რა აზიანებს ვენებს - ანგიოქირურგ ზაზა კევლიშვილის რეკომენდაციები - მკურნალი.გე

რუბრიკები

ოჯახის მკურნალის ანონსი

მაისი 2019

კითხვა-პასუხი

რა აზიანებს ვენებს - ანგიოქირურგ ზაზა კევლიშვილის რეკომენდაციები

რა აზიანებს ვენებს - ანგიოქირურგ ზაზა კევლიშვილის რეკომენდაციები
უკანასკნელ ხანს გულთან დაკავშირებული პრობლემები მეტად გაახალგაზრდავდა. პრობლემას ხშირად არა თავად გულის კუნთი, არამედ გულის პერიფერიაზე მდებარე სისხლძარღვების დაზიანება ქმნის.

სისხლძარღვებთან დაკავშირებულ პრობლემებს ანგიოლოგია სწავლობს, თავად სპეციალისტს კი - ანგიოლოგი ჰქვია.

რომელი ანგიოლოგიური პრობლემებია ყველაზე გავრცელებული და რა ფაქტორები განაპირობებს მათ გავრცელებას, ამ თემაზე ალ. ალადაშვილის სახელობის კლინიკის ანგიოქირურგი, მედიცინის დოქტორი - ზაზა კევლიშვილი გვესაუბრება.

- მოგეხსენებათ, სისხლძარღვების ყველაზე მძლავრი დამაზიანებელი ფაქტორი მისი ათეროსკლეროზული დაზიანებაა, ამის გამო ყველაზე გავრცელებული ანგიოლოგიური პათოლოგიებია: საძილე არტერიების ათეროსკლეროზი, გულმკერდისა და მუცლის აორტის ათეროსკლეროზი, ქვედა
კიდურების არტერიათა ათეროსკლეროზი.

- რა არის ათეროსკლეროზი და როგორ მიმდინარეობს სისხლძარღვების ათეროსკლეროზული დაზიანება?

- ათეროსკლეროზი პათოლოგიური პროცესია, რომლის დროსაც არტერიების კედლებზე ათეროსკლეროზული ფოლაქები წარმოიქმნება. სწორედ ეს ფოლაქები ავიწროებენ და ზოგჯერ სრულიად ახშობენ არტერიების სანათურს, შესაბამისად ფერხდება სისხლის მიმოქცევა, რაც შინაგანი ორგანოების ფუნქციურ დარღვევას იწვევს, რადგან
ნორმალური ფუნქციობისათვის აუცილებელი ჟანგბადი და საკვები ნივთიერებები მათ შემცირებული რაოდენობით მიეწოდება.

ათეროსკლეროზს განვითარების რისკფაქტორები გააჩნია, ესენია:

1) გენეტიკური მიდრეკილება;
2) შაქრიანი დიაბეტი;
3) თამბაქოს მოწევა;
4) ჰიპოდინამია;
5) ჭარბი წონა;
6) არტერიული ჰიპერტენზია;
7) მუდმივი სტრესები.

ეს პრობლემები უმთავრესად 40 წელს გადაცილებულ პირებთან შეინიშნება. მამაკაცებთან - ბევრად ხშირად, ვიდრე ქალებთან.

უნდა აღინიშნოს, რომ ბოლო პერიოდში ეს დაავადებები ძალიან გაახალგაზრდავდა.

- საინტერესოა, რა სიმპტომები ახასიათებს არტერიათა დაზიანებას და როდის უნდა მიმართოს ადამიანმა სპეციალისტს.

- არტერიების ათეროსკლეროზული დაზიანებისთვის დამახასიათებელ სიმპტომებს ძირითადად მათი ლოკალიზაცია და ის ორგანო განსაზღვრავს, რომლის მკვებავი არტერიაც არის დაზიანებული.

ჩვეულებრივ, თანაბარი სიხშირით ზიანდება როგორც საძილე, გულმკერდის, ასევე მუცლის აორტა და მათგან გამომავალი სხვადასხვა ორგანოს მკვებავი არტერიები.

საკუთრივ გულის მკვებავი არტერიების ათეროსკლეროზი იწვევს გულის იშემიურ დაავადებას, რაც ხშირად მოსახლეობისთვის კარგად ნაცნობი მიოკარდიუმის ინფარქტით რთულდება.

არანაკლებ სერიოზული პრობლემაა თავის ტვინის მკვებავი ე.წ. საძილე არტერიების ათეროსკლეროზი, რის გამოც თავის ტვინში სისხლის მიმოქცევა ირღვევა და შესაძლოა იშემიური ინსულტი გამოიწვიოს.

საძილე არტერიების ათეროსკლეროზის დროს პაციენტს შეიძლება აღენიშნებოდეს: ყურებში შუილი, თავის ტკივილი, თავბრუსხვევა, მომატებული აგზნებადობა, მეხსიერების დაქვეითება, ფიზიკური აქტივობის დაქვეითება. უნდა აღინიშნოს ის ფაქტიც, რომ ხშირად საძილე არტერიების ათეროსკლეროზი მიმდინარეობს უსიმპტომოდ და მისი პირველი გამოვლინება იშემიური ინსულტია.

თეძოსა და ქვედა კიდურების არტერიების ათეროსკლეროზი იწვევს ქვედა კიდურებში სისხლის მიმოქცევის მოშლას. ამ დროს აღინიშნება - ქვედა კიდურების კანის საფარველის სიფერმკრთალე, ქვედა კიდურებში სიცივის შეგრძნება, ე.წ. “გარდამავალი კოჭლობა”, როდესაც პაციენტები უჩივიან ტკივილს კანჭის კუნთებში სიარულის დროს. დაავადების პროგრესირებასთან ერთად მცირდება მანძილი, რომლის გავლასაც პაციენტები უმტკივნეულოდ ახერხებენ.

- ათეროსკლეროზული დაზიანების გართულებაა სისხლძარღვთა ანევრიზმა.

- ათეროსკლეროზული ფოლაქები ზოგ შემთხვევაში იწვევენ არტერიის კედლის განლევას და აღნიშნულ ადგილას ყალიბდება ანევრიზმა.

ნებისმიერი ლოკალიზაციის ანევრიზმა ერთხანს მიმდინარეობს უსიმპტომოდ. მოცულობის მატებასთან ერთად, შესაძლებელი ხდება ანევრიზმისათვის დამახასიათებელი მოპულსირე წარმონაქმნის აღმოჩენა დაზიანებული არტერიის პროექციაში (მუცლის აორტა, თეძოს არტერიები, ქვედა კიდურების არტერიები, საძილე არტერიები). ანევრიზმის გართულება მისი გასკდომაა, ამიტომ ანევრიზმის აღმოჩენისას აუცილებელია სისხლძარღვთა ქირურგის კონსულტაცია და საჭირო მოქმედების დაგეგმვა.

- როგორც ირკვევა, საკმაოდ ბევრი ანგიოლოგიური პრობლემა უსიმპტომოდ, ფარულად ვითარდება. როგორ უნდა ამოხდეს ადრეული დი­ა­გნოსტიკა და რომელი მეთოდებია ამ მხრივ პროდუქტიული?

- არტერიული სისტემის დიაგნოსტიკის მეთოდებიდან ყველაზე პროდუქტიულია: დუპლექსსკანირება, დოპლეროგრაფია, ანგიოგრაფია, კომპიუტერული ანგიოგრაფია, მაგნიტურ-რეზონანსული ტომოგრაფია.

ზემოთ ჩამოთვლილი სიმპტომებისას აუცილებელია პაციენტის ანგიოლოგიური კვლევა, კონკრეტულად რომლით, ამას სპეციალისტი განსაზღვრავს პაციენტის ინდივიდუალური მდგომარეობის გათვალისწინებით.

პრობლემის აღმოჩენისას ინიშნება მედიკამენტური, საჭიროების შემთხვევაში კი ქირურგიული მკურნალობა.

აუცილებელია კომპლექსური მკურნალობა. მნიშვნელოვანია ცხოვრების წესის შეცვლა და მთელი რიგი პროფილაქტიკური ღონისძიებების გატარება. კერძოდ:

შაქრიანი დიაბეტის დროს - სისხლში შაქრის დონის კონტროლი; ცხიმოვანი ცვლის მდგომარეობის გაცნობა და ქოლესტერინის დონის მოწესრიგება.

პროფილაქტიკა ითვალისწინებს გულ-სისხლძარღვთა დაავადების დროს რეკომენდებიულ ზოგად პოსტულატებს:

  • არტერიული წნევის კონტროლს;
  • თამბაქოს უკუგდებას;
  • მაღალკალორიული და ქოლესტერინით მდიდარი საკვების რაციონიდან ამოღებას;
  • სხეულის მასის კონტროლსა და ჭარბი წონის მოცილებას.
გააკეთეთ კომენტარი
კომენტარი არ გაკეთებულა
რეკომენდებული კლინიკები
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ხელშეწყობისთვის-60აბი
ფასი: 44.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
დიაბეტური ვიტამინი-30აბი
ფასი: 39.9
მსგავსი სიახლეები
გულის ამერიკული ასოციაციის ექსპერტთა განცხადებით, ხილისა და ბოსტნეულის 3-5 ულუფა დღეში პერიფერიული
11-04-2019
ტემპერატურის მერყეობა აკაჟებს ორგანიზმს, ასტიმულირებს ორგანიზმში მიმდინარე უამრავ პროცესს და აძლიერებს
08-04-2019
ტვინის სისხლძარღვების გაწმენდა უმნიშვნელოვანესი პროცედურაა.
05-12-2018
დიეტოლოგია
დიდი ბრიტანეთის დიეტოლოგებმა, კვლევების საფუძველზე, განაცხადეს, რომ არსებობს პროდუქტების ნაკრები, რომელიც
ცნობილია, რომ ნიგოზი ებრძვის კიბოს, აქვეითებს ანთების დონეს, ამუხრუჭებს დაბერების პროცესს და
გარგარი შეიცავს პექტინს - ნაერთს, რომელსაც ღვიძლიდან მავნე ნივთიერებების გამოდევნის უნარი გააჩნია. პექტინი
კატეგორიის სხვა სტატიები
ზოგჯერ ადამიანის ორგანიზმში დიდი ზომის თრომბი ყალიბდება. სისხლის ნაკადთან ერთად ის გადაადგილება სისხლის
ექიმ კომაროვსკის რეკომენდაციებიდან გთავაზობთ ვარიკოზის საპროფილაქტიკო რამდენიმე რჩევას.
ვენების ვარიკოზული გაგანიერება გავრცელების მიხედვით მსოფლიოში კარიესის შემდეგ მეორე ადგილზეა. სპეციალისტთა
თრომბებს სასიკვდილო საშიშროება უკავშირდებათ. ეს შედედებული მასები, რომლებიც სისხლძარღვთა სანათურში
ბოხუას სახელობის კარდიოვასკულარული ცენტრი დღეს წარმოადგენს საქართველოში წამყვან სამედიცინო დაწესებულებას,
თრომბებისა და ათერომული ფოლაქების განვითარების არიდება, სისხლძარღვების გაწმენდა და
მუცლის შებერილობას იწვევს აირების ჭარბი დაგროვება, ამის შესამცირებლად იყენებენ პრეპარატებს, რომლებიც ხელს უწყობს ნაწლავში დაგროვილი აირების შთანთქმას.
რა დაავადებაა პნევმოსკლეროზი, როგორ ვლინდება იგი და რას გულისხმობს ამ პათოლოგიის პროფილაქტიკა,
ტესტით სისხლში იძებნება დაავადებისთვის დამხასიათებელი დნმ-ის ფრაგმენტი, რაც ინვაზიური სადიაგნოსტიკო
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად