირის გასავალ არხებს და წიაღების შესასვლელებს ბლოკავენ, რის გამოც რთულდება სუნთქვა და ვითარდება ისეთი სიმპტომები, როგორებიცაა: ცხვირის გაჭედვა, ცხვირ-ხახის ხშირი ანთება, ისინი ავიწროებენ ლორწოვანი გარსის სისხლძარღვებს და გარსიც, მოკლებული კვებას, კარგავს მასზე დაკისრებული ბარიერული ფუნქციის შესრულების უნარს. ამ მდგომარეობისთვის დამახასიათებელია დუდუნა მეტყველება, ყნოსვისა და სმენის დაქვეითება.

პოლიპოზის მკურნალობა ოპერატიულია, თუმცა ადრეულ სტადიაზე შესაძლებელია ანთების საწინააღმდეგო და ანტიჰისტამინური პრეპარატებით, იმუნიტეტის გამაგრებით, სპეციფიკური იმუნოთერაპიით კონსერვატიული მკურნალობაც შედეგიანი აღმოჩნდეს.


სკლერომა


სკლერომა ქრონიკული ინფექციური დაავადებაა, რომელიც აზიანებს სასუნთქი გზების ლორწოვან გარსს. იგი ვითარდება ნელ-ნელა, რამდენიმე წლის განმავლობაში, ყველაფერი იწყება იმით, რომ სასუნთქი გზების ლორწოვანზე ჩნდება ერთგვარი კვანძები, რომლებიც დროთა განმავლობაში ნაწიბუროვან ქსოვილად ყალიბდებიან და იწვევენ ლორწოვანის დაზიანებას, ცხვირით სუნთქვის გაძნელებას. ჩნდება მუდმივი ძილიანობის შეგრძნება, სისუსტე, თავის ტკივილი.

სკლერომის მკურნალობა მედიკამენტურია, ქირურგიული ჩარევა რეკომენდებულია მხოლოდ გართულებულ და მძიმე შემთხვევებში. ქალების სკლერომა გაცილებით იშვიათია, ვიდრე მამაკაცების, ხდება ისეც, რომ ზოგჯერ დაავადება ოჯახის რამდენიმე წევრს ერთდროულად ემართება, ყველაზე ხშირად ეს 15-20 წლის ასაკს ემთხვევა.


ცხვირ-ხახის დაავადებათა პროფილაქტიკა


ცხვირ-ხახის დაავადებათა რისკის შესამცირებლად გირჩევთ გაითვალისწინოთ საიმედო პროფილაქტიკის ეს წესები:

  • თავი არიდეთ გაციებას, მართალია თავად სიცივე არ იწვევს სურდოს, მაგრამ დაბალი ტემპერატურა იწვევს სისხლძარღვების შევიწროებას და ლორწოვან გარსს დაავადების გამომწვევებისადმი მეტად მიმღებელს ხდის;
  • ლორწოვანი გარსის შეშუპებისა და გამონადენის გაჩენისას ხშირად გამოირეცხეთ ცხვირი, განსაკუთრებით ეს საჭირო და აქტუალურია ზამთარსა და შემოდგომაზე, გრიპის ეპიდემიის პერიოდში, აგრეთვე გაზაფხულზე მცენარეთა ყვავილობის დაწყებისას;
  • გამოსარეცხად გამოგადგებათ ჩვეულებრივი მარილწყალი, რომელიც აქტიურად გამორეცხავს ბაქტერიებსა და ალერგენებს;
  • რაციონი უნდა იყოს მრავალფეროვანი, მასში უნდა ჭარბობდეს ნატურალური პროდუქტები – ხილი და ბოსტნეული, ახალი ხორცი და თევზი, მარცვლოვნები;
  • მაქსიმალურად შეამცირეთ ფასტფუდი და ნახევარფაბრიკატების გამოყენება;
  • ზამთრისპირს მიიღეთ იმუნიტეტის გამაძლიერებლი პრეპარატები: ჩ ვიტამინი, რომელსაც დიდი ოდენობით შეიცავს ციტრუსები, კომბოსტო, ასკილი, A ვიტამინით მდიდარი სტაფილო, ტკბილი წიწაკა, ფოთლოვანი ბოსტნეული, თუთიის შემცველი ნებისმიერი მწვანე ბოსტნეული, კვერცხი, მაგნიუმი და სელენის შემცველი წიწიბურა, შვრია, მუქი ბრინჯი.
  • გაიძლიერეთ ამტანობა ადაპტოგენებით - ჟენშენი, ელეუტეროკოკი, ჩინური ლიმონურა;
  • რადგან ცხვირ-ხახის სხვადასხვა დაავადების კლინიკური ნიშნები ერთმანეთის მსგავსია, დაავადების დამოუკიდებლად განსაზღვრა, პრაქტიკულად, შეუძლებელია;
  • გახსოვდეთ: ეფექტიანი საშუალებანი შესაძლოა სხვა შემთხვევაში არ გამოგადგეთ, ამიტომ გაცილებით გამართლებულია, არ დახარჯოთ თანხა უშედეგო თვითმკურნალობაზე და პირველივე უსიამოვნო სიმპტომების გაჩენისას მიმართეთ კვალიფიციურ სპეციალისტს.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
ღვიძლის ნორმალური ფუნქციონირებისათვის -30აბი
ფასი: 48.9
მხედველობის ხელშეწყობისთვის-60აბი
ფასი: 44.9
დიაბეტური ვიტამინი-30აბი
ფასი: 39.9
დიაბეტური ვიტამინი+ომეგა 3 -28 აბი
ფასი: 55.9
მსგავსი სიახლეები
ტრაქეა ბერძნული წარმოშობის სიტყვაა და „სასუნთქ ყელს, არტერიას“ ნიშნავს.
05-12-2018
ართრიტი, ართროზი და სახსრების სხვა დაავადებები ადამიანს ტკივილს და ზოგჯერ ტანჯვასაც კი განაცდევინებს.
05-11-2018
ნაღვლის ბუშტის დაავადებები საჭმლის მომნელებელი სისტემის
04-10-2018
დიეტოლოგია
მაღალცხიმიანი და დაბალნახშირწყლოვანი დიეტა - LCHF: გახდომა სიამოვნებით - ეს დიეტა წვავს ცხიმებს.
ადამიანების დიდი ნაწილი ყოველდღიურად დიდი რაოდენობით ტკბილ, გაზიან, გამაგრილებელ სასმელს იღებს.
სპეციალისტებმა შეისწავლეს ეფექტი, რომელსაც ორგანიზმზე „დროში შეზღუდული“ კვება ახდენს, რაც იმას
კატეგორიის სხვა სტატიები
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
ზამთრის მოახლოება და ყელის ტკივილი ერთმანეთთან მჭიდროდ დაკავშირებული ცნებებია.
ზოგადად ადამიანს 20-დან 20 000 ჰერცამდე სიხშირის ბგერის აღქმა შეუძლია, თუმცა სმენის უნარი ასაკთან ერთად თანდათანობით ქვეითდება.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
მწეველებს რომ სმენის პრობლემები აწუხებთ, დიდი ხანია დადგენილია, თუმცა, ამჯერად სპეციალისტებს
საულიუს ვაიტკუსი "ლიტვის სამედიცინო მეცნიერებათა უნივერსიტეტის" (Lithuanian University of Health Sciences) პროფესორი და ამავე უნივერსიტეტის ოტო-რინო-ლარინგოლოგიის დეპარტამენტის სარეზიდენტო პროგრამების ხელმძღვანელია. პროფესიული გამოცდილება გერმანიაში, აშშ-სა და ლიტვაში აქვს მიღებული. 22 წლის წინ, ლიტვაში სწორედ მისი ხელმძღვანელობით დაინერგა ენდონაზალური ქირურგია, რამაც საგრძნობლად გააუმჯობესა ყელ-ყურ-ცხვირის ქირურგიის შედეგები.

პროფესორი ვაიტკუსი თანამედროვე მეთოდებითა და უახლესი ტექნოლოგიების გამოყენებით (ლაზერით, შეივერით) მუშაობს. ქირურგიულ ჩარევებს ყველაზე ნაკლებინვაზიური მეთოდებით - ენდონაზალური და ენდოსკოპიური მიდგომით ახორციელებს, რაც გულისხმობს ყელ-ყურ-ცხვირის ქირურგიას კანის გარეგანი კვეთის გარეშე. ენდონაზალური მიდგომის დროს ხდება სპეციალური ოპტიკური ხელსაწყოების გამოყენებით კონკრეტული უბნის ვიზუალიზაცია, რაც ტრადიციულ მეთოდებთან შედარებით უფრო ეფექტური და ნაკლებტრავმულია. შედეგად, პაციენტისთვის რეაბილიტაციის პერიოდი საგრძნობლად მარტივდება.

საულიუს ვაიტკუსი უკვე რამდენიმე თვეა "ნიუ ჰოსპიტალსში" უწევს პაციენტებს კონსულტაციას და ატარებს ყელ-ყურ-ცხვირის ქირურგიულ ოპერაციებს ბავშვებსა და მოზრდილებში. "ნიუ ჰოსპიტალსში" არსებული ულტრათანამედროვე აპარატურის დახმარებით, საულიუს ვაიტკუსი მკურნალობს ყელ-ყურ-ცხვირის სხვადასხვა სიმძიმის დაავადებებს და მუშაობს ნებისმიერი სირთულის პაციენტთან, მათ შორის ონკოლოგიური და ქრონიკული დაავადებების მქონე პაციენტებთან.

დაუსვი კითხვა პროფესორ საულიუს ვაიტკუსს



კითხვები, რომლებსაც საულიუს ვიატკუსმა უკვე უპასუხა:


- გამარჯობათ. ვარ 30 წლის. ტონზილეტქომიიდან 3თვეში, დამეწყო პერიოდულად ყურების დაგუბება და შუილი ყურებში, შეიძლება დილით დამიგუბდეს და მერე თავისით მეხსნება (წნევა ნორმაში მაქვს). რას მირჩევთ? (მაქვს ავტოიმუნური თირეოდიტი კვანძოვანი ჩანართით) მადლობთ.

ჩემი 4 წლის ბავშვი ხშირად იტკიებს ყურს. ექიმთან მყავდა და გასინჯვით არაფერი აქვს. რისი ბრალი შეიძლება იყოს და რა გამოკვლევა უნდა ჩავუტარო?

წლების მანძილზე სხვადასხვა ცხვირის წვეთებს ვიყენებ ძილის წინ რადგან დაწოლის დროს მეფარება ნესტო და მგონია დავიგუდები, არადა ყველა მეუბნება რომ საკმარისი ჰაერი შედის, ამის გამო სიმშრალე მაქვს ცხვირის, პოლიპები ყველანაირი ამოჭრილი მაქვს. გთხოვთ მომცეთ რეკომენდაცია პრობლემის მოგვარების.მადლობა


გამარჯობა, ვარ ალერგიული სეზონურად, ძირითადად გაზაფხულში:აპრილი-მაისი, თუმცა მთელი წლის განმავლობაში მაწუხებს გაჭედილობა ცხვირში, მეგონა რომ ძგიდე მქონდა გაღუნული ან საოპერაციო , თუმცა ექიმებმა ეგ პრობლემები გამორიცხეს... რაიმე ცხვირის წამალს(წვეთებს, სპრეის) ხომ ვერ მეტყოდით ან ზღვის წყლით წვეთებს, რომელიც ჰორმონალური არაა, დამოკიდებულებას არ იწვევს და მიშველის ამ პრობლემაზე?

გამარჯობა. 29 წლის ვარ და გლანდები მაქვს საოპერაციო. ამ ასაკში რამე გართულებებთან ხომ არ არის ოპერაცია დაკავშირებული და რა პერიოდში ჯობია ოპერაციის გაკეთება?









 



1
"ჩვენს სანათესაოში თითქმის ყველას ჰქონდა კენჭები, ზოგს - თირკმელში, ზოგს - ნაღვლის ბუშტში.
პაპილომა კანის უჯრედების კეთილთვისებიანი სიმსივნური წანაზარდია.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
ალბათ ბევრს აინტერესებს, რატომ იღებენ სისხლს ანალიზისთვის მაინცდამაინც უსახელო (მეოთხე) თითიდან?
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად