ანგინის მკურნალობა და პროფილაქტიკა - მკურნალი.გე

რუბრიკები

ოჯახის მკურნალის ანონსი

დეკემბერი 2019

კითხვა-პასუხი

ანგინის მკურნალობა და პროფილაქტიკა

ანგინის მკურნალობა და პროფილაქტიკა
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა. ანგინის, ანუ ტონზილიტის გამომწვევი 80-90% შემთხვევაში ბეტა-ჰემოლიზური А ჯგუფის სტრეპტოკოკია.

ანგინის სხვა სავარაუდო გამომწვევი – სტაფილოკოკია. ზოგჯერ ანგინის განვითარებაში აღინიშნება მიქს-ინფექცია, ე.წ. შერეული ინფექცია – გამოწვეული სტრეპტოკოკებითა და სტაფილოკოკებით, რაც მნიშვნელოვნად ართულებს მკურნალობას.

ანგინის გამომწევევი სხვა მიკროორგანიზმებიც შეიძლება იყოს.


ანგინის განვითარების მიზეზები

ინფექციის წყარო მხოლოდ ადამიანია, ძირითადად კი ანგინით, ქუნთრუშით, სტრეპტოკოკებით გამოწვეული მწვავე რესპირატორული დაავადებით მოავადე პირი. დასნებოვნება, უმთავრესად, ჰაერწვეთოვანი გზით ხდება და ზ
ამთარში და შემოდგომით აღინიშნება.


რა ხდება ამ დროს ორგანიზმში?

დაავადების გამომწვევი ხვდება ნუშურებში და იწყებს გამრავლებას. ამასთან ბაქტერიები გამოყოფენ ტოქსინს, რაც აზიანებს ქსოვილებს. ტოქსინების ნაწილი ხვდება სისხლში და მთელ ორგანიზმს მოივლის, ეს კი ზოგად ინტოქსიკაციას – მაღალ ტემპერატურას, შემცივნებას და სხვა მოვლენებს იწვევს. მკურნალობის გარეშე დატოვებული ანგინის დროს დაავადების მთელი მიმდინარეობისას
სტრეპტოკოკური ცილა იწოვება და გულის, თირკმელების, რევმატიზმისა და სხვა მძიმე დაავადებების განვითარების წინაპირობას ქმნის.

ნუშურების ადგილობრივი ანთება შეიძლება სხვადასხვა ხარისხით იყოს გამოხატული. ყველაზე მსუბუქს კატარულს უწოდებენ, შემდეგ მოდის ჩირქოვანი ფორმა, ის იყოფა ფოლიკულურად – როდესაც ნუშურებზე ჩანს ჩირქით სავსე ბუშტუკები და ლაკუნურად – ამ დროს ჩირქით ლაკუნებია სავსე.

ძალიან მძიმე ფორმას (სტაფილოკოკებით გამოწვეული) ახლავს ქსოვილების გამოხატული ნეკროზი.

გადატანილი ანგინა იმუნიტეტს არ ტოვებს. 8 თვის ასაკამდე ბავშვები ანგინით პრაქტიკულად არ ავადდებიან, რამდენადაც ნუშურები მათ ჯერ არ აქვთ განვითარებული.


როგორ მიმდინარეობს ანგინა?

ინკუბაციური პერიოდი საშუალოდ 10-12 საათია. დაავადება იწყება მწვავედ, ტემპერატურა იწევს 38-39°ჩ-მდე, აღინიშნება შემცივნება, თავის ტკივილი, ზოგჯერ ღებინება და ყელის ტკი­ვილი.

კატარული ანგინისას ჩირქი არ არის, აღინიშნება მხოლოდ ნუშურების შეშუპება. ტემპერატურა და ინტოქსიკაციის მოვლენები მსუბუქადაა გამოხატული.

ფოლიკულური ფორმის დროს შეშუპებული ნუშურების ზედაპირზე ჩანს მცირე ზომის თეთრი წერტილები – ჩირქით სავსე ფოლიკულები (ბუშტუკები).

ლაკუნური ფორმის დროს ჩირქი გროვდება ლაკუნებში და ზოგჯერ ფარავს მთელ ზედაპირს. აღსანიშნავია, რომ ხშირად დაავადება კატარული ფორმით იწყება და გადადის ფოლიკულურში, როდესაც ჩირქიანი ბუშტუკები სკდება, ის გადადის ლაკუნურ ანგინაში.

ხშირად აღინიშნება სახის შეწითლება, ლიმფური კვანძების გადიდება, ყლაპვისას ყელის ტკივილი.

დროული მკურნალობის გარეშე ვითარდება ნეკროზული ანგინა. მაღალი ტემპერატურის ფონზე (40°ჩ) ნუშურებზე ჩანს ჭუჭყიანი – რუხი ფერის ნადებით დაფარული წყლულები. არასწორი მკურნალობისას ვითარდება გართულებები (ეს შეიძლება იყოს ადგილობრივი პერიტონზილური აბსცესი, ჰაიმორიტი, ოტიტი, ჩირქოვანი მენინგიტი). აღინიშნება ასევე გულის დაზიანება (მიოკარდიტი), თირკმელების დაზიანება, შეიძლება განვითარდეს რევმატიზმი.


ანგინის მკურნალობა

საჭიროა წოლითი რეჟიმი, სითხის მიცემა, საკვები უნდა იყოს ნახევრად თხევადი, სასურველია ბავშვისთვის საყვარელი საჭმელი.

ანგინის მკურნალობის მთავარი ელემენტი ანტიბიოტიკია. მის გარეშე ადეკვატური მკურნალობა შეუძლებელია, მოსალოდნელი გართულებების ალბათობა კი დიდია. ანტიბიოტიკი უნდა შეარჩიოს მხოლოდ ექიმმა. სხვა პრეპარატებიდან ნიშნავენ სიცხის დამწევს.


ანგინის პროფ ილაქტიკა

თუკი ოჯახში ანგინით დაავადებულია, ოჯახის სხვა წევრებიც შეიძლება დაავადდნენ, რადგან დაავადება გადამდებია და გადაეცემა ჰაერწვეთოვანი გზით. ამიტომ საჭიროა მოერიდოთ დაავადებულს, ხელები ხშირად დაიბანოთ, გაანიავოთ ოთახი და იხმაროთ ნიღაბი.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ხელშეწყობისთვის-60აბი
ფასი: 44.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
მშრალი თვალისთვის-13მლ
ფასი: 14.9
კარგი მხედველობის შენარჩუნებლად-30 აბი
ფასი: 40.5
მსგავსი სიახლეები
ზაფხულის ცხელ დღეებში ინტოქსიკაციის (მოწამვლის) შემთხვევები, ჩვეულებრივ, მატულობს. როგორ უნდა მოიქცეთ ამ დროს:
16-08-2019
თბი­ლის­ში, ვარ­კე­თი­ლის და­სახ­ლე­ბა­ში სავარადოდ ბუ­ნებ­რი­ვი აი­რით ინ­ტოქ­სი­კა­ცი­ის შე­დე­გად ორი ადამიანი
21-01-2019
გორში მომხდარი შემთხვევის შედეგად ერთი ახალგაზრდა მამაკაცი დაიღუპა, ორი კი მძიმე ინტოქსიკაციით გორის
17-12-2018
დიეტოლოგია
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ჟურნალში Neurology გამოქვეყნდა ახალი კვლევის შედეგები, რომელთა თანახმადაც,_ ტრანსცხიმების ხშირად გამოყენება (მაგალითად კარტოფილი-ფრის)
კატეგორიის სხვა სტატიები
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
ელექტროდენით ყურის სტიმულაცია 55 წელზე უფროსი ასაკის მქონე ადამიანებს ნერვული სისტემის ბალანსს უბრუნებს.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
ზამთრის მოახლოება და ყელის ტკივილი ერთმანეთთან მჭიდროდ დაკავშირებული ცნებებია.
სადღეისოდ საკმაოდ იმატა ცხვირ-ხახის პრობლემებმა.
ზოგადად ადამიანს 20-დან 20 000 ჰერცამდე სიხშირის ბგერის აღქმა შეუძლია, თუმცა სმენის უნარი ასაკთან ერთად თანდათანობით ქვეითდება.
ხველის მკურნალობა არა მარტო მედიკამენტებით, არამედ ალტერნატიული საშუალებებითაცაა შესაძლებელი,
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
ტვინის სისხლძარღვების გაწმენდა უმნიშვნელოვანესი პროცედურაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად